Մայր Աթոռ Սուրբ Էջմիածնում տեղի է ունեցել շքանշանների հանձնման արարողություն

19:44 • 13.03.15
Իրադարձային

Մարտի 13-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի բարձր նախագահությամբ Մայր Աթոռ Սուրբ Էջմիածնի Գևորգյան հոգևոր ճեմարանի հանդիսությունների դահլիճում տեղի է ունեցել շքանշանների հանձնման հանդիսավոր արարողություն: Ինչպես հայտնում են Մայր Աթոռի տեղեկատվբական համակարգից՝ կրթության և մշակույթի ոլորտում Հայրենիքին և ժողովրդին մատուցած ծառայությունների համար Հայաստանյայց Առաքելական Սուրբ Եկեղեցու «Սուրբ Սահակ-Սուրբ Մեսրոպ» պատվո բարձր շքանշաններ են հանձնվել ՀՀ արվեստի վաստակավոր գործիչ, կոմպոզիտոր Վլադիլեն Բալյանին, Սիմեոն Հախումյանին, Կոմիտասի անվան լարային քառյակի գեղարվեստական ղեկավար Էդուարդ Թադևոսյանին և ՀՀ ժողովրդական արտիստ Թովմաս Պողոսյանին:


Հանդիսությունն սկսվել է Տերունական աղոթքով, որից հետո ողջույնի խոսքով հանդես է եկել Մայր Աթոռ Սուրբ Էջմիածնի դիվանապետ Տ. Արշակ եպիսկոպոս Խաչատրյանը:


Մեծարյալների վաստակի և գործունեության մասին իրենց մտորումները ներկաներին են փոխանցել Դոնարա Հարությունյանը, Գերագույն հոգևոր խորհրդի անդամ ակադեմիկոս Վլադիմիր Բարխուդարյանը, Նոննա Ոսկանյանը և ՀՀ մշակույթի վաստակավոր գործիչ Հովիկ Հովեյանը, որից հետո «Էջ Միածինն ի Հօրէ» շարականի երգեցողության ներքո ներս են բերվել Հայրապետական սրբատառ կոնդակները:


Մայր Աթոռի Վարչատնտեսական բաժնի տնօրեն Տ.  Մուշեղ եպիսկոպոս Բաբայանն ընթերցել է տիար Վլադիլեն Բալյանին ուղղված Հայրապետական կոնդակը, որում մասնավորապես նշված է.
«Մեծարգո պրն. Բալյան, մեր ժողովուրդը ճանաչում և սիրում է Ձեզ` հայ մշակույթի անխոնջ նվիրյալիդ ու հավատարիմ սպասավորիդ: Ձեր բեղմնավոր կյանքի ընթացքին Դուք տարբեր հանձնառություններով ու պաշտոններով բարի ավանդ եք բերել հայրենի մեր երկրում երաժշտարվեստի տարածման ու զարգացման երախտարժան գործին` ղեկավարելով Հայֆիլhարմոնիան, Հայպետէստրադան և Հայաստանի Ժողովրդական գործիքների պետական համույթը:


Արդյունաշատ է նաև Ձեր ստեղծագործական վաստակը: Ձեր հեղինակած բազմաթիվ երգերը, սիմֆոնիկ ու կամերային ստեղծագործությունները մշտապես հնչել են Հայաստանի և Սփյուռքի տարբեր բեմերից ու եթերներից` սիրով ընդունվելով երաժշտասեր հասարակայնության կողմից:
Ուրախ ենք նաև անդրադառնալու, որ երկար տարիներ մանկավարժական արդյունավոր գործունեությամբ կրթել ու արվեստի մեծ ասպարեզ եք առաջնորդել բազմաթիվ շնորհալի երիտասարդների` նրանց փոխանցելով Ձեր հարուստ փորձն ու գիտելիքները»:


Տիար Սիմեոն Հախումյանին շնորհված Սրբատառ կոնդակն ընթերցել է Երևանի Ս. Գրիգոր Լուսավորիչ մայր եկեղեցու հոգևոր տեսուչ, ԵՊՀ Աստվածաբանության ֆակուլտետի դեկան Գերաշնորհ Տ. Անուշավան եպիսկոպոս ժամկոչյանը: «Հարգարժան պրն. Հախումյան, Հայրապետիս համար գոհունակություն է անդրադառնալ Ձեր հայրենանվեր և ազգաշեն գործունեությանը, որին ականատես ենք եղել մենք` անձնապես ճանաչելով հավատաւոր հայորդուդ: Այսօր ուրախ ենք հաստատելու, որ Դուք կյանքի ողջ ընթացքին գիտական ու մանկավարժական արդյունաշատ գործունեությամբ գովարժան ծառայություն եք մատուցել Հայրենի մեր երկրին ու հավատավոր ժողովրդին:


Տակավին երիտասարդ հասակում Դուք նվիրվեցիք նոր սերնդի կրթության երախտարժան գործին: Տասնյակ տարիներ անսպառ նախանձախնդրությամբ դասախոսեցիք և վարչական պատասխանատու հանձնառություններ ստանձնեցիք Երևանի պետական համալսարանում և Վ. Բրյուսովի անվան օտար լեզուների պետական ինստիտուտում, ապա վարեցիք մեր երկրի Կրթության նախարարի պաշտոնը` գնահատարժան ավանդ բերելով ի նպաստ մեր երկրում կրթության բնագավառի զարգացման:


Գովարժան է նաև Ձեր գիտական ու ստեղծագործական վաստակը: Ձեր բեղուն գրչին են պատկանում հարյուրից ավել գիտական ուսումնասիրություններ, դասագրքեր ու գեղարվեստական աշխատություններ, որոնք արժանի ընդունելության են արժանացել մեր ժողովրդի կողմից», - ասված է Հայրապետական կոնդակում:


Մայր Աթոռի Քրիստոնեական դաստիարակության կենտրոնի տնօրեն Տ. Վարդան եպիսկոպոս Նավասարդյանն ընթերցել է տիար Էդուարդ Թադևոսյանին ուղղված կոնդակը, որում, մասնավորապես, նշված է. «Մեծարգո պրն. Թադևոսյան, Ձեր բարձր արվեստի միջոցով Դուք կյանքի ողջ ընթացքին ծառայում եք հայրենի մեր երկրին և հավատավոր ժողովրդին: Ձեր երկարամյա բեղուն գործունեությունը և հարուստ վաստակը արժանապես դասել է Ձեր անունը հայ երաժշտարվեստի հայտնի անունների կողքին:


Մասնագիտական բարձրագույն կրթություն ստանալով Երևանում և Մոսկվայում` Դուք առիթ ունեցաք աշակերտելու ժամանակի մեծանուն ջութակահարների: Տակավին երիտասարդ տարիքում հրավիրվեցիք ելույթներ ունենալու Կոմիտասի անվան պետական լարային քառյակում` կարճ ժամանակ անց ստանձնելով քառյակի ղեկավարի պատասխանատու պաշտոնը:

 

Շարունակելով նվագախմբի լավագույն ավանդները` Դուք նոր հաջողությունների առաջնորդեցիք Կոմիտասի անվան պետական լարային քառյակը, որը բարձրարվեստ մատուցմամբ հայրենական և միջազգային բազմաթիվ բեմերից ունկնդիրներին ներկայացնում է հայ և համաշխարհային երաժշտարվեստի գոհարները` արժանանալով բազում մրցանակների:


Արդյունաշատ է նաև Ձեր մանկավարժական երկարամյա գործունեությունը: Տարիների Ձեր փորձն ու կարողությունները Դուք սիրով ի սպաս եք բերում Երևանի Կոմիտասի անվան պետական Կոնսերվատորիայի առաքելության արդյունավորմանը, որպեսզի հաստատությունը արդյունավորությամբ շարունակի երաժիշտների նոր սերունդի պատրաստության առաքինի գործը»:


Տիար Թովմաս Պողոսյանին շնորհված Հայրապետական կոնդակն ընթերցվել է Մայր Աթոռի Եկեղեցական հայեցակարգային հարցերի գրասենյակի տնօրեն Տ. Բագրատ եպիսկոպոս Գալստանյանի կողմից:


«Սիրելի պրն. Պողոսյան, մեր ժողովրդին քաջածանոթ է Ձեր անունը` որպես բանահավաքի, տաղանդավոր երգչի ու մանկավարժի, ով անձնվիրաբար ծառայում է հայ աշուղական արվեստի պահպանության, ուսումնասիրության ու զարգացման նվիրական գործին: Տասնամյակներ շարունակ Դուք աննվազ հետևողությամբ պեղում եք մեր ազգային երգարվեստի ակունքները, ժամանակի մոռացությունից վեր հանում շատ ու շատ երգեր ու աշխարհի տարբեր բեմահարթակներից մատուցում հայ և օտար ունկնդիրներին: Այսօր կարելի է հաստատել, որ մեր ժողովուրդը աշուղական երգերի հարուստ ժառանգության բազմաթիվ գոհարներ ճանաչում է Ձեր` հոգուց բխող կատարումներով, որոնք Ձեզ բերել են պետական բազում մրցանակներ, կոչումներ ու պարգևներ, նաև անկեղծ սերը երաժշտասեր հայորդյաց:


Գովարժան է նաև, որ արժանավոր սերունդ դաստիարակելու ազնիվ նախանձախնդրությամբ Դուք իրականացնում եք նաև մանկավարժական երկարամյա գործունեություն` Ձեր հարուստ փորձառությունն ու գիտելիքները սիրով փոխանցելով երգարվեստի ասպարեզում առաջին քայլերը կատարող Ձեր սաներին:


Սիրելի պրն. Պողոսյան, մեզ համար առանձնակի գոհունակություն է անդրադառնալ, որ պատանի հասակում ուսանելով Մայր Աթոռի հոգևոր ճեմարանում, Դուք կյանքի ողջ ընթացքին անխախտ պահեցիք Ձեր հոգու անկեղծ սերն ու նվիրումը հանդեպ Առաքելական մեր Սուրբ Եկեղեցին և Սուրբ Էջմիածինը: Ձեր աստվածատուր շնորհներն ու կարողությունները նաև ի սպաս բերեցիք եկեղեցական արարողությունների կատարմանը` երգելով մեր եկեղեցիների երգչախմբերում», - ասված է Հայրապետական կոնդակում:


Կոնդակների հրապարակումից հետո Գարեգին Բ Ամենայն Հայոց Կաթողիկոսը մեծարյալներին հանձնել է Հայ Եկեղեցու «Սուրբ Սահակ-Սուրբ Մեսրոպ» շքանշանները:


Այնուհետև իրենց սրտի խոսքն են ասել նաև Հայ Եկեղեցու շքանշանակիրները` երախտագիտություն հայտնելով կրթության և մշակույթի մշակների նկատմամբ Հայոց Եկեղեցու և Ամենայն Հայոց Կաթողիկոսի կողմից մշտապես դրսևորվող ուշադրության և բարձր գնահատանքի համար:


Ցերեկույթի ընթացքում կատարումներով հանդես են եկել ՀՀ ժողովրդական արտիստ Ռուբեն Մաթևոսյանը և Սայաթ-Նովայի անվան հայկական գուսանական երգի անսամբլը:


Հանդիսությունն ամփոփվել է Ամենայն Հայոց Կաթողիկոսի օրհնության խոսքով և «Պահպանիչ» աղոթքով: 



 

ԼՐԱՀՈՍ

ՕՐՎԱ ԿԱՐԵՎՈՐ

Տեսանյութեր

17:29 • 26.11.24

Դեղերի համար մրցունակ գնագոյացո՞ւմ եք ապահովելու, ի՞նչ համակարգ եք դնելու, որ գներն իջնեն. Հրայր Թովմասյան

15:12 • 26.11.24

Ռիսկայնությունը մեծ է, որ վարկային այս գումարները ծախսվելու են բյուջեի ընթացիկ ծախսերը փակելու համար․Հրայր Թովմասյան

14:35 • 26.11.24

Դուք սայլը ձիուց առաջ եք դրել․ համաձայնագրով 9 մլն 270,000 եվրո վերցրել եք և ասում եք՝ հետո օրենքը կընդունենք, կծախսենք, գուցե նույն տրամաբանությամբ էլ բանակցվել է. Հրայր Թովմասյան

20:38 • 25.11.24

Իշխանությունն ապամոնտաժում է 3-րդ հանրապետությունը, 4-րդը կարող է կոչվել «Արևմտյան Ադրբեջան» կամ հայ-ադրբեջանական. Արման Աբովյան

11:14 • 25.11.24

Կենսաթոշակային ֆոնդի ծավալը հասել է 1 տրիլիոնի, մասնակիցները 525,000-ից ավելին են․ ԿԲ փոխնախագահ

23:54 • 22.11.24

Երևանը կհրաժարվի Բաքվի դեմ հայցերից, եթե կնքվի խաղաղության պայմանագիրը. Փաշինյան

23:52 • 22.11.24

Մանդատները դնելու խնդրանքով դիմել եմ Զեյնալյանին և Աղազարյանին, հուսով եմ Աղազարյանը ևս անարձագանք չի թողնի․ Փաշինյան

23:50 • 22.11.24

SMS` գրավոր տեքստով եմ խնդրել հրաժարական տալ պաշտոնյաներին, բայց ոչ ուշ երեկոյան. Փաշինյան

23:10 • 22.11.24

Կադրային վերջին փոփոխությունները ոչ թե կոնֆլիկտային են, այլ աշխատանքային են․ Փաշինյան

21:16 • 22.11.24

Փաշինյանը հող է նախապատրաստում իշխանությունը Աննա Հակոբյանին փոխանցելու համար, եթե դրսից ճնշումներ լինեն․ Հայկ Նահապետյան

12:29 • 21.11.24

Ինչո՞ւ մանկապարտեզը հոկտեմբերին չի բացվել, ստացվում է՝ սո՞ւտ եմ ասել. զգուշացնում եմ՝ մեկը չխախտի ժամկետը․ Փաշինյան

12:12 • 21.11.24

Մայթով քայլում ես, տեսնում 61 թվի «ԳԱԶ 66»-ի «ռամա» է դրված պապուց հիշատակ, տարե՛ք ձեր տուն, պատից կախեք. Նիկոլ Փաշինյան

11:05 • 21.11.24

Վահե Ղազարյանի հետ մանկությունից ընկերներ ենք, դա շատ հարցերում օգնել է, երբեմն՝ խանգարել․ Փաշինյան

21:03 • 20.11.24

Չենք սպասում 2026-ի ընտրություններին, ամեն բան անելու ենք, որ իշխանափոխությունը լինի մինչև այդ. Աննա Գրիգորյան

20:33 • 19.11.24

Վաղ թե ուշ Փաշինյանը կարմիր աստղով «պիլոտկա է» հագնելու, մոտ է այդ ժամանակը․ Հայկ Մամիջանյան

18:50 • 19.11.24

ԱրարատԲանկը` «Իմ անտառ Հայաստան»-ի կողքին․ Ազնավուրի անվան անտառ է հիմնվելու (տեսանյութ)

15:03 • 19.11.24

Սուբսիդիայի տոկոսը պահպանելով հնարավորինս նվազ՝ կավելացնենք քաղաքապետարանի եկամուտները. Ավինյան

14:07 • 19.11.24

«Ո՛չ 300 դրամներին»․ «Մայր Հայաստանը» Երևանի ավագանու նիստի ժամանակ ակցիա իրականացրեց

12:49 • 19.11.24

Մինչև 7 տարեկան երեխաները տրանսպորտով կերթևեկեն անվճար, թոշակառուները՝ 30% զեղչով. փոխքաղաքապետ

15:40 • 18.11.24

«Նոմա» ռեստորանը ներկայանում է նորովի. այն կընդունի իր հյուրերին նաև ձմռան ամիսներին

12:44 • 18.11.24

Այն, որ պաշտոնանկությունների մասին դուք գիշերն եք իմացել ու գրել, դա չի նշանակում, որ այդ գործընթացները տեղի են ունեցել գիշերը. Վահագն Ալեքսանյան

12:27 • 18.11.24

Հովիկ Աղազարյանի մասով կա հարուցված կարգապահական վարույթ, որը կունենա հետևանք. Վահագն Ալեքսանյան

12:18 • 18.11.24

Սափրվելը հետևանքներ էր ունենալու. մի՛ ափսոսացեք, շատ բան չենք կորցրել. Աղվան Վարդանյանը՝ պաշտոնանկությունների մասին

12:05 • 18.11.24

Այդ պաշտոնանկությունները դիտարկում եմ նախընտրական տրամադրությունների ներքո. Տիգրան Աբրահամյան

11:55 • 18.11.24

Օպերայի տարածքի շինությունները քանդելու ենք ու ստանանք կանաչ տարածք՝ մարդկանց օգտագործման համար. քաղաքապետ

11:54 • 18.11.24

Մենք մեր պահանջներում ավելի խիստ ենք լինելու, չենք հանդուրժելու անորակ սննդի մատակարարում մեր մանկապարտեզներ. Ավինյան

17:39 • 15.11.24

Վերելակը կանչեք՝ չի գա, գալիս մեծ-մեծ խոսում եք. Կոնջորյանը՝ ընդդիմությանը

16:18 • 15.11.24

Մե՞նք ենք «Հոկտեմբերի 27»-ի շահառուն, թե Անդրանիկ Քոչարյանը, որ այդ խառը վիճակում պաշտոնյաների ցանկ էր ներկայացնում, մեկն էլ ինքն էր. Քրիստինե Վարդանյան

13:21 • 15.11.24

Սասուն Միքայելյանի որդին այնքան լավ քաղաքապետ է, որ ասում են՝ «Սևակը Հրազդանի հետ է ամուսնացել»․ Անդրանիկ Քոչարյան

12:46 • 15.11.24

Կիրանցում անասունը սահմանն անցնու՞մ է. Փաշինյանը՝ Տավուշի մարզպետին

12:16 • 15.11.24

Ո՞վ է ում ձեռք առնում, ուզում եմ հասկանամ, ես «քյասիբի ռադիո» չեմ․ Փաշինյանն՝ իրավապահներին

12:05 • 15.11.24

Ոստիկանության զորքերը կենտրոնացված են Երևանում, այնպես կանենք, որ մարզերում էլ խնդիր չլինի. Փաշինյան

11:04 • 15.11.24

Դուք ոչ միայն Փաշինյանի, այլ Զավենիչի երկրպագուն եք. Խամոյանը՝ ՀԾԿՀ նախագահի թեկնածուին

15:48 • 14.11.24

Պարոն Աղազարյան Հովիկին ոչ ոք չի դատապարտի, որովհետև կառավարությունը չի ձախողվի. Աղազարյան

13:52 • 14.11.24

Կարդացի Անկախության հռչակագիրն ու սարսափելի եզրահանգման եկա՝ ՀՀ-ն չի կարող գոյություն ունենալ. Նիկոլ Փաշինյան

13:20 • 14.11.24

Բանակը մի՛ սրբագործեք, ասում են՝ մեր զինվորի ցավը տանեմ, դուրս կգա Մադագասկար․ Փաշինյան

12:34 • 14.11.24

Այսօրվա մեր հավաքական սոցիալ-հոգեբանությունն ու սոցիալ-մտածողությունն ապապետական է․ Փաշինյան

11:50 • 14.11.24

Աղազարյա՛ն, ջանդ յուղի, քո գլխին են սարքում, ա՛յ ընկեր, դու էլ ես նախկին դաշնակցական. Արթուր Խաչատրյան

11:21 • 14.11.24

Դուք Թուրքիային ու Ադրբեջանին՝ մեր անվտանգության երաշխավոր դարձնելը փաթեթավորել եք իրական Հայաստանի ներքո, որը շատ այլանդակ տեսք ունի. Քրիստինե Վարդանյան

11:02 • 14.11.24

Դուք ձգտում եք վերադարձնել պատմական Հայաստանը, որտեղ կաք դուք, չկա պետականություն ու կա գուբերնատոր դառնալու հնարավորություն. Արթուր Հովհաննիսյանը՝ ընդդիմությանը

Տեսնել բոլորը

Ամենից շատ կարդացված նյութեր Այսօր Երեկ Շաբաթվա

Տնտեսություն

Գիտություն/տեխնիկա

Մշակույթ

Սպորտ

Իրադարձային

Մամուլի տեսություն

Քաղաքականություն

Իրավունք

Ժամանց