Էմմա Հոկոբյանը և «վիտամինցի» Վանը, ով այժմ «Քարե դարդ» սիթքոմի սցենարիստներից մեկն է, ընկերություն են անում

16:43 • 21.02.16

Լրագրությունը մի մասնագիտություն է, որը ենթադրում է շփում, բոլոր տեսակի մարդկանց հետ մաքսիմալ անմիջական շփում. այս մասին Tert.am Youth-ի հետ հարցազրույցում ասաց գեղեցկուհի հաղորդավարուհի Էմմա Հակոբյանը, ով նշեց, որ երազում է կինոյի վերաբերյալ սեփական հաղորդումն ունենալ։

Էմման հայտնի է ArmNews հեռուստաընկերությամբ հեռարձակվող «Երեկոյան Երևան» հաղորդաշարից։ Երիտասարդ հաղորդավարուհին շատ ակտիվ է համացանցում, նրա էջերում հաճախ կարելի է տեսնել պոզիտիվ լուսանկարներ օրվա մեջ բազմաթիվ անգամ։

-Ինչո՞ւ լրագրություն։

-Երազում էի վիրաբույժ դառնալու մասին, հետո շատ կորդինալ որոշումս փոխեցի... Լրագրությունը ինձ համար նպատակ էր հեռուստատեսությունում աշխատելու համար։ Մեկ տարի և ավելի աշխատել եմ լուրերի բաժնում որպես մշակութային լրագրող. չէի ենթադրում, որ ինքս էլ կհայտնվեմ կադրում։ Ուղիղ եթերում հաղորդավար աշխատելը նոր ու բարդ բան էր ինձ համար, որը ես հաղթահարեցի: Հիմա երազում եմ կինոյի վերաբերյալ սեփական հաղորդում ունենալու մասին։

-Կա համոզմունք, որ լրագրությունն ապրելակերպ է, որը պահանջում է աշխատել օրվա բոլոր ժամերին։ Չե՞ք կարծում, որ շատ աշխատելը կանացի չէ։

-Կար ժամանակ, երբ ես աշխատում էի «ռոբոտի» տեմպով, առանց դադար, որից տուժում էր իմ ընտանիքը և ընկերները։ Հիմա ես ունեմ այդ տարիքը, ես կարող եմ ինձ թույլ տալ շատ աշխատել։ Ես սիրում եմ իմ աշխատանքը, այն ինձ համար առաջնային է։ Լրագրությունը մի մասնագիտություն է, որը ենթադրում է շփում, բոլոր տեսակի մարդկանց հետ մաքսիմալ անմիջական շփում։ Մարդկանց հակել դեպի քեզ, ստիպել, որ նրանք քեզ հետ բաց լինեն, իսկ հայկական իրականության մեջ դա շատ բարդ է։ Եթե տղամարդու տեսանկյունից նայենք՝ անհնար։ Այժմ ես կարողանում եմ համատեղել աշխատանքս անձնականիս հետ, և դրանից ոչ մեկը չի տուժում։

-Կարծես թե դու և «վիտամինցի» Վանը, ով այժմ «Քարե դարդ» սիթքոմի սցենարիստներից մեկն է, ընկերություն եք անում։

-Այո, բախտս բերել է՝ ընկերս նույնպես TV-ի մարդ է, դա օգնում է իրար ճիշտ հասկանալ։

-Այժմ նորաձև է համացանցում ի ցույց դնել անձնական կյանքը՝ զուգընկերոջ հետ համատեղ լուսանկարները և սիրային գրառումներ կատարել...

-Եթե դու բավարարված ես քեզ զգում տվյալ հարաբերություններում, ապա քեզ չի հետաքրքրում այդ մասին բարձրաձայնելը, չնայած որ սա միանշանակ չէ։ Օրինակ՝ ես սիրում եմ իմ անձնականից մի փոքր մաս՝ նկարների կամ գրառումների տեսքով հրապարակել համացանցում։ Դա նորմալ եմ համարում։ Ի վերջո, համացանցը՝ մասնավորապես Facebook-ը, ինձ համար ինֆորմացիայի ամենամեծ բազան է, որը չի ֆիլտրվում, շատ բազմաշերտ է և օգտակար։ Բացի ինֆորմացիայից նաև շփում է մարդկանց հետ թե՛ գործնական, թե՛ ընկերական։ Մի խոսքով՝ օգտակար բան է, եթե այն ճիշտ ես օգտագործում։