Ի՞նչով են զբաղված հայկական ակումբների արտասահմանցի նախկին մարզիչները

Տարբեր տարիներին Հայաստանի առաջնությունում քիչ չեն եղել արտասահմանցի մարզիչները, սակայն նրանցից ոչ բոլորին է հաջողվել մեր երկրում հաջողության հասնել: Armsport.am-ը հիշել է օտարազգի մասնագետներին, ինչպես նաև պարզել է, թե ինչպես է դասավորվել նրանց հետագա կարիերան և ինչով են նրանք այժմ զբաղվում:

Նշենք, որ նախկինում միայն 4 հայկական ակումբներ են արտասահմանցի մարզիչներ հրավիրել. դրանք են «Փյունիկը», «Միկան», «Արարատը» և «Բանանցը»: Վերջինս մինչև օրս գլխավորում է սլովակ Ժոլտ Հոռնյակը, իսկ բոսնիացի Դուշան Միհիչը կրկին զբաղեցրել է «Արարատի» գլխավոր մարզչի պաշտոնը: Հավելենք, որ նախորդ մրցաշրջանի վերջնամասում Կապանի «Գանձասարի» ղեկը ստանձնել է ուկրաինացի Սերգեյ Պուչկովը:

Հայկական ակումբների արտասահմանցի մասնագետները.

Նիկոլայ Կիսիլյով (Ռուսաստան), «Բանանց»
Աշխատանքի տարիները. 2006-2007

Երևանի «Բանանցի» առաջին օտարերկրացի մարզիչը եղել է ռուս Նիկոլայ Կիսիլյովը, ով թիմը գլխավորել է 2006 թվականին: Կիսիլյովի ղեկավարությամբ երևանցիները դարձան Բարձարգույն խմբի արծաթե մեդալակիրներ, բայց չկարողացան անցնել ՈւԵՖԱ-ի Գավաթի որակավորման առաջին փուլը՝ երկու խաղերի արդյունքում զիջելով վրացական «Ամելիին» (1:2, 1:0):

2007-2008 մրցաշրջանում Կիսիլյովը գլխավորեց Եգորևսկայի «Սատուրնը», որն այդ ժամանակ հանդես էր գալիս Ռուսաստանի երկրորդ դիվիզյոնում և հանդիսանում էր մերձմոսկովյան «Սատուրնի» դուստր թիմը: 2010 թվականին եղել է «Ռուսիչիի» մարզիչը, որտեղից պաշտոնանկ է արվել նույն թվականի վերջին: Դրանից հետո Կիսիլյովի մասին ոչինչ հայտնի չէ:

Յան Պոշտուլկա (Չեխիա), «Բանանց»
Աշխատանքի տարին. 2007 թվական

Չեխ Յան Պոշտուկան կարողացել է թիմի հետ նվաճել Հայաստանի Գավաթը, սակայն դա բավական չի եղել, որպեսզի պահպանի իր պաշտոնը և 2007 թվականի առաջնության 17-րդ տուրից հետո պաշտոնանկ է եղել: Դրանից հետո չեխ մասնագետը վերադարձել է հայրենիք, որտեղ կարճ ժամանակ աշխատել է՝ որպես «Բոհեմիա 1905» ակումբի գլխավոր մարզչի օգնական: Արդեն վաղուց Յան Պոշտուլկան ֆուտբոլային գործունեություն չի վարում:

Նիկոլայ Կոստով (Բուլաղարիա), «Բանանց»
Աշխատելու տարիները. 2007-2008 թթ.

2007-ից 2008 թվականներին Կոստովը բավականին լավ աշխատանք է կատարել «Բանանցում»՝ թիմին բերելով արծաթե մեդալների:

2008 թվականի ապրիլին բուլաղարցին գլխավորեց է Դոնեցկի «Մեդալուրգը»: Կոստովի օրոք «Մետալուրգի» կազմում ամրապնդվեց Հայաստանի հավաքականի կիսապաշտպան Հենրիխ Մխիթարյանը:

Դենցկյան ակումբում Կոստովը մնաց մինչև 2010 թվականը: Դրանից հետո նա աշխատել է «Լևսկիում» (Բուլղարիա), «Կարպատներում», «Տավրիայում» (երկուսն էլ Ուկրաինա), իսկ այս տարբվա ամռանը գլխավորել է Ռուսաստանի առաջին դիվիզյոնի նորեկ «Տոսնոն»: 

Նեդելկո Մատուշև (Բուլղարիա), «Բանանց»
Աշխատանքի տարին. 2008 թվական

Մատուշևը սկզբից Կոստովի օգնականն էր, իսկ երբ վերջինս տեղափոխվեց Դոնեցկ, նա դարձավ «Բանանցի» գլխավոր մարզիչը: Մատուշևի օրոք երևանցիների գրանցած արդյունքները մեղմ ասած գոհացնող չէին (բավական է հիշել «Զալցբուրգից» կրած 0:7 հաշվով եվրագավաթային պարտությունը), չնայած «Բանանցը» նրա գլխավորությամբ նվաճեց Հայաստանի Գավաթը:

Մեր երկրից հեռանալուց հետո Մատուշևը եղել է ուկրաինական «Չերնոմորեցի» և «Կարպատիի» երկրորդ մարզիչը, իսկ 2014 թվականից գլխավորում է Պլովդիվի «Լոկոմոտիվը»:

Կիմ Սպլիդսբոել (Դանիա), «Բանանց»
Աշխատանաքի տարին. 2008 թվական

Դանիացու հայկական կարիերան անհաջող ստացվեց. նշանակումից ընդամենը 6 տուր անց նա պաշտոնանկ արվեց:

«Բանանցից» հետո 2010-11 մրցաշրջանում նրան վստահել են Դանիայի արևելյան դիվիզյոնի «Բ-1908 »ակումբը: 2012 թվականից հանդիսանում է «Բ 93» (Դանիայի երկրորդ դիվիզիոն) ակումբի գլխավոր մարզիչը:

Ստեվիցե Կուզմանովսկի (Մակեդոնիա), «Բանանց»
Աշխատանքի տարիները. 2010-2011 թթ.

Մակեդոնացի մասնագետի ղեկավարության ժամանակ երևանյան թիմը մինչև վերջին տուրը «Փյունիկի» հետ պայքարում էր չեմպիոնի կոչման համար, բայց արդյունքում բավարարվեց երկրորդ տեղով: Իսկ ահա 2011 թվականի մրցաշրջանում Կուզմանովսկիի սաներն անհաջող մեկնարկեցին առաջնությունում, ինչի պատճառով նա պաշտոնանկ արվեց:

2012 թվականին մակեդոնացին գլխավորեց Բելգրադի ՕՖԿ-ն, բայց այնտեղ մեկ տարի էլ չաշխատեց: Մինչ այժմ նա նոր թիմ չի գտել:

Վլադիմիր Պյատենկո (Ուկրաինա), «Բանանց»
Աշխատելու տարին. 2013 թվական

2012/13 մրցաշրջանի գարնանային հատվածում «Բանանցի» ղեկին կանգնեց Վլադիմիր Պյատենկոն, ով թիմը գլխավորեց մինչև մրցաշրջանի ավարտը: Ուկրաինացու օրոք «Բանանցը» եզրափակեց Բարձրագույն խմբի մրցաշարային աղյուսակը: Այժմ Պյատենկոն կրկին գլխավորում է Դոնեցկի «Մետալուրգի» մարզչական շտաբը:

Վալերի Գլադիլին (Ռուսաստան), «Միկա»
Աշխատանքի տարիները. 2001-2002
Հայաստանի երիտասարդական հավաքական – 2002 թվական

Ռուս Վլադիմի Գլադիլինինը «Միկա» է հրավիրել 2002 թվականի մրցաշրջանից առաջ: Նրա ղեկավարությամբ աշտարկիցներն առաջնությունում միայն երկու հանդիպում անցկացրեցին, որոնցից մեկում պարտվեցին («Շիրակ», 0:2), իսկ մյուսում հաղթեցին («Զվարթնոց», 1:0): Մայիսի 9-ին Սուպերգավաթի խաղում «Միկան» պարտվեց «Փյունիկին», իսկ 58 օր անց Հայաստանի Գավաթի զրափակչում 1:4 հաշվով զիջեց նույն «Փյունիկին»: Այդ խաղից հետո Գլադիլինը պաշտոնանկ արվեց:

Ռուսաստանի վաստակավոր մարզիչը 2002 թվականին աշխատել է Սանկ-Պետերբուրգի «Դինամոյում», իսկ 2003 թվականին մի քանի ամիս գլխավորել է Ռուսաստանի երիտասարդական ընտրանին: 2007 թվականին նա ընտրվել է Պետական Դումայի պատգամավոր: 2009-2010 թթ. եղել է Սմոլենսկի «Դնեդպրի» նախագահը: Ներկայումս ֆուտբոլային գործունեություն չի ծավալում:

Իշտվան Սեկեչ (Ռուսաստան), «Միկա»
Աշխատանքի տարին. 2009 թվական

Սեկեչի գլխավորությամբ «Միկան» 7 հանդիպում է անցկացրել: Երեք անընդմեջ պարտություններից հետո մարզիչը պաշտոնանկ է արվել:

2013 թվականին եղել է տաջիկական «ԲԿՄԱ-Պամիր» թիմի մարզիչ-խորհրդականը: Դրանից հետո նրա մասին ոչինչ հայտնի չէ:

Իվո Շուշակ (Խորվաթիա), «Միկա»
Աշխատանքի տարին. 2009 թվական

Խորվաթիայից 2009 թվականին հրավիրված Իվո Շուշակը երկար չմնաց «Միկայում»: Նրա ղեկավարությամբ թիմը հինգ հանդիպում է անցկացրել (3 հաղթանակ, 1 ոչ-ոքի, 1 պարտություն): Գավաթի խաղարկությունում Շուշակին չհաջողվեց կատարել իր առջև դրված խնդիրը և նվաճել եվրագավաթի ուղեգիր, ուստի տապալված կիսաեզրափակչից հետո նա պաշտոնանկ արվեց:

Հայաստանից հեռանալուց հտո Շուշակը աշխատել է «Զագրեբում», ապա գլխավորել է Խորվաթիայի երիտասարդական հավաքականը (2011-2013): Ներկայումս առանց աշխատանքի է:

Յոզեֆ Բուբենկո (Սլովակիա), «Միկա»
Աշխատանքի տարին 2011 թվական

Իր նորամուտը «Միկայի» կամզում Բուբենկոն նշել է Եվրոպա լիգայի որակավորման առաջին փուլի «Վոլերենգայի» հետ պատասխան մրցավեճում, որում նրա թիմը պարտվեց 0:1 հաշվով և դուրս մնաց հետագա պայքարից:

Հայաստանի առաջնությունում Բուբեկոն աշխատել է առաջնության երկրորդ կեսում, որի ընթացքում 14 խաղում «Միկան» վաստակել է 25 միավոր, ինչը թույլ չի տվել տեղ գրավել լավագույն քառյակում: Հայաստանից նա հեռացել է ընտանեկան պատճառներից դրդված:

2013 թվականից մինչև վերջերս մարզել է սլովակիական «Տատրան»:

Ժոլտ Հոռնյակ (Սլովակիա), «Միկա»
Աշխատանքի տարիները 2012-13թթ.

Ժոլտ Հոռնյակը Բուբենկոյի օգնականն էր, իսկ վերջինիս հեռանալուց հետո ինքը գլխավորեց Միկան: 2012/13 թթ. մրցաշրջանում նա «Միկայի» հետ արժանացավ արծաթե մեդալների, բայց հետո լքեց թիմը և տեղափոխվեց «Բանանց»:

Երևանյան ակումբի հետ աշխատելու առաջին իսկ տարում «Բանանցը» դարձավ Հայաստանի չեմպիոն: Հոռնյակը մինչ օրս գլխավորում է «Բանանցը»:

Օսկար Գոնսալես Լոպես (Արգենտինա), «Փյունիկ»
Աշխատանքի տարիները. 2002-2003 թթ
Հայաստանի հավաքական. 2002-2003

Լոպեսը դարձավ առաջին արտասահմանցի մասնագետը, ում վստահվեց ոչ միայն «Փյունիկը», այլ նաև Հայաստանի հավաքականը:

Արգենտինացի մասնագետի օրոք «Փյունիկը» չեմպիոն դարձավ, ապա փայլուն մեկնարկեց Չեմպիոնների լիգայում, որի առաջին որակավորման փուլում ընդհանուր 6:0 հաշվով ջախջախեց Ֆինլանդայի չեմպիոն «Տամպերեին»: Հաջորդ փուլում «Փյունիկին» բաժին ընկավ Կիևի «Դինամոն» և երևանցիներն առաջին խաղում զիջեցին 0:4, իսկ պատասխան հանդիպումն ավարտվեց 2:2 հաշվով:

Լոպեսը Հայաստանից հեռացավ այնպիսի անակնկալ կերպով, ինչպես հայտնվել է: Մրցաշրջանի ավարտից հետո նա ձմեռային արձակուրդի գնաց հայրենիք և այլևս չվերադարձավ: Արգենտինացու մասին այլ տեղեկություններ չկան:

Միխայ Ստոյկիցա (Ռումինիա), «Փյունիկ»
Աշխատանքի տարիները. 2003-2004 թթ.
Հայաստանի հավաքական 2003-2004 թթ.

Ինչպես Լոպեսը, այնպես էլ Ստոյկիցան մարզում էր Հայաստանի հավաքականը՝ միաժամանակ գլխավորելով նաև «Փյունիկը», որին առաջնության ոսկե մեդալների բերեց: Չեմպիոնների լիգայի 2003/04 խաղարկության առաջին փուլում «Փյունիկը» երկու խաղերի արդյունքում առավելության հասավ իսլանդական «Ռեյկյավիկի» նկատմամբ (1:0, 1:1): Երկրորդ ընտրական փուլում երևանցիները զիջեցին Սոֆիայի ԲԿՄԱ-ին (0:2, 0:1):

«Փյունիկից» հետո Ստոյկիցան գլխավորեց ռումինական «Ֆարուլ Կոնստանտը», «Օցելուլը», «Ստյաուան» և «Աստրուն»: Հետագայում աշխատել է Քուվեյթի հավաքականում, տեղի «Ալ Սամիա» թիմում կիպրոսյան «Արիսում» և «Ապոլոնում», մոլդովական «Շերիֆում»: Ներկայումս թիմ չունի:

Հենկ Վիսման (Հոլանդիա), «Փյունիկ»
Աշխատելու տարիները. 2005-2006 թթ.
Հայաստանի հավաքական. 2005-20006 թթ.

Չեմպիոնների լիգայի 2005/06 մրցաշրջանում Վիսմանը «Փյունիկի» հետ չկարողացավ հաղթահարել որակավորման առաջին փուլը՝ երկու խաղերի արդյունքում զիջելով ֆինական «Հակային» (0:1, 2:2):

«Փյունիկից » հետո Վիսմանը աշխատել է հոլանդական «Տեր Լեդեում» և թայլանադական «Չանգրայ Յունայթեդում», որը լքել է 2013 թվականին: Ներկայումս Վիսմանն առանց աշխատանքի է: