Ինչպես հարդարել աչքերն` ըստ դրանց բնական ձևի

10:45 • 01.04.16

Յուրաքանչյուր կին անկասկած բնության կողմից տրված գեղեցիկ և ինքնատիպ արտաքին ունի, իսկ փոքրիկ խորամանկությունները միայն կընդգծեն կնոջ անհատականությունն ու նրբագեղությունը: Այս մասին գրում է AdMe.ru-ն և ներկայացնում, թե ինչպես է պետք հարդարել աչքերը` ըստ դրանց բնական կառուցվածքի:

1. Կլոր աչքեր

Եթե ամբողջովին բաց վիճակում բիբի տակ երևում է սպիտակ մասը, ապա դա կլորավուն աչքերի անհերքելի նշան է: Նման աչքերը շպարելու նպատակը աչքերի տեսողական երկարացումն է:

• Դրա համար պետք է վերին կոպի արտաքին մասում մուգ ստվերաներկ քսել:

• Իսկ մատիտը կարելի է տարածել թարթիչների երկայնքով` սկսելով ոչ թե աչքի ակունքից, այլ կոպի մեջտեղից` ավարտելով փոքրիկ սլաքաձև տեսքով:

• Վերին կոպը մատիտով կարելի է ընդգծել նաև ներսից:

2. Նեղ աչքեր

Ասիական նեղ աչքեր ունեցողների մոտ վերին կոպը խիտ է, գրեթե թարթիչներին կպած: Շպարվելիս պետք է նման աչքերին առավել խոր տեսք հաղորդել:

• Պետք է ընտրել ստվերաներկի բնական գույն, օրինակ` բաց բեժ:

• Այս պարագայում անհրաժեշտ է փոքր-ինչ երկար սլաքներ նկարել, որոնք դուրս կգան թարթիչների երկայնքից և մգեցնել դրանք:

• Անհրաժեշտ է նաև վերին կոպը ընդգծել ներսից:

3. Նշաձև աչքեր

Նշաձև աչքերն անկյուններում երկարավուն տեսք ունեն, ինչպես նշի պոչը: Այս տիպի աչքերը բավականին հեշտ է շպարել, քանի որ գրեթե ամեն տեսակ հարդարում կսազի նշաձև աչքերին, օրինակ՝ smoky eyes տարբերակը:

• Կոպի վերնամասի համար կարելի է ընտրել բաց գույնի ստվերաներկեր:

• Վերին կոպը կարելի է ընդգծել մատիտի մուգ գծով` աչքի արտաքին անկյունից փոքր-ինչ վեր սլաք նկարելով:

4. Կախվող անկյուններով աչքեր

Եթե աչքերի արտաքին անկյունների փոքր-ինչ կախված են, դեմքը կարող է տխուր կամ հոգնած տեսք ունենալ: Պետք է հայացքն առավել կենսուրախ դարձնել:

• Դրա համար անհրաժեշտ է ուրվագծել վերին կոպը` հստակ գիծ նկարելով թարթիչների աճի երկայնքով: Պետք բավականին բարակ գիծ պատկերել և հենց թարթիչների գծին մոտ:

• Կոպի ներքին անկյունում կարելի է դեպի վեր գնացող սլաք ստանալ: