Գյումրու մաքսատան կառուցման համար նախատեսվածից կրկնակի ավելի գումար է ծախսվել՝ 5․1 մլրդ դրամ, շինաշխատանքներն արվել են հիմնականում առանց մրցույթի

16:01 • 26.07.20
Տնտեսություն

Սուրբ Աթոռում ՀՀ նախկին դեսպան Միքայել Մինասյանն իր ֆեյսբուքյան էջում հայտարարել էր, որ Գյումրու մաքսատան կառուցման աշխատանքների համար կառավարությունը գումար է հատկացրել մի ՍՊԸ-ի, որն անգամ լիցենզիա չի ունեցել, բայց կապ ունի ՊԵԿ փոխնախագահ Շուշան Ներսիսյանի հետ։ Մինասյանի խոսքով՝ մաքսատան ճարտարապետական հաշվարկային աշխատանքներն արել է «Ալտրիում թիմ» ՍՊԸ-ն։ Այս ընկերությունը Կառավարությունից գումար է ստացել մեկ անձից գնման ընթացակարգով, այսինքն՝ առանց մրցույթի։ Ընդ որում, Միքայել Մինասյանը նշել էր, որ Կառավարության կողմից գումար տրամադրելուց հետո է միայն «Ալտրիում թիմ» ՍՊԸ-ն ստացել համապատասխան լիցենզիա։

«Դա մի կազմակերպություն է, որը երբեք չի մասնակցել որևէ տենդերի, երբեք չի արել որևէ խոշոր պետական աշխատանք, և որը լիցենզիա է ստանում ՀՀ պետական մարմիններից օգոստոսի 26-ին։ Նիկոլ Փաշինյանը իր կառավարության որոշմամբ լիազորում է մի կազմակերպության, որը նույնիսկ լիցենզիա չունի։ «Ալտրիում թիմ» ՍՊԸ-ն, ըստ օդում կախված լուրերի՝ ուղիղ բարեկամական կապերով կապված է մեր սրտի ՊԵԿ փոխնախագահ, Աննա Հակոբյանի մտերիմ ընկերուհի և ՊԵԿ-ում դրածո՝ Շուշաննա Ներսիսյանի հետ։ Այս մարդիկ գողանում են 30 մլն նախագծային աշխատանքները»,- ասել էր Միքայել Մինասյանը։

Հիշեցնենք, որ 2019-ի ապրիլին Արարատյան մաքսատան-վարչության ավտոտրանսպորտային միջոցների մաքսային ձևակերպումների Նորագավիթի բաժանմունք այցից հետո վարչապետի Նիկոլ Փաշինյանի հրահանգով ավտոմեքենաների մաքսազերծման գործընթացի կազմակերպումը տեղափոխվեց Գյումրի։ Հիմնավորումն այն էր, որ նախորդ տարի ԵԱՏՄ անդամ չհանդիսացող երրորդ երկրներից ՀՀ տրանսպորտային միջոցների ներմուծման աննախադեպ աճի արդյունքում Նորագավիթում տեղակայված մաքսատնում գոյանում են մեծ հերթեր: Նախնական հաշվարկներով՝ տվյալ սպասարկման կենտրոնի, ինչպես նաև համապատասխան ենթակառուցվածքների ստեղծման համար անհրաժեշտ է եղել ներգրավել շուրջ 2.2 մլրդ դրամ, սակայն, ինչպես Tert.am-ի ուսումնասիրությունը ցույց տվեց, թիվը հետագայում կրկնապատկվել է։

Կառավարությունը 2019-ի օգոստոսի 1-ի նիստում 181 մլն դրամ է հատկացրել մաքսատան ծրագրի նախագծանախահաշվային փաստաթղթերի կազմման համար, որից 34 մլն դրամը մեկ անձից գնման ձևով և գնման գործընթացին մասնակցելու համար հրավեր ուղարկել «Ատրիում թիմ» ՍՊԸ-ին։

Պետական գնումների էլեկտրոնային ARMEPS համակարգից տեղեկանում ենք, որ «Ատրիում թիմի» հետ պետական մարմիններից պայմանագիր է կնքել միայն ՊԵԿ-ը՝ թվով 7 պայմանագիր, ընդհանուր 54 մլն 450 հազար դրամի։ Դրանք են՝

1 - Հյուսիսային մաքսատուն-վարչության արդիականացման ծրագրի շրջանակներում Գյումրի քաղաքում ավտոտրանսպորտային միջոցների մաքսային ձևակերպումների միասնական սպասարկման կենտրոնի կառուցման նախագծանախահաշվային փաստաթղթերի կազմման աշխատանքներ - 33 մլն 950 հազար դրամ

2 - Կենտրոնի կառուցման աշխատանքների (1-ին փուլ) կատարման նկատմամբ հեղինակային հսկողության ծառայություններ – 4 մլն 300 հազար դրամ

3 - Կենտրոնի կառուցման աշխատանքների (1-ին փուլ 3-րդ մաս) կատարման նկատմամբ հեղինակային հսկողության ծառայություններ – 2 մլն դրամ

4 - Կենտրոնի կառուցման աշխատանքների (1-ին փուլ 3-րդ մաս) կատարման նկատմամբ հեղինակային հսկողության ծառայություններ - 100 հազար դրամ

5 - Հեղինակային հսկողության ծառայությունների պայմանագիր – 6 մլն դրամ

6 - Հեղինակային հսկողության ծառայությունների պայմանագիր – 5 մլն 500 հազար դրամ

7 - Հեղինակային հսկողության ծառայությունների պայմանագիր՝ – 2 մլն 600 հազար դրամ։

Թեև ընկերությանը մեկ անձից գնման ընթացակարգով Կառավարությունը օգոստոսի 1-ին 34 մլն դրամ է տրամադրել նախագծանախահաշվային աշխատանքների համար, սակայն «Ատրիում թիմը»  «քաղաքաշինության բնագավառում քաղաքաշինական փաստաթղթերի ինժեներական բաժինների մշակման» լիցենզիա ստացել է օգոստոսի 26-ին՝ քաղաքաշինության կոմիտեի նախագահի հրամանով։

168․am-ի տեղեկություններով, Հայկ Դալլաքյանը, ով 2011 թվականին միացել է «Ատրիում թիմին» և որի անվամբ բացված էլեկտրոնային փոստը tender-monitoring կայքում ցայսօր կցված է «Ատրիում թիմ» ՍՊԸ-ին, Շուշանիկ Ներսիսյանի ազգականն է (Հայկ Դալլաքյանի և Շուշանիկ Ներսիսյանի տատիկները հարազատ քույրեր են):

Նախագծային աշխատանքների համար 181 մլն դրամ տրամադրելու որոշումից մեկ շաբաթ անց՝ 2019-ի օգոստոսի 8-ի նիստում Կառավարության պետական բյուջեից նախնական հատկացրեց 966 մլն 480.8 հազար դրամ։ Կրկին մեկ անձից գնման ձևով գնման գործընթացին մասնակցելու համար հրավեր է ուղարկվել շինարարական աշխատանքների կատարման համար «Մերձմոսկովյան» ԲԲԸ-ին։

Ըստ Hetq.am-ի՝ «Մերձմոսկովյանը» Գյումրի քաղաքի ավագանու «Բալասանյան» խմբակցության անդամ Արտակ Ադամյանի հոր՝ Արամ Ադամյանի ընկերությունն է։ «Մերձմոսկովյան» ընկերությունը մինչ մաքսատան շինարարական աշխատանքները, ըստ ARMEPS-ի՝ պայմանագրեր է ունեցել Շիրակի մարզպետարանի, Գյումրու համայնքապետարանի, Տարածքային կառավարման և ենթակառուցվածքների նախարարության հետ։ Սակայն Պետական եկամուտների կոմիտեի հետ երբևէ պայմանագրեր չի ունեցել։

Օգոստոսի 8-ի նախագծի հիմնավորման մեջ ասվում էր, որ «հաշվի առնելով ծրագրի իրականաց­ման հրատապությունը և դրա կատարման համար ժամկետների սղությունը նախատեսվում է նախագծման աշխատանքները և դրա համապատասխան շինմոնտաժային աշխատանքները կատարել փուլային եղանակով»։

Նախնական հայտարարվել էր՝ նոր մաքսատան ծախսերի համար հատկացվելու է 2․2 մլրդ դրամ, սակայն օգոստոսին կայացված որոշումներից հետո Կառավարության 2019-ի դեկտեմբերի 12-ի նիստում ծախսերը ավելացվել էին ևս 2 մլրդ 32 մլն դրամով։

ՊԵԿ-ի և «Մերձմոսկովյան» ընկերության՝ մաքսատան կառուցման աշխատանքների պայմանագրերը՝

1 – Գյումրի քաղաքի Թբիլիսյան խճուղի թիվ 2/14 հասցեում ավտոտրանսպորտային միջոցների մաքսային ձևակերպումների միասնական սպասարկման կենտրոնի կառուցման աշխատանքներ (1-ին փուլ) – 937 մլն 407 հազար 520 դրամ

2 - Գյումրի քաղաքի Թբիլիսյան խճուղի թիվ 2/14 հասցեում ավտոտրանսպորտային միջոցների մաքսային ձևակերպումների միասնական սպասարկման կենտրոնի կառուցման աշխատանքներ (1-ին փուլ 3-րդ մաս) – 424 մլն 85 հազար դրամ

3 - Գյումրի քաղաքի Թբիլիսյան խճուղի թիվ 2/14 հասցեում տեղակայված ավտոտրանսպորտային միջոցների մաքսային ձևակերպումների միասնական սպասարկման կենտրոնի կառուցման (2-րդ փուլ 2-րդ մաս) աշխատանքներ – 1 մլրդ 294 մլն 25 հազար 700 դրամ

4 - Կապալային աշխատանքներ – 957 մլն 840 հազար դրամ

5 - Գյումրի քաղաքի Թբիլիսյան խճուղի թիվ 2/14 հասցեում ավտոտրանսպորտային միջոցների մաքսային ձևակերպումների միասնական սպասարկման կենտրոնի կառուցման (2-րդ փուլ 1-ին մաս) աշխատանքներ – 1 մլրդ 512 մլն 583 հազար 400 դրամ

Ընդհանուր՝ 5 մլրդ 125 մլն 941 հազար 620 դրամ /ավելի քան 10.5 մլն դոլար/։

Պայմանագրերն ուսումնասիրելուց հետո Tert.am-ը լրացուցիչ հաստատում ստանալու համար հուլիսի 10-ին հարցում է ուղարկել Պետական եկամուտների կոմիտե, սակայն մինչ օրս ո´չ հարցման պատասխան, ո´չ էլ հարցմանը պատասխանելու ժամկետի երկարաձգման մասին նամակ չենք ստացել։

Կառավարության օգոստոսի 8-ի նիստում վարչապետ Նիկոլ Փաշինյանը հետաքրքրվել էր, թե մեկ անձից գնմամբ ինչպես է Կառավարությունը վերահսկողություն իրականացնելու՝ «ճիշտ գին, ճիշտ գումար ծախսվի» նախագծի իրականացման համար։ Այդ ժամանակ ՊԵԿ նախագահ Դավիթ Անանյանը պարզաբանել էր, որ նախագծի նախագծանախահաշվային փաստաթղթերը կազմել է նախագծողը՝ շուկայական գների հիման վրա, և շինարարը չի որոշել արժեքը։

«Կոմպասս» կենտրոնը «Գյումրու քաղաքային ճանապարհներ» ծրագրի ուսումնասիրություն-վերլուծություն էր կատարել և պարզել, որ «Մերձմոսկովյան» ԲԲԸ-ի հետ 2015-2016թթ. կնքված ճանապարհաշինական պայմանագրերում միջինից բարձր գին է սահմանվել: 

ԼՐԱՀՈՍ

ՕՐՎԱ ԿԱՐԵՎՈՐ

Տեսանյութեր

23:54 • 22.11.24

Երևանը կհրաժարվի Բաքվի դեմ հայցերից, եթե կնքվի խաղաղության պայմանագիրը. Փաշինյան

23:52 • 22.11.24

Մանդատները դնելու խնդրանքով դիմել եմ Զեյնալյանին և Աղազարյանին, հուսով եմ Աղազարյանը ևս անարձագանք չի թողնի․ Փաշինյան

23:50 • 22.11.24

SMS` գրավոր տեքստով եմ խնդրել հրաժարական տալ պաշտոնյաներին, բայց ոչ ուշ երեկոյան. Փաշինյան

23:10 • 22.11.24

Կադրային վերջին փոփոխությունները ոչ թե կոնֆլիկտային են, այլ աշխատանքային են․ Փաշինյան

21:16 • 22.11.24

Փաշինյանը հող է նախապատրաստում իշխանությունը Աննա Հակոբյանին փոխանցելու համար, եթե դրսից ճնշումներ լինեն․ Հայկ Նահապետյան

12:29 • 21.11.24

Ինչո՞ւ մանկապարտեզը հոկտեմբերին չի բացվել, ստացվում է՝ սո՞ւտ եմ ասել. զգուշացնում եմ՝ մեկը չխախտի ժամկետը․ Փաշինյան

12:12 • 21.11.24

Մայթով քայլում ես, տեսնում 61 թվի «ԳԱԶ 66»-ի «ռամա» է դրված պապուց հիշատակ, տարե՛ք ձեր տուն, պատից կախեք. Նիկոլ Փաշինյան

11:05 • 21.11.24

Վահե Ղազարյանի հետ մանկությունից ընկերներ ենք, դա շատ հարցերում օգնել է, երբեմն՝ խանգարել․ Փաշինյան

21:03 • 20.11.24

Չենք սպասում 2026-ի ընտրություններին, ամեն բան անելու ենք, որ իշխանափոխությունը լինի մինչև այդ. Աննա Գրիգորյան

20:33 • 19.11.24

Վաղ թե ուշ Փաշինյանը կարմիր աստղով «պիլոտկա է» հագնելու, մոտ է այդ ժամանակը․ Հայկ Մամիջանյան

18:50 • 19.11.24

ԱրարատԲանկը` «Իմ անտառ Հայաստան»-ի կողքին․ Ազնավուրի անվան անտառ է հիմնվելու (տեսանյութ)

15:03 • 19.11.24

Սուբսիդիայի տոկոսը պահպանելով հնարավորինս նվազ՝ կավելացնենք քաղաքապետարանի եկամուտները. Ավինյան

14:07 • 19.11.24

«Ո՛չ 300 դրամներին»․ «Մայր Հայաստանը» Երևանի ավագանու նիստի ժամանակ ակցիա իրականացրեց

12:49 • 19.11.24

Մինչև 7 տարեկան երեխաները տրանսպորտով կերթևեկեն անվճար, թոշակառուները՝ 30% զեղչով. փոխքաղաքապետ

15:40 • 18.11.24

«Նոմա» ռեստորանը ներկայանում է նորովի. այն կընդունի իր հյուրերին նաև ձմռան ամիսներին

12:44 • 18.11.24

Այն, որ պաշտոնանկությունների մասին դուք գիշերն եք իմացել ու գրել, դա չի նշանակում, որ այդ գործընթացները տեղի են ունեցել գիշերը. Վահագն Ալեքսանյան

12:27 • 18.11.24

Հովիկ Աղազարյանի մասով կա հարուցված կարգապահական վարույթ, որը կունենա հետևանք. Վահագն Ալեքսանյան

12:18 • 18.11.24

Սափրվելը հետևանքներ էր ունենալու. մի՛ ափսոսացեք, շատ բան չենք կորցրել. Աղվան Վարդանյանը՝ պաշտոնանկությունների մասին

12:05 • 18.11.24

Այդ պաշտոնանկությունները դիտարկում եմ նախընտրական տրամադրությունների ներքո. Տիգրան Աբրահամյան

11:55 • 18.11.24

Օպերայի տարածքի շինությունները քանդելու ենք ու ստանանք կանաչ տարածք՝ մարդկանց օգտագործման համար. քաղաքապետ

11:54 • 18.11.24

Մենք մեր պահանջներում ավելի խիստ ենք լինելու, չենք հանդուրժելու անորակ սննդի մատակարարում մեր մանկապարտեզներ. Ավինյան

17:39 • 15.11.24

Վերելակը կանչեք՝ չի գա, գալիս մեծ-մեծ խոսում եք. Կոնջորյանը՝ ընդդիմությանը

16:18 • 15.11.24

Մե՞նք ենք «Հոկտեմբերի 27»-ի շահառուն, թե Անդրանիկ Քոչարյանը, որ այդ խառը վիճակում պաշտոնյաների ցանկ էր ներկայացնում, մեկն էլ ինքն էր. Քրիստինե Վարդանյան

13:21 • 15.11.24

Սասուն Միքայելյանի որդին այնքան լավ քաղաքապետ է, որ ասում են՝ «Սևակը Հրազդանի հետ է ամուսնացել»․ Անդրանիկ Քոչարյան

12:46 • 15.11.24

Կիրանցում անասունը սահմանն անցնու՞մ է. Փաշինյանը՝ Տավուշի մարզպետին

12:16 • 15.11.24

Ո՞վ է ում ձեռք առնում, ուզում եմ հասկանամ, ես «քյասիբի ռադիո» չեմ․ Փաշինյանն՝ իրավապահներին

12:05 • 15.11.24

Ոստիկանության զորքերը կենտրոնացված են Երևանում, այնպես կանենք, որ մարզերում էլ խնդիր չլինի. Փաշինյան

11:04 • 15.11.24

Դուք ոչ միայն Փաշինյանի, այլ Զավենիչի երկրպագուն եք. Խամոյանը՝ ՀԾԿՀ նախագահի թեկնածուին

15:48 • 14.11.24

Պարոն Աղազարյան Հովիկին ոչ ոք չի դատապարտի, որովհետև կառավարությունը չի ձախողվի. Աղազարյան

13:52 • 14.11.24

Կարդացի Անկախության հռչակագիրն ու սարսափելի եզրահանգման եկա՝ ՀՀ-ն չի կարող գոյություն ունենալ. Նիկոլ Փաշինյան

13:20 • 14.11.24

Բանակը մի՛ սրբագործեք, ասում են՝ մեր զինվորի ցավը տանեմ, դուրս կգա Մադագասկար․ Փաշինյան

12:34 • 14.11.24

Այսօրվա մեր հավաքական սոցիալ-հոգեբանությունն ու սոցիալ-մտածողությունն ապապետական է․ Փաշինյան

11:50 • 14.11.24

Աղազարյա՛ն, ջանդ յուղի, քո գլխին են սարքում, ա՛յ ընկեր, դու էլ ես նախկին դաշնակցական. Արթուր Խաչատրյան

11:21 • 14.11.24

Դուք Թուրքիային ու Ադրբեջանին՝ մեր անվտանգության երաշխավոր դարձնելը փաթեթավորել եք իրական Հայաստանի ներքո, որը շատ այլանդակ տեսք ունի. Քրիստինե Վարդանյան

11:02 • 14.11.24

Դուք ձգտում եք վերադարձնել պատմական Հայաստանը, որտեղ կաք դուք, չկա պետականություն ու կա գուբերնատոր դառնալու հնարավորություն. Արթուր Հովհաննիսյանը՝ ընդդիմությանը

20:37 • 13.11.24

Աթոռը պահելու համար Փաշինյանը պատրաստ է Պուտինի նկարը կախել գլխավերևում, հարց է՝ Պուտինը կտա՞, թե ոչ․ Նաիրա Կարապետյան

17:41 • 13.11.24

Չենք բարձրացնում Ադրբեջանի սահմանադրության փոփոխության հարցը, նույնը ակնկալում ենք իրենցից․ Փաշինյան

16:26 • 13.11.24

Այսօրվա ընդդիմությունը հաջորդ ԱԺ-ում չի լինի, իշխանությունն ավելի բարձր ձայներով կընտրվի․ Ալեն Սիմոնյան

15:47 • 13.11.24

Օկուպացված տարածքների խնդիրը ռազմական ճանապարհով լուծելու խնդիր դրված չէ․ Սուրեն Պապիկյան

14:51 • 13.11.24

Երիտասարդ տարիքում, երբ լսում էի «Կիլիկիա» երգը, լացում էի, երբ մեծացա, հասկացա՝ ինչի՞ լացեմ, Կիլիկիան՝ ուր, ես՝ ուր. Հովիկ Աղազարյան

Տեսնել բոլորը

Ամենից շատ կարդացված նյութեր Այսօր Երեկ Շաբաթվա

Տնտեսություն

Գիտություն/տեխնիկա

Մշակույթ

Սպորտ

Իրադարձային

Մամուլի տեսություն

Քաղաքականություն

Իրավունք

Ժամանց