Վերջին տարիներին նորաձևության մեջ կրկնօրինակություններ են նկատվում. ոճաբան Կարինե Դնոյանը ոճի էվոլուցիայի մասին

«Նորաձևությունն անցողիկ է, բայց ոճը մնայուն». Կոկո Շանել:

Ոման կարող են այս մտքի հետ  համաձայնել, ոմաք` ոչ: Բայց մի բան ակնհայտ է, որ ժամանակի հետ մեկտեղ փոխվում է նորաձևությունը, փոխվում է նաև ոճը:

Tert.am Life-ը «Ատեքս» նորաձևության կենտրոնի տնօրեն, ոճաբան Կարինա Դնոյանի հետ զրուցել է ոճի էվոլուցիայի մասին:

«Պարզ է, որ եթե նորաձևությունը փոխվում է, փոխվում է նաև ոճը: Իսկ նորաձևոթյունը փոխվում է ինչ-որ ազդեցություններից` կլինի դա կռիվ, թե տեխնիկական նոր հայտնաբերում: Oրինակ, երբ 20-ականներին Եգիպտոսում հայտաբերել էին Թութանհամոնի դամբարանը, բոլոր համաշխարհային դիզայներները ոգեշնչվելով դրանով ստեղծել են եգիպտական ոճի հավաքածուներ և կապ չունի դա Եվրոպայում կլինի, թե Միացյալ Նահանգներում: Ընդհանրապես, ինչ էլ որ լինում է, այն ընկալվում և արտահայտվում է դիզայներների աշխատանքներում»,- ասաց Կարինեն:

Բայց իհարկե կան դիզայներներ, ովքեր ունեն իրենց չկրկնվող ոճը: Կարինեի խոսքով. «Կան դիզայներներ, որոնք ունեն իրենց հատուկ ոճը և հենց դրա համար է, որ իրենք լայն ճանաչում ունեն: Օրինակ`Valentino-ն չես կարող շփոթել Versace-ի հետ կամ Dolce&Gabbana-ն` Armani-ի հետ: Թեպետ բոլորը միասին աշխատում են ինչ-որ տենդենցներից ելնելով»:

Ոճաբանի նշեց, որ նորաձևթյունը հետաքրքիր լուծումներ, մտքեր տալիս է, բայց շատ մարդիկ այն չեն ընկալում. «Դիզայներներն այնպիսի բաներ են առաջարկում, որ հասարակ մարդկանց գլխում չեն արտահայտում գեղեցիկի գաղափարը: Դրա պատճառով է, որ ստեղծվում են համադրություններ, որոնք կարող են լինել և՛ գեղեցիկ, և՛ տգեղ»:

Իսկ ինչ վերաբերում է ոճի էվոլուցիային, ոճաբանի կարծիքով ամեն տարի չէ, որ նորաձևության մեջ նորամուծություններ են լինում: «Վերջին տարիներին, հիմնականում, կրկնօրինակություններ են նկատվում: Ձևափոխվում է այն, ինչ եղել է: Դրանք ռետրո ոճերն են` 20-ականներ, 50-ականներ, 60-ականներ»:

Խոսելով տենդենցների մասին Կարինեն նշեց, որ հիմա արդիական է սպորտային ոճը, որը կարող եք համադրել դասականի հետ:

«Մարդիկ, հիմնականում նախընտրում են հարմարվետությունը: Այնպիսի համադրություններ են կատարում, որ վաղ անցյալում դա կքննադատվեր: Կարելի է ասել, որ այժմ նորձևությունը դա հարմարավետությունն է: Իսկ մյուսը օրինակ «Gucci»-ի սկանդալային հավաքածուն: Նայելով հագուստին չես կարողանում տարբերակել այն տղամարդու հագուստ է, թե կնոջ: Այդ տենդենցը արագ տարածվել է Եվրոպայում: Չգիտեմ Հայաստանում դա կհասնի, թե ոչ, բայց այս ոճը տարբերվող է»,- եզրափակեց Կարինեն:

Մելինե Տոնոյան