Հայաստան - Պորտուգալիա՝ 2:3. Հայաստանի հավաքականի հերթական պարտությունը

Վերջ. հանդիպումն ավարտվեց. Հայաստանի հավաքականը պարտվեց Պորտուգալիայի ընտրանուն և շարունակում է 1 միավորով եզրափակել մրցաշարային աղյուսակը:

90.Հանդիպման հիմնական ժամանակին ավելացվեց 3 րոպե:

90.Ժամանակ ձգելու համար դեղին քարտ ստացավ Ռուի Պատրիսիուն:

89.Արաս Օզիլիսը միջին տարածությունից բարձր հարված կատարեց:

87.Արաս Օզբիլիսը հեռու տարածությունից վտանգավոր հարված կատարեց. մի փոքր բարձր էր:

85.Պորտուգալացիների արագ հակագրոհը կանոնների խախտումով կասեցնելու համար դեղին քարտ ստացավ Ռումյան Հովսեփյանը:

83.Վտանգավոր գրոհ էին ձեռնարկել պորտուգալացիները, որի վերջնամասում Նանիի հարվածը շեղ ստացվեց:

81.Աջ եզրում տուգանայինի իրավունք էին ստացել հյուրերը. Նանիի փոխանցումից հետո անդրադարձ եղավ, որից հետո Վիեյրինայի հարվածը շեղ ստացվեց:

79.Փոխարինում հյուրերի կազմում. Ռիկարդու Կարվալյուի փոխարեն ասպարեզ մտավ Ժոզե Ֆոնտեն:

78.Ձախ եզրում Գևորգ Ղազարյանը շրջանցեց պաշտպանին և փոխանցեց կենտրոն, ուր խաղընկերները չկարողացան հասնել գնդակին:

75.Մարզադաշտում ակտիվությունը մեծացել է. երկրպագուներն ավելի մեծ ջանքերով են եաջակցում Հայաստանի ազգային թիմին:

73.Փոխարինում երկու ընտրանիների կազմերում. Հայաստանի հավաքականում Արթուր Սարկիսովին փոխարինեց Ռուսլան Կորյանը: Հյուրերի կազմում Ֆաբիո Կոենտրաուի փոխարեն հանդիպումը կշարունակի Ադրիեն Սիլվան:

72.ԳՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈԼ՝ 2:3. Հրայր Մկոյան. անկյունայինի իրացումից հետո հեռու տարածությունից հարված հետևեց, իսկ տուգանայինի մատույցներում առաջացած խառնաշփոթում արագ կողմնորոշվեց Հրայր Մկոյանը՝ գրավելով դարպասը:

71.Բազմաքայլ գրոհ էին կազմակերպել Հայաստանի ընտրանու ֆուտբոլիստները. վերջնամասում ձախ եզրից հետևած փոխանցումից հետո Ալվեշը գնդակը հանեց անկյունային:

68. Մխիթարյանը սայթաքելով հարվածեց. գնդակին տիրեց մրցակցի դարպասապահը:

66. Թվային առավելություն ստանալով Հայաստանի հավաքականը տիրել է տարածքային առավելությանը:

63. Դանիին փոխարինեց Վիլիամ Կարվալյոն:

62. Մխիթարյանի առաջխաղացումը միտումնավոր կասեցնելու համար երկրորդ դեղին քարտը ստացավ Տյագո Մենդեշը և հեռացվեց խաղադաշտից:

61. Արազ Օզբիլիսը փոխարինեց Կամո Հովհաննիսյանին:

58. Գոլ. 1:3. Կրիշտիանու Ռոնալդու. Պորտուգալիայի հավաքականի առաջատարն օգտվելով Անդոնյանի սխալից տիրեց գնդակին և հեռու տարածությունից կատարած հուժկու հարվածով դարձավ հեթ-տրիկի հեղինակ: 

55. Գոլ. 1:2. Կրիշտիանու Ռոնալդու. Պարզ իրավիճակում անհամաձայնեցված գործեցին Արզումանյանն ու Բերեզովսկին, և Ռոնալդուն գրավեց դարպասը:

54. Մարոկսի կրակոցը մոտ 20 մետրից մի փոքր բարձր ստացվեց:

53. Մխիթարյանը հարվածեց հեռու տարածությունից. դարպասապահի վրա էր:

51. Մխիթարյանն իր վրա բևեռեց 4 մրցակիցների ուշադրություն և գդնակն ուղարկեց ազատ գոտում գտնվող Կամո Հովհաննիսյանին, ով մի փոքր ուշացավ:

50. Գևորգ Ղազարյանը ձախ եզրում գնդակը գլորեց Վիյերինայի ոտքերի արանքով և նրա նկատմամբ խախտվեցին խաղի կանոնները:

49. Երկու թիմերն էլ պարզ իրավիճակում կորցրեցին գնդակը և երկու դեպպքում էլ արագ հակագրոհն անհաջող խաղարկվեց:

47. Մարկոսը, Սարկիսովն ու Մխիթարյանը բազմաքայլ կոմբիանցիա ձեռնարկեցին և հարվածային դիրք դուրս բերեցին Կամո Հովհաննիսյանին, ով չհասացրեց հարված կատարել, և նրանից խլեցին գնդակը:

46. Երկրորդ խաղակեսը մեկնարկեց:

Առաջին խաղակեսն ավարտվեց: Ընդմիջում:

45+1. Մարկոսը նուրբ փոխանցմամբ առաջ մղեց Մխիթարյանին, բայց վերջինս չհասավ գնդակին:

45. Առաջին խաղակեսին ավելացվեց 2 րոպե:

44. Ֆուտբոլասեր էր մտել խաղադաշտ: Նա մոտ 100 մետր վազեց, որի ընթացքում խույս տվեց անվտանգության 7-8 աշխատողներից:

43. Տանտերերը անկյունայինի իրավունք էին ստացել. Մարկոսի փոխանցումից հետո Պատրիսիուն տիրեց գնդակին:

42. Նանիի միջին տարածությունից կատարած հարվածը շեղ էր:

41. Մխիթարյանի հիանալի փոխանցումից հետո Հայրապետյանի փոխանցումը դեպի տուգանաին հրապարակ չհասավ նրա թիմակիցներին:

38. Մխիթարյանն աջ եզրից մտավ տուգանային հրապարակ սուր փոխանցում կատարեց դեպի կենտրոն, սակայն Մոուտինյոն առաջինը հասավ գնդակին:

37. Սարկիսովը գնդակի համար պայքարելով կարողացավ խլել այն, բայց նրա թիմակիցները չկարողացան դրանց օգուտ քաղել:

35. Տուգանային հարվածն այս անգամ խաղարկվեց բարձրից փոխանցմամբ, որը հեռացրեց Բրունո Ալվեշը:

34. Մարկոսի նկատմամբ կոպիտ խաղալու համար դեղին քարտ ստացավ Տյագուն:

34. Մխիթարյանը առաջ մղեց Կամո Հովհաննիսյանին, վերջինս չհասավ գնդակին:

32. Ռոնալդուն գեղեցիկ հնարքներով շրջանցեց 2-3 պաշտպանների, բայց փոխանցում կատարեց դեպի ետ:

30. Վնասվածք ստացած Կառլեն Մկրտչյանին փոխարինեց Ռումյան Հովսեփյանը:

29. Գոլ. 1:1. Ռոնալդուն հստակորեն իրացրեց 11 մետրանոց հարվածը: Բերեզովսկին և գնդակը հայտնվեցին տարբեր անկյուններում:

28. Մոուտինյոյի նկատմամաբ Մխիթարյանը սեփական տուգանային հրապարակում խախատեց խաղի կանոնները և մրցավարը նշանակեց 11 մետրանոց հարված:

27. Կուենտրաուն գնդակն ուղարկեց ձախ եզր, այնտեղից Դանին բարձրից փոխանցեց դեպի տուգանային հրապարակի կենտրոն, որտեղ Ռոնալդուն ու Նանին չհասան գնդակին:

24. Հյուրերն արագ հակագրոհ էին ձեռնարկել, որի ընթացքում Նանի-Ռոնալդու-Կուենտրաու հերթականությամբ գրոհ ձեռնարկվեց, սակայն անդոնյանը կարդաց վերջինիս փոխանցումը և հեռացրեց գնդակը:

23. Մխիթարյանի նկատմամաբ կանոնները խախատելու համար բանավոր զգուշացում ստացավ Մոուտինյոն:

22. Տուգանայինի խաղարկումից հետո լավ հակագրոհ կարող էին ձեռնարկել տանտերերը, բայց Կամո Հովհաննիսյանը չհասավ գնդակին և խախտեց խաղի կանոնենրը:

21. Կուենտրաուի առաջախախաղացումը կանոնների խախտմամբ կասեցրեց Մկոյանը:

19. Պորտուգալացիները երկու անգամ անկյունային իրացրեցին, երկու անգամ էլ գնդակին առաջինը հասավ Բերեզովսկին:

18. Նանին աջ եզրով շրջանցեց Հայրապետյանին և փորձեց գնդակն ուղարկել տուգանային հրապարակ, սակայն Կառլեն Մկրտչյանը գնդակը հանեց անկյունային:

18. Մխիթարյանի փոխանցումից հետո Սարկիսովը չկարողացավ տիրել գնդակին, բայց այն հեռացրեց եզրային գծից:

16. Եզրից կատարած վտանագավոր փոխանցումը հեռացրեց Բերեզովսկին:

14. ԳՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈԼ: 1:0. Մարկոս Պիզելի. Մոտ 25 մետր հեռավորությունից կատարած ֆանտաստիկ հարվածով Մարկոսը դարձավ գոլի հեղինակ:

13. Գևորգ Ղազարաննն արագ կողմնորոշվելով հարվածեց տուգանային հրապարակի մատույցներից. գնբդակը դիպավ Կարվալյոյին:

12. Ղազարյանը ձախ եզրից մտավ տուգանային հրապարակ, փոխանցում կատարեց դեպի կենտրոն, բայց գնդակը դիպավ խոտածածկի վրա ընկած Սարկիսովի ձեռքին:

11. Մարկոսը գեղեցիկ փոխանցում կատարեց դեպի Սարկիսովը, սակայն վերջինս չհասավ գնդակին:

8. Մխիթարյանը կարող էր Սարկիսովին մեն-մենակ դուրս բերել դարպասապահի հետ, բայց Կարվալյոն վերջին պահին հեռացրեց գնդակը:

6. Անկյունայինի իրավունք էին ստացել հյուրերը, բայց անհաջող խաղարկեցին:

5. Բարձր պրեսինգի շնորհիվ Մարկոսը խլեց գնդակը, փորձեց սուր փոխանցում կատարել դեպի առաջ, գնդակը հայտնվեց Կառլեն Մկրտչյանի մոտ, հարվածային դիրք դուսր բերեց Գևորգ Ղազարյանին, ով չկարողացավ լավ կասեցնել գնդակը և մոտ տարածությունից գրավել դարպասը: 

3. Տուգանային հարվածի իրավունք էին ստացել հյուրերը: Կրիշտիանու Ռոնալդուն փորձելով ապակողմնորոշել բոլորին, փոխանցում ակատարեց դեպի աջ եզր, բայց խաղընկերը գնդակին չհասավ:

2. Ձախ եզրից Կուենտրաուն ներխուժեց տուգանային հրապարակ, բայց կրկնկով կատարած նրա փոխանցումը խաղընկերոջ չհասավ:

1. Խաղը մեկնարկեց: Դաշտի կենտրոնից խաղը սկսեց Հայաստանի հավաքականը:

___________________________________________________________________

19:56. Թիմերը դուրս եկան խաղադաշտ: Հիմա կհնչեն մրցող թիմերի ազգային օրհներգերը:19:22 Երկու թիմերն էլ դուրս են եկել նախավարժանքի:

19:12 Հյուսիսային տրիբունան արդեն գրեթե լեփ-լեցուն է: Այստեղ են գտնվում Հայաստանի հավաքական ֆան-ակումբների ներկայացուցիչները:

18:31 «Հանրապետական» մարզադաշտի մերձակայքը մարդաշատ է: Շատերը տոմս են փնտրում եւ հույս ունեն, որ կկարողանան «սեւ շուկայում» գտնել որեւէ տարբերակ:

18:21  Մեծ ֆուտբոլը վերադառնում է Երեւան. 20:00-ին կսկսվի Հայաստանի եւ Պորտուգալիայի հավաքականների հանդիպումը: Մեր ընտրանին 2015թ. առաջին տնային հանդիպումը կանցկացնի: «Հանրապետականի» տրիբունաներն այսօր լեփ-լեցուն են լինելու: