Այս տարի շինարարության ոլորտում կարձանագրվի շուրջ 20% աճ, ուստի մտավախություն կա, որ մեր աշխատուժը չի բավարարելու. Գագիկ Գալստյան

18:21 • 07.02.18

Շինարարների միության նախագահ, Ճարտարապետության և շինարարության Հայաստանի ազգային համալսարանի ռեկտոր Գագիկ Գալստյանը Tert.am-ի հետ զրույցում նշեց, որ իր կանխատեսմամբ այս տարի շինարարության ոլորտում կարձանագրվի շուրջ 20 տոկոս աճ: «Մտավախության հիմքեր կան, որ մեր աշխատուժը չի բավարարելու մեր այս տարվա պոտենցիալ շինարարության համար»,-ասաց նա և հավելեց, որ ոլորտի ամենակարևոր հարցը վստահության խնդիրն է:

-Ինչպե՞ս եք գնահատում շինարարության ոլորտում առկա իրավիճակը. ի՞նչով եք պայմանավորում, որ վերջին տարիներին բացասական միտումներից հետո փոքր-ինչ աճ է արձանագրվել, և վարչապետն էլ նշել է, որ նույն աճի միտումը ակնկալում են նաև այս տարի:

-Ոլորտի աշխուժացման համար մեկ և ավելի տարի առաջ պետք է նախապայմաններ ստեղծվեն: Մեր ոլորտի հիմնական խնդիրը վստահության մեջ է: Պետությունը պետք է ստեղծի վստահության դաշտ, որպեսզի ներդրողները` թե տեղական, թե օտարերկրյա, իրենց միջոցները ներդնեն այս ոլորտում: Եթե կողքից դիտարկենք ոչ միայն Հայաստանի, այլև ընդհանուր քաղաքական գործընթացները, ապա կտեսնենք, որ մենք բավական կայուն վիճակում ենք մեր հարևան մի շարք երկրների, ընդհուպ մինչև Ռուսաստանի համեմատ: Դա բավարար հիմք է տալիս ենթադրելու, որ մեր երկրում ներդրումների ծավալը կավելանա:

-Խնդիրը շահութաբերությու՞նն է, որ այս տարիներին այդ բացերը չեն լրացվել:

-Պարզապես նախապայմաններ են ստեղծվել, նախորդ տարվա աշխատանքները ևս նպաստել են ոլորտի ակտիվացմանը: Շինարարությունը չպետք է դիտարկել զուտ որպես բնակարանների կառուցում. ոլորտը շատ ընդգրկուն է և ներառում է արդյունաբերական, կրթական, մշակութային, կենցաղային, հիվանդանոցային, հյուրանոցային, սննդի, ճանապարհների, կամուրջների, ջրամբարների շինարարությունը: Այս ցանկը ամբողջությամբ թվարկելն անհնար է: Այսօր, իհարկե, նկատվում է ճանապարհաշինության, ջրամբարների և այլ ենթակառուցվածքների շինարարության մասով ակտիվացում, որն իրականացվում է միջազգային ֆինանսական կառույցների միջոցներով՝ Կառավարության համաֆինանսավորմամբ: Որքան թափ առնի շինարարությունը, այնքան ֆինանսական միջոցների ավելացման անհրաժեշտություն է առաջանալու: Ճիշտ է, այսօր մեր կառավարությունը բավական շատ վարկային միջոցներ արդեն ներգրավել է, և հետագայում խնդիր չառաջանալու համար, կարծում եմ, շինարարության ոլորտի ակտիվացումը հնարավոր է իրականացնել ներքին և արտաքին ներդրողների միջոցներով: Ի դեպ, ինձ համար այսօր նկատելի է ներդրողների ակտիվացումը՝ հատկապես ռուս բիզնեսմենների կողմից:

- Ինչպե՞ս եք գնահատում վարչապետի հանձնարարականները շինարարության ոլորտում առկա թույլտվությունների վարչարարության հստակեցման վերաբերյալ, որքանո՞վ դա կնպաստի խնդիրների լուծմանը:

-Շինարարության թույլտվության ավելի պարզ համակարգ, քան այսօր առկա է, երևի թե գոյություն չունի, կառավարությունը փորձում է փոփոխություններ մտցնելով մի փոքր էլ օգնի գործարարին: Պետք է նշեմ, որ բոլոր զարգացած երկրներում` ԱՄՆ-ում, Ռուսաստանում, շինթույլտվություն ստանալը տևում է համարյա մեկ տարի: Մեզ նման զարգացող երկրներում, չգիտես ինչու, ուզում են, որ քսան օրվա ընթացքում շինթույլտվություն տրամադրվի: Պետք է հաշվի առնել նաև, որ շինթույլտվությունը ենթադրում է շրջակա միջավայրի, կոմունիկացիաների, բնապահպանական և այլ հարցերի ուսումնասիրություն, ինչը ժամանակ է պահանջում: Ամեն դեպքում, աշխատանքները հեշտացնելու խնդիրը դրված է , և այս ամենը լավ մթնոլորտ է ստեղծում շինարարության ակտիվության համար հոգեբանական տեսանկյունից: Այսինքն՝ մի կողմից տնտեսական, մյուս կողմից վստահության լավ պայմաններ և նախադրյալներ  այսօր ստեղծված են, որպեսզի այս տարի ոլորտում զգալի աճ արձանագրվի: Ես նույնիսկ մտավախություն ունեմ, որ մեր աշխատուժը չի բավարարելու մեր այս տարվա պոտենցիալ շինարարության համար: Մեր ոլորտում ոչ թե աշխատանք չկա, այլ աշխատող (նկատի ունեմ պրոֆեսիոնալ արհեստավորների):

-Այսինքն` մասնագետները արտագաղթե՞լ են:

-Բավական մեծ պոտենցիալով, ունակ մարդիկ ոչ կայուն շինարարության շրջանում հեռացել են: Մարդ չի կարող երեխային բացատրի՝ հաց մի կեր, մեկ ամիս հետո կաշխատեմ, կուտես։  Սա լուրջ խնդիր է, և դրանից ելնելով՝ մարդը  դիմում է ծայրահեղ քայլերի: Դրա հետ մեկտեղ բավականաչափ մարդիկ կան, որ չաշխատելով ծուլացել են և չեն էլ ցանկանում աշխատել: Տարբեր կառույցներում այսօր կան հյուսնի, սալիկապատողի, զոդողի, մի խոսքով՝ վարպետների պակաս:

-Ձեր կարծիքով՝ ոլորտի բարելավումը պայմանավորված է ներկայիս կառավարության և մասնավորապես՝ վարչապետ Կարապետյանի աշխատանքո՞վ, թե՞ նախկին կառավարությունները անհրաժեշտ քայլեր չեն արել ոլորտի զարգացման համար:

-Իհարկե, անհատն իր չափով դեր ունենում է, սակայն ամեն ինչ անհատով չէ պայմանավորված: Միևնույն ժամանակ, խնդրի լուծման անհրաժեշտությունն արդեն հասունացել էր, որը ՀՀ նախագահի ուշադրության կենտրոնում էր: Այնպես չէ, որ նման խնդրի լուծումը մեկ անձով է պայմանավորված. այն ենթադրում է թիմային լուրջ աշխատանք: Այսինքն՝ նման դեպքերում միշտ էլ առաջնահերթ պետք է ձևավորել ընդհանուր հասուն միջավայր, ինչը այսօր մեր երկրում կա: Շատ եմ կարևորում գործարար միջավայրի զարգացման և ներդրումների խթանման համար բարենպաստ դաշտի ձևավորումը: Ամենակարևորը՝ բարձրացել է վստահությունը: Տարբեր բիզնեսմեններ, որոնք պասիվ էին, նախաձեռնություններ չունեին, հիմա արդեն նախագծեր են քննարկում:

-Մենք շինարարության ոլորտում ունեցել ենք «պիկ» Ռոբերտ Քոչարյանի օրոք, սակայն այն հետագայում որոշ մարդկանց կողմից որակվեց որպես փուչիկ,  արհեստական. հիմա տեսնո՞ւմ եք արհեստական միտում` ակտիվացնելու շինարարության ոլորտը:

- 2006-2008 թվականներին եղավ մեծ աճ, որը չես կարող համարել փուչիկ, քանի որ ռեալ կառուցապատում կար: Ուզո՞ւմ եք ասել, որ պահանջարկ չկար, բայց կառուցվում էր. սակայն այդ դեպքում իրացում չէր լինի, իսկ նման խնդիր չի եղել: Մենք չենք տեսել, որ մեկը մի բան կառուցի, և դա պահանջված չլինի:  Ի դեպ, այդ ժամանակահատվածում ՀՆԱ-ում շինարարությունը 40 տոկոս էր: Եվ չպետք է մոռանալ, որ այդ տարիներին համաշխարհային տնտեսական վիճակը բարենպաստ էր, իսկ 2008-ից սկսվեց գլոբալ ճգնաժամը:

-Ի՞նչ եք կարծում՝ ոլորտի զարգացումը պայմանավորվա՞ծ է նաև նրանով, որ հույսը Հայաստանի հետ կապողները գնալով շատանում են, ապագա են տեսնում:

-Մեր երկիրը այսօր շատ բարենպաստ է. եթե նույնիսկ չքարոզես էլ, բիզնեսմենները տեսնում են, որ այս երկրում կայուն վիճակ է, և այստեղ ներդրում անելը շահեկան է: Ես տեսնում եմ, որ ազգությամբ ոչ հայ գործարարները ցանկանում են Հայաստանում ներդրում անել:

-Բայց մենք տեսել ենք բնակարանաշինության ձախողված փորձեր, երբ սնանկ են ճանաչվում կառուցապատողները և արդյունքում տուժում են քաղաքացիները։ Ըստ ձեզ՝ դրա պատճառը աշխատանքների վատ կազմակերպու՞մն է:

-Նրանք ազնիվ մարդիկ են եղել, բայց իրականում վատ գործարարներ: Իրենք են բիզնեսը սխալ կառավարել: Եթե ուսումնասիրենք ձախողված ծրագրերը, ապա կտեսնենք, որ դրանցով զբաղվողները շինարարության ոլորտի մարդիկ չեն եղել. եղել են ազնիվ մարդիկ, ովքեր ձախողել են իրենց բիզնեսը:

-Այսինքն ՝գտնում եք, որ օրենսդիր դաշտը, պրակտիկ դաշտը բարենպա՞ստ է, և եթե այդպես շարունակվի, կարո՞ղ եք կանխատեսել, թե որքան աճ կգրանցենք այս տարի:

-Օրենսդրական դաշտի հետ կապված խոչընդոտներ չկան, աշխատելու համար նորմալ պայմաններ են ստեղծված: Ամեն դեպքում, կարծում եմ՝ այս տարի շինարարության ոլորտում աճը անցած տարվա համեմատ մոտ քսան տոկոս կլինի:

-Այսքան տարվա պասիվ վիճակից հետո 20 տոկոս աճը ինչի՞ արդյունք է:

-Ինչպես արդեն նշեցի, թե օրենսդրական, թե ներդրումային դաշտում ստեղծված են բարենպաստ պայմաններ: Բացի դրանից, ազատ տնտեսական գոտու բացվելուց հետո արդեն մի շարք գործարարներ այնտեղ ներդրումներ են անում: Բնականաբար, դա չի կարող ուղղակիորեն ազդեցություն չունենալ շինարարության աճի վրա, քանի որ այն սերտորեն կապված է կյանքի բոլոր բնագավառների հետ: Դրա մասին մենք ձեզ հետ արդեն խոսեցինք: Ընդհանրապես, շինարարությունը տնտեսության զարգացման, տնտեսական աճի ազդակն է:

 

 

Հեղինակ Լիանա Առաքելյան

ԼՐԱՀՈՍ

ՕՐՎԱ ԿԱՐԵՎՈՐ

Տեսանյութեր

17:39 • 15.11.24

Վերելակը կանչեք՝ չի գա, գալիս մեծ-մեծ խոսում եք. Կոնջորյանը՝ ընդդիմությանը

16:18 • 15.11.24

Մե՞նք ենք «Հոկտեմբերի 27»-ի շահառուն, թե Անդրանիկ Քոչարյանը, որ այդ խառը վիճակում պաշտոնյաների ցանկ էր ներկայացնում, մեկն էլ ինքն էր. Քրիստինե Վարդանյան

13:21 • 15.11.24

Սասուն Միքայելյանի որդին այնքան լավ քաղաքապետ է, որ ասում են՝ «Սևակը Հրազդանի հետ է ամուսնացել»․ Անդրանիկ Քոչարյան

12:46 • 15.11.24

Կիրանցում անասունը սահմանն անցնու՞մ է. Փաշինյանը՝ Տավուշի մարզպետին

12:16 • 15.11.24

Ո՞վ է ում ձեռք առնում, ուզում եմ հասկանամ, ես «քյասիբի ռադիո» չեմ․ Փաշինյանն՝ իրավապահներին

12:05 • 15.11.24

Ոստիկանության զորքերը կենտրոնացված են Երևանում, այնպես կանենք, որ մարզերում էլ խնդիր չլինի. Փաշինյան

11:04 • 15.11.24

Դուք ոչ միայն Փաշինյանի, այլ Զավենիչի երկրպագուն եք. Խամոյանը՝ ՀԾԿՀ նախագահի թեկնածուին

15:48 • 14.11.24

Պարոն Աղազարյան Հովիկին ոչ ոք չի դատապարտի, որովհետև կառավարությունը չի ձախողվի. Աղազարյան

13:52 • 14.11.24

Կարդացի Անկախության հռչակագիրն ու սարսափելի եզրահանգման եկա՝ ՀՀ-ն չի կարող գոյություն ունենալ. Նիկոլ Փաշինյան

13:20 • 14.11.24

Բանակը մի՛ սրբագործեք, ասում են՝ մեր զինվորի ցավը տանեմ, դուրս կգա Մադագասկար․ Փաշինյան

12:34 • 14.11.24

Այսօրվա մեր հավաքական սոցիալ-հոգեբանությունն ու սոցիալ-մտածողությունն ապապետական է․ Փաշինյան

11:50 • 14.11.24

Աղազարյա՛ն, ջանդ յուղի, քո գլխին են սարքում, ա՛յ ընկեր, դու էլ ես նախկին դաշնակցական. Արթուր Խաչատրյան

11:21 • 14.11.24

Դուք Թուրքիային ու Ադրբեջանին՝ մեր անվտանգության երաշխավոր դարձնելը փաթեթավորել եք իրական Հայաստանի ներքո, որը շատ այլանդակ տեսք ունի. Քրիստինե Վարդանյան

11:02 • 14.11.24

Դուք ձգտում եք վերադարձնել պատմական Հայաստանը, որտեղ կաք դուք, չկա պետականություն ու կա գուբերնատոր դառնալու հնարավորություն. Արթուր Հովհաննիսյանը՝ ընդդիմությանը

20:37 • 13.11.24

Աթոռը պահելու համար Փաշինյանը պատրաստ է Պուտինի նկարը կախել գլխավերևում, հարց է՝ Պուտինը կտա՞, թե ոչ․ Նաիրա Կարապետյան

17:41 • 13.11.24

Չենք բարձրացնում Ադրբեջանի սահմանադրության փոփոխության հարցը, նույնը ակնկալում ենք իրենցից․ Փաշինյան

16:26 • 13.11.24

Այսօրվա ընդդիմությունը հաջորդ ԱԺ-ում չի լինի, իշխանությունն ավելի բարձր ձայներով կընտրվի․ Ալեն Սիմոնյան

15:47 • 13.11.24

Օկուպացված տարածքների խնդիրը ռազմական ճանապարհով լուծելու խնդիր դրված չէ․ Սուրեն Պապիկյան

14:51 • 13.11.24

Երիտասարդ տարիքում, երբ լսում էի «Կիլիկիա» երգը, լացում էի, երբ մեծացա, հասկացա՝ ինչի՞ լացեմ, Կիլիկիան՝ ուր, ես՝ ուր. Հովիկ Աղազարյան

14:11 • 13.11.24

Մենք առաջարկում ենք, որ էլի վարկ վերցնենք նոր սարքավորումների, արտադրանքի գեներացման համար, հետո շնորհակալություն եք հայտնելու. Խաչատուր Սուքիասյան

12:21 • 13.11.24

«ՀՀ ԶՈՒ-երն այսօր Հնդկաստանի համար դարձել են գովազդային վահանակ». «Պարոն Մանուկյանը քաղաքական լավ ելույթ ունեցավ, մի՛ խանգարեք». քննարկում ԱԺ-ում

10:44 • 13.11.24

Չե՞ք կարծում, որ բերետավորների հոգեկան առողջությունը ստուգելու կարիք կա․ Խաչատրյանը՝ Քոչարյանին

17:43 • 12.11.24

Գերիների ամբողջական վերադարձը պետք է նախապայման լինի ցանկացած բանակցության համար․ Քրիստինե Վարդանյան

15:23 • 12.11.24

Բաքվում պահվողներին վերադարձնելու ամենապատեհ առիթը COP29-ն է, հետո վերադարձի հավանականությունը հավասարվելու է զրոյի. Արթուր Խաչատրյան

15:11 • 12.11.24

Բաքուն հայ գերիներին օգտագործում է ՀՀ-ից զիջումներ կորզելու համար. Տիգրան Աբրահամյան

12:49 • 12.11.24

Եթե ունենայիք 100 մլն դոլար, որպես պետություն, ո՞ր ոլորտներին կուղղեիք. Խաչատուր Սուքիասյանը՝ նախարարին

12:19 • 12.11.24

Փաշինյանի ներկայությամբ խախտվել է «ՀՀ օրհներգի մասին» օրենքը

11:50 • 12.11.24

20,366 մարդ գնացել է երկրից, 12,700 աշխատատեղ է կրճատվել, գուցե թողեք պատմության անիվը նորմալ գնա՞. Արթուր Խաչատրյանը՝ Վահե Հովհաննիսյանին

11:29 • 12.11.24

«Այստեղ հաց, այստեղ կաց». քաղաքացին ՀՀ-ում պետք է տեսնի իր ապագան, 2025-ին 2 տրիլիոն հարկ կհավաքենք. նախարար

10:59 • 12.11.24

Շնորհակալ եմ վարչապետին ու փոխվարչապետներին՝ իմաստուն առաջնորդության համար․ ֆինանսների նախարար

20:35 • 11.11.24

Մոսկվան մեսիջ հղեց Փաշինյանին՝ քեզնով կամ առանց քեզ վերականգնելու ենք ազդեցությունը Հայաստանում․ Վիգեն Հակոբյան

15:07 • 11.11.24

Ոչ թե իմ տունն իմ ամրոցն է, այլ մեր պետությունն է մեր ամրոցը, իսկ մեր տունը՝ մեր բնակավայրը․ Փաշինյանը՝ ՏԻՄ համակարգի 28-ամյակի միջոցառմանը

14:29 • 11.11.24

Եթե մեծ գործ եք անում, ինչպե՞ս է,որ վարչապետի և ԿԳՄՍ նախարարի երեխաները դրսում են սովորում.Էդգար Ղազարյանը՝ փոխնախարարին

12:40 • 11.11.24

Աննա Հակոբյանի համար 145 հազար դոլար արժողությամբ ծառայողական նոր մեքենա է գնվել, 2 տարի առաջվա ջիպն այդքան մաշվե՞լ էր. Մանուկյանը՝ ՊՊԾ պետի տեղակալին

11:43 • 11.11.24

Հարցը լուծեք, դետալների մեջ մի մտեք, փողը տվեք, եթե պարտք ենք, բայց մրցույթն արեք. Ավինյան

10:48 • 11.11.24

Այս դժվար պահին 24 մլն հավելյալ գումար ենք հավաքագրել Երևանի տրանսպորտից. Տիգրան Ավինյան

20:35 • 08.11.24

Չեմ բացառում, որ ռուսներն ասեն Թրամփին՝ վերադարձրեք մեզ Հարավային Կովկասը՝ մեր պատմական ազդեցության գոտին․ Սուրեն Սարգսյան

13:21 • 08.11.24

«Նախագիծը բերում եք միայն ձե՞ր խմբավորման համար», «քաղաքական թիմի անդամ չեմ, փաթեթը բոլորի համար է». քննարկում ԱԺ-ում

11:58 • 07.11.24

858 մլն եվրոյի շրջանակում կկառուցվի Սիսիան-Քաջարան ճանապարհը, կամուրջներ ու թունելներ․ Սանոսյան

20:41 • 06.11.24

Քաղաքացու դատարկվող սառնարան, 14 միլիարդ դոլար պետական պարտք, հարկային ճնշումներ․ Նաիրի Սարգսյանը՝ 2025-ի մասին

Տեսնել բոլորը

Ամենից շատ կարդացված նյութեր Այսօր Երեկ Շաբաթվա

Տնտեսություն

Գիտություն/տեխնիկա

Մշակույթ

Սպորտ

Իրադարձային

Մամուլի տեսություն

Քաղաքականություն

Իրավունք

Ժամանց