Հունվարի 1-ից հայ կանոնավոր միգրանտների կյանքը հեշտանալու է. Գագիկ Եգանյան

08:24 • 08.12.14

Tert.am-ի հետ զրույցում ՀՀ տարածքային կառավարման նախարարության Միգրացիոն ծառայության պետ Գագիկ Եգանյանը, անդրադառնալով 2015 թ. հունվարի 1-ից ուժի մեջ մտնող Հայաստանի՝ Եվրասիական տնտեսական միությանը միանալու մասին  պայմանագրի ուժի մեջ մտնելուն, ասում է, որ ՀՀ քաղաքացիների՝  Ռուսաստանում աշխատելու ընթացակարգերը զգալիորեն հեշտացվելու են: Այսինքն՝ օրինական արտագնա աշխատողների համար այլևս  լրացուցիչ փաստաթղթերի կարիք չի լինի. միայն ՀՀ քաղաքացու անձնագիր և աշխատանքային պայմանագիր:

 

Բացի բյուրոկրատական քաշքշուկները, կարևոր խնդիր է նաև պետտուրքեր վճարելու պահանջի վերացումը, ինչի հետևանքով ՀՀ միգրացիոն ծառայության ղեկավարի հաշվարկով՝ մոտ-15-20 միլիոն ԱՄՆ դոլար կմնա ՀՀ աշխատանքային միգրանտների գրպանում:

 

«Եթե մարդը գնում է ուսուցման համար, ուսուցման հիմքով պետք է Ռուսաստանում կամ Ղազախստանում մնա, անշուշտ, այս մասին հավաստող փաստաթուղթ է պետք, եթե մարդը ուզում է գնալ աշխատելու, միայն  աշխատանքի պայմանագիրը բավարար է, այլևս պետք չէ աշխատելու համար լրացուցիչ համաձայնություն, թույլատվություն ձեռք բերել»,- ասաց Գագիկ Եգանյանը:

 

Հիշեցնենք, որ գործող կարգի համաձայն, որը կվերանա 2015-ի հունվարի 1-ից, այսօր որպեսզի ՀՀ քաղաքացին 180 օր և ավելի մնա և աշխատի Ռուսաստանում, պետք է դիմի ՌԴ-ին՝ սահմանված կարգով աշխատանքի թույլատվություն կամ պատենտ ստանալու համար: Կան այլ տարբերակված մոտեցումներ ու պահանջներ  բարձր որակավորում ունեցող մասնագետների ու այլ անձանց համար, բայց շարքային միջին վիճակագրական հայաստանցու համար հիմնականում այս տարբերակն է նախատեսված:

 

Աշխատանքի  թույլատվությունը տրվում է իրավաբանական անձանց, պատենտը՝ ֆիզիկական  անձանց մոտ աշխատելու համար, և  պատենտի տևողությունը մինչև 3 ամիս է, աշխատանքի թույլատվությանը՝ 1 տարի, որը կարող է վերաթարմացվել՝ երկարաձգվել: Ըստ որում, թույլատվությունը կամ պատենտը ստանալու համար սահմանված կարգով մի շարք աշխատանքային փաստաթղթեր պետք է ներկայացվեն, վճարվի պետական տուրք, իսկ  պատասխանն էլ կարող է լինել ինչպես դրական, այնպես էլ՝ բացասական:

 

«Իսկ հիմա ողջ նշածս համակարգերը դուրս են գալիս: Այսինքն՝ ո՛չ սպասելու խնդիր կա, ո՛չ՝ փաստաթղթեր ներկայացնելու, ո՛չ էլ պետական տուրք վճարելու և այս գումարը կմնա հայ միգրանտների գրպանում»,- ավելացրեց ՀՀ միգրացիոն ծառայության ղեկավարը:

 

Գագիկ Եգանյանի հաշվարկով, այս տարի միայն 250 000 անձ դիմել է Ռուսաստանում աշխատանքի պատենտ ու թույլատվություն ստանալու, և եթե 2015-ին մնա նույն թիվը, միայն պետական տուրք չվճարելու հետևանքով կարձանագրվի  մինչև 15-20 միլիոն ԱՄՆ դոլարի տնտեսում:

 

Համաձայն 2013թ-ի դեկտեմբերի 28-ին ուժի մեջ մտած  թիվ 389-ԴՕ  դաշնային օրենքի, փոփոխություններ էին կատարվել «ՌԴ-ից ելքի և ՌԴ մուտքի մասին» օրենքի 27-րդ հոդվածում և «ՌԴ-ում օտարերկրյա քաղաքացիների իրավական կարգավիճակի մասին» օրենքի 5-րդ հոդվածում, ըստ որոնց՝ ՌԴ առանց վիզա մուտքի իրավունք ունեցող պետությունների (Ուզբեկստան, Տաջիկստան, Ղրղզստան, Ուկրաինա և այլն, այդ  թվում` Հայաստանի  Հանրապետության) քաղաքացիները 2014 թվականի հունվարի 1-ից կարող էին  ՌԴ տարածքում մնալ 90 (3 ամիս) օր` յուրաքանչյուր 180 օրվա (6 ամիս) ընթացքում:

 

Սահմանված 90/180 օրը խախտելու դեպքում, համաձայն 1996թ-ի օգոստոսի 15-ի թիվ 114-ԴՕ «ՌԴ-ից ելքի և ՌԴ մուտքի մասին» օրենքի 27-րդ հոդվածի՝ օտարերկրյա քաղաքացու  կամ քաղաքացիություն չունեցող անձի նկատմամբ, ով անգամ մեկ օր կամ մեկ ժամ խախտում  է դաշնային օրենքով սահմանված ժամկետը, կիրառվում է ՌԴ տարածք մուտք գործելու արգելք՝ 3 տարի ժամկետով:

 

Նոր օրենքի գործողության մտնելու հետևանքով, Գագիկ Եգանյանի մեկնաբանությամբ հենց այս 180 օրը վերանում է, և աշխատանքային պայմանագիր ունենալու դեպքում, թե՛ միգրանտը, թե՛ նրա ընտանիքի անդամները համարվում են ՌԴ-ում և ԵՏՄ անդամ երկրներում  օրինական բնակվող, ՌԴ քաղաքացուն հավասարեցված իրավունքներ ունեցող անձինք:

 

«Եվ այս 180 օրերը, որ կար, իրենց վրա այլևս չի ազդում: Իրենք ցանկացած պահի,  ցանկացած տևողության ժամկետով կարող են վերադառնալ Հայաստան ու նորից մեկնել, իհարկե, աշխատանքի տևողության շրջանում»,- ավելացրեց նա:

 

Հայ միգրանտների կյանքում այս դրական փոփոխությունը, Միգրացիոն ծառայության ղեկավարի գնահատմամբ՝ կբերի աշխատանքային միգրացիոն տեղաշարժերի  ինտենսիվության մեծացմանը. և՛ գնալու, և՛ գալու կտրվածքով, քանի որ այլս վերանում է վտանգը , որ ՌԴ–ից դուրս գալու դեպքում, հետ վերադառնալու ժամանակ խնդիրներ կծագեն:

 

«Իսկ  որ ասում են՝ սա  կբերի Հայաստանից դեպի Ռուսաստան  միգրացիոն արտահոսքի մեծացման, ես այդ կարծիքին չեմ, քանի որ երկկողմանի տեղաշարժերը կմեծանան: Ավելին ՝ չի բացառվում, որ հակառակը՝ դեպի Հայաստան հոսքը մեծանա, քանի որ այսօր շատերը կան, որ Ռուսաստանում թեկուզև՝ անլեգալ են ապրում, և դուրս չեն գալիս այնտեղից՝ վախենալով, որ դուրս գալու դեպքում հետագայում իրենց մուտքը կարգելվի: Հիմա, քանի որ հունվարի 1-ից խաղի կանոնները շատ հեշտանում են, նմանատիպ անձանց թվաքանակը կտրուկ կփոքրանա»,- ասաց Գագիկ Եգանյանը՝ ավելացնելով, որ ամեն դեպքում՝ կապրենք, կտեսնենք:

 

Այսուհանդերձ, բոլոր այս դրական փոփոխությունները չեն ազդի անկանոն միգրանտների վրա, նրանց, ովքեր դե ֆակտո ՌԴ-ում աշխատելով, աշխատանքային պայմանագիր չեն ունենա: Վերանորոգման աշխատանքների համար մեկնող հայ վարպետներից շատերի հետ  նման պայմանագրեր չեն կնքվում: Մինչդեռ ՀՀ միգրացիոն ծառայության ղեկավարն ասում է, որ չկա աշխարհում որևէ երկիր՝ եվրոպական, ԱՄՆ, թե Ռուսաստան, թեկուզ ֆիզիկական անձի մոտ աշխատելիս  մարդը չունենա  աշխատանքային պայմանագիր և դրա համար պատասխանատվություն չկրի: Ըստ  Գագիկ Եգանյանի,նման խնդիր կարող է ծագել նաև Հայաստանում՝ որպես  թաքնված զբաղվածություն: Ամփոփելով՝ նա նշեց, որ ինչպես և նախկինում, առանց աշխատանքային պայմանագրի ՀՀ քաղաքացին ՌԴ-ում կարող է մնալ նախկինի նման 90 օր:

 

Այսուհանդերձ, հայտնի էր, որ Ռուսաստանում միգրացիոն օրենսդրության խստացման արդյունքում այդ երկիր մուտքի արգելանք ունեցող 30 հազար հայեր կային, որոնք հայտնվել էին «սև ցուցակներում»: Նրանց պարագայում ի՞նչ է լինելու: Ի պատասխան՝ Գագիկ Եգանյանը հիշեցրեց, որ ՌԴ կառավարությունը այս հարցում Հայաստանի նկատմամբ բարի կամք է դրսևորել՝ շնորհիվ ՀՀ վարչապետի և Ռուսաստանի միգրացիոն ծառայության ղեկավարի հանդիպման և պայմանավորվածության՝ արգելանքի որոշումները մեկ անգամ ևս վերանայելու մասին: 

 

Նախկինում սրան այլընտրանքը  այդ արգելանքը ՌԴ դատարաններում վիճարկելն էր, ինչը Գագիկ Եգանյանը բարդ և անհեռանկարային գործընթաց որակեց:

 

Նշենք, որ վերանայման գործընթացը հետևյալ կերպ է իրականացում. ՀՀ քաղաքացիները գալիս և ՀՀ միգրացիոն  ծառայությունում լրացնում են հատուկ մշակված դիմումի ձևը, դրան կցում համապատասխան փաստաթղթեր, այնուհետև տեղեկատվական այդ բազան մեկ շաբաթյա կամ 10-օրյա կտրվածքով ամփոփվում, ինչից հետո Գագիկ Եգանյանը իր ռուս գործընկերոջը նամակը է ուղղում՝ «խնդրելով նրա ներողամտությունը « նամակին կից ներկայացված անձանց գործերը վերանայելու հարցում:

 

Վերանայման գործընթացը տևում է միջինը 2.5-3 ամիս: Այս տարվա հոկտեմբերի 18-ի դրությամբ, սակայն, նշված 30 հազարից միայն 250 անձի նկատմամբ էր սույն արգելանքը վերացված:

 

 

 

ԼՐԱՀՈՍ

ՕՐՎԱ ԿԱՐԵՎՈՐ

Տեսանյութեր

17:39 • 15.11.24

Վերելակը կանչեք՝ չի գա, գալիս մեծ-մեծ խոսում եք. Կոնջորյանը՝ ընդդիմությանը

16:18 • 15.11.24

Մե՞նք ենք «Հոկտեմբերի 27»-ի շահառուն, թե Անդրանիկ Քոչարյանը, որ այդ խառը վիճակում պաշտոնյաների ցանկ էր ներկայացնում, մեկն էլ ինքն էր. Քրիստինե Վարդանյան

13:21 • 15.11.24

Սասուն Միքայելյանի որդին այնքան լավ քաղաքապետ է, որ ասում են՝ «Սևակը Հրազդանի հետ է ամուսնացել»․ Անդրանիկ Քոչարյան

12:46 • 15.11.24

Կիրանցում անասունը սահմանն անցնու՞մ է. Փաշինյանը՝ Տավուշի մարզպետին

12:16 • 15.11.24

Ո՞վ է ում ձեռք առնում, ուզում եմ հասկանամ, ես «քյասիբի ռադիո» չեմ․ Փաշինյանն՝ իրավապահներին

12:05 • 15.11.24

Ոստիկանության զորքերը կենտրոնացված են Երևանում, այնպես կանենք, որ մարզերում էլ խնդիր չլինի. Փաշինյան

11:04 • 15.11.24

Դուք ոչ միայն Փաշինյանի, այլ Զավենիչի երկրպագուն եք. Խամոյանը՝ ՀԾԿՀ նախագահի թեկնածուին

15:48 • 14.11.24

Պարոն Աղազարյան Հովիկին ոչ ոք չի դատապարտի, որովհետև կառավարությունը չի ձախողվի. Աղազարյան

13:52 • 14.11.24

Կարդացի Անկախության հռչակագիրն ու սարսափելի եզրահանգման եկա՝ ՀՀ-ն չի կարող գոյություն ունենալ. Նիկոլ Փաշինյան

13:20 • 14.11.24

Բանակը մի՛ սրբագործեք, ասում են՝ մեր զինվորի ցավը տանեմ, դուրս կգա Մադագասկար․ Փաշինյան

12:34 • 14.11.24

Այսօրվա մեր հավաքական սոցիալ-հոգեբանությունն ու սոցիալ-մտածողությունն ապապետական է․ Փաշինյան

11:50 • 14.11.24

Աղազարյա՛ն, ջանդ յուղի, քո գլխին են սարքում, ա՛յ ընկեր, դու էլ ես նախկին դաշնակցական. Արթուր Խաչատրյան

11:21 • 14.11.24

Դուք Թուրքիային ու Ադրբեջանին՝ մեր անվտանգության երաշխավոր դարձնելը փաթեթավորել եք իրական Հայաստանի ներքո, որը շատ այլանդակ տեսք ունի. Քրիստինե Վարդանյան

11:02 • 14.11.24

Դուք ձգտում եք վերադարձնել պատմական Հայաստանը, որտեղ կաք դուք, չկա պետականություն ու կա գուբերնատոր դառնալու հնարավորություն. Արթուր Հովհաննիսյանը՝ ընդդիմությանը

20:37 • 13.11.24

Աթոռը պահելու համար Փաշինյանը պատրաստ է Պուտինի նկարը կախել գլխավերևում, հարց է՝ Պուտինը կտա՞, թե ոչ․ Նաիրա Կարապետյան

17:41 • 13.11.24

Չենք բարձրացնում Ադրբեջանի սահմանադրության փոփոխության հարցը, նույնը ակնկալում ենք իրենցից․ Փաշինյան

16:26 • 13.11.24

Այսօրվա ընդդիմությունը հաջորդ ԱԺ-ում չի լինի, իշխանությունն ավելի բարձր ձայներով կընտրվի․ Ալեն Սիմոնյան

15:47 • 13.11.24

Օկուպացված տարածքների խնդիրը ռազմական ճանապարհով լուծելու խնդիր դրված չէ․ Սուրեն Պապիկյան

14:51 • 13.11.24

Երիտասարդ տարիքում, երբ լսում էի «Կիլիկիա» երգը, լացում էի, երբ մեծացա, հասկացա՝ ինչի՞ լացեմ, Կիլիկիան՝ ուր, ես՝ ուր. Հովիկ Աղազարյան

14:11 • 13.11.24

Մենք առաջարկում ենք, որ էլի վարկ վերցնենք նոր սարքավորումների, արտադրանքի գեներացման համար, հետո շնորհակալություն եք հայտնելու. Խաչատուր Սուքիասյան

12:21 • 13.11.24

«ՀՀ ԶՈՒ-երն այսօր Հնդկաստանի համար դարձել են գովազդային վահանակ». «Պարոն Մանուկյանը քաղաքական լավ ելույթ ունեցավ, մի՛ խանգարեք». քննարկում ԱԺ-ում

10:44 • 13.11.24

Չե՞ք կարծում, որ բերետավորների հոգեկան առողջությունը ստուգելու կարիք կա․ Խաչատրյանը՝ Քոչարյանին

17:43 • 12.11.24

Գերիների ամբողջական վերադարձը պետք է նախապայման լինի ցանկացած բանակցության համար․ Քրիստինե Վարդանյան

15:23 • 12.11.24

Բաքվում պահվողներին վերադարձնելու ամենապատեհ առիթը COP29-ն է, հետո վերադարձի հավանականությունը հավասարվելու է զրոյի. Արթուր Խաչատրյան

15:11 • 12.11.24

Բաքուն հայ գերիներին օգտագործում է ՀՀ-ից զիջումներ կորզելու համար. Տիգրան Աբրահամյան

12:49 • 12.11.24

Եթե ունենայիք 100 մլն դոլար, որպես պետություն, ո՞ր ոլորտներին կուղղեիք. Խաչատուր Սուքիասյանը՝ նախարարին

12:19 • 12.11.24

Փաշինյանի ներկայությամբ խախտվել է «ՀՀ օրհներգի մասին» օրենքը

11:50 • 12.11.24

20,366 մարդ գնացել է երկրից, 12,700 աշխատատեղ է կրճատվել, գուցե թողեք պատմության անիվը նորմալ գնա՞. Արթուր Խաչատրյանը՝ Վահե Հովհաննիսյանին

11:29 • 12.11.24

«Այստեղ հաց, այստեղ կաց». քաղաքացին ՀՀ-ում պետք է տեսնի իր ապագան, 2025-ին 2 տրիլիոն հարկ կհավաքենք. նախարար

10:59 • 12.11.24

Շնորհակալ եմ վարչապետին ու փոխվարչապետներին՝ իմաստուն առաջնորդության համար․ ֆինանսների նախարար

20:35 • 11.11.24

Մոսկվան մեսիջ հղեց Փաշինյանին՝ քեզնով կամ առանց քեզ վերականգնելու ենք ազդեցությունը Հայաստանում․ Վիգեն Հակոբյան

15:07 • 11.11.24

Ոչ թե իմ տունն իմ ամրոցն է, այլ մեր պետությունն է մեր ամրոցը, իսկ մեր տունը՝ մեր բնակավայրը․ Փաշինյանը՝ ՏԻՄ համակարգի 28-ամյակի միջոցառմանը

14:29 • 11.11.24

Եթե մեծ գործ եք անում, ինչպե՞ս է,որ վարչապետի և ԿԳՄՍ նախարարի երեխաները դրսում են սովորում.Էդգար Ղազարյանը՝ փոխնախարարին

12:40 • 11.11.24

Աննա Հակոբյանի համար 145 հազար դոլար արժողությամբ ծառայողական նոր մեքենա է գնվել, 2 տարի առաջվա ջիպն այդքան մաշվե՞լ էր. Մանուկյանը՝ ՊՊԾ պետի տեղակալին

11:43 • 11.11.24

Հարցը լուծեք, դետալների մեջ մի մտեք, փողը տվեք, եթե պարտք ենք, բայց մրցույթն արեք. Ավինյան

10:48 • 11.11.24

Այս դժվար պահին 24 մլն հավելյալ գումար ենք հավաքագրել Երևանի տրանսպորտից. Տիգրան Ավինյան

20:35 • 08.11.24

Չեմ բացառում, որ ռուսներն ասեն Թրամփին՝ վերադարձրեք մեզ Հարավային Կովկասը՝ մեր պատմական ազդեցության գոտին․ Սուրեն Սարգսյան

13:21 • 08.11.24

«Նախագիծը բերում եք միայն ձե՞ր խմբավորման համար», «քաղաքական թիմի անդամ չեմ, փաթեթը բոլորի համար է». քննարկում ԱԺ-ում

11:58 • 07.11.24

858 մլն եվրոյի շրջանակում կկառուցվի Սիսիան-Քաջարան ճանապարհը, կամուրջներ ու թունելներ․ Սանոսյան

20:41 • 06.11.24

Քաղաքացու դատարկվող սառնարան, 14 միլիարդ դոլար պետական պարտք, հարկային ճնշումներ․ Նաիրի Սարգսյանը՝ 2025-ի մասին

Տեսնել բոլորը

Ամենից շատ կարդացված նյութեր Այսօր Երեկ Շաբաթվա

Տնտեսություն

Գիտություն/տեխնիկա

Մշակույթ

Սպորտ

Իրադարձային

Մամուլի տեսություն

Քաղաքականություն

Իրավունք

Ժամանց