Լևոն Զուրաբյան. Ընդդիմությունը կհաղթի, եթե կարողանա վերահսկել հաշվարկի ընթացքը

Հայաստանի իշխանությունները ի զորու չեն ընտրություններ կազմակերպել որևէ մակարդակով, քանի որ ի վիճակի չեն դիմակայել քրեական աշխարհին, հայտարարել է Հայ Ազգային Կոնգրեսի համակարգող Լևոն Զուրաբյանն այսօր հրավիրած արտահերթ մամուլիս ասուլիսի ժամանակ։ Նրա խոսքերով՝ կոպտագույն սխալների փաստերն անչափ շատ են, դրանք շարունակ ստացվում են ըննդիմության կաղմից։ Վերջնական նյութերը, այդ թվում նաև ֆոտո և տեսանյութեր, կներկայացվեն ավելի ուշ։

Միևնույն ժամանակ, նա հայտարարել է, որ ընդդիմության ներուժն այնքան մեծ է, որ նույնիսկ տվյալ պահին քվեաթերթիկների քանակը ՀԱԿ-ի օգտին ապահովում են վերջինիս հաղթանակը։ «Իշխանությունները, հասկանալով, որ իրականացված ընտրախախտումները բավական չեն, կանեն ամենը, որպեսզի դրանք շարունակվեն քվեաթերթիկների հաշվարկի ժամանակ։ Ամեն ինչ կախված է նրանից, թե որքանով հնարավոր կլինի վերահսկել ընթացքը։ Մեր ներկայացուցիչները շարունակում են պայքարել, հաճախ՝ միայնակ», – ասել է Զուրաբյանը։

Առավել մեծ թվով խախտումներ արձանագրվել են Մալաթիա–Սեբաստիա և Դավիթաշեն համայնքներում։ Այնտեղ կայացած ընտրությունները Զուրաբյանը «բռնաբարված» անվանեց։ «Քրեական աշխարհը՝ Սամվել Ալեքսանյանի գլխավորությամբ, Մալաթիայում նույնիսկ ծեծել ու առևանգել է լրագրողների, վստահված անձանց, դիտորդների...»։ Արդեն հիմա, Զուրաբյանի խոսքերով, կարելի է վստահաբար անվավեր համարել այդ ընտրատեղամասերում անցկացված ընտրությունները։

Մամուլի ասուլիսի մեկ այլ մասնակից՝ ՀԺԿ-ի վարչության անդամ Գրիգոր Հարությունյանը, պատասխանելով ոստիկանության աշխատանքի մասին հարցին, նշել է, որ դրանք «առնվազն անբավարար են»։ «Շատ ծանր է ինչ–որ բան վերահսկել կամ կազմակերպել, երբ Օրենքի ներկայացուցիչները և քրեական աշխարհը գործում են միահամուռ։ 7-8 մարդ ներխուժում է ընտրատարածք՝ ոստիկանների ուղեկցությամբ, որոնք սպառնում մեր ներկայացուցիչներին, ովքեր փորձում են կանխել լցոնումները», – ասել է Հարությունյանը։

Ամբողջ պատասխանատվությունն ընտրախախտումների համար, նրա խոսքերով, ընկնում է իշխանությունների ուսերին, ովքեր դրանք կազմակերպել են։

«Վստահված անձանց նույնիսկ սպառնացել են սպանել։ Ընդ որում, Երևանում առավոտից կրակում են, կան տուժածներ։ Իշխանական կոալիցիայի ներսում ընթացող պայքարի մասին ցանկացած խոսակցությունները լիովին հիմարություն են։ Կա երկու ուժ՝ Հայ Ազգային Կոնգրես և մնացածը՝ իրենց արբանյակների հետ», – ավելացրել է նա։

Լևոն Տեր–Պետրոսյանի մամուլի խոսնակ Արման Մուսինյանը, իր հերթին, նշել է, որ ընտրախախտումների մասին տեղեկություններ տրամադրում են ոչ միայն ընդդիմադիր ուժերին համակրող լրատվամիջոցներ, այլ նաև անկախ դիտորդներ, իրավապահներ, Transparency International կազմակերպությունը, մյուս կուսակցությունների ներկայացուցիչներ։
 

Հաղորդակից նորություններ