«Կարծում եմ տղաս իր հայրիկին է նման լինելու». Արևիկ Ալավերդյան

15:13 • 30.09.16

Tert.am Life-ը տեղեկացրել էր, որ երգչուհի Արևիկ Ալավերդյանը առաջնեկին է սպասում, որը կծնվի դեկտեմբերին։ Ամուսնությունից հետո Փարիզում բնակություն հաստատած երգչուհին նոր ֆոտոշարք է իրականցերել։ Նա հիմա Հայաստանում է։

Մեզ հետ զրույցում Արևիկը պատմեց, թե ինչ նպատակով է եկել Երևան և ոչ միայն։

«Ամուսնուս հետ եմ եկել։ Հայկի այցը գործնական է։ Երբ ավարտի աշխատանքները նորից կվերադառնանք, քանի որ այնտեղ կիսատ մնացած գործեր կան։ Ինքնաթիռով ճամփորդելու հետ կապված խնդիրներ չունեմ։ Փառք Աստծո, ամեն բան լավ է։ Այստեղ ինձ ավելի լավ եմ զգում, դրա համար այս շրջանում ցանկանում եմ հարազատներիս կողքին լինել»,- ասաց Արևիկը։

Երգչուհին դեռ մեկ ամսից ավել այստեղ է մնալու։ Նա որոշել է իր հարազատների հետ հոկտեմբերին տոնել իր 30-ամյակը։

«Ինձ համար այս տարի մի փոքր խորհրդանշական է, քանի որ այս տարի կվայելեմ մայրական բերկրանքը։ Դեռ չենք որոշել, թե ինչպես կտոնենք, բայց մի բան պարզ է, որ ամենամտերիմ մարդիկ իմ կողքին կլինեն այդ օրը»,- ասաց Արևիկը։

Երգչուհին նախորդ անգամ մեզ հետ զրույցում ասել էր, որ վախ և մեծ պատասխանատվությամբ է լցված։ Ժամանակն անցել է, սակայն Արևիկի զգացողությունները չեն փոխվել։

«Կարծում եմ այդ զգացողությունները երբեք ինձ չեն թողնի, քանի որ այսուհետ ապրելու եմ ոչ միայն ինձ համար, այլ փոքրիկիս համար էլ։ Անհամբեր սպասում եմ երեխայիս ծնունդին, բայց հիմա աշխատում եմ որքան կարող եմ վայելեմ այս կարգավիճակը»,- նշեց Արևիկը։

Թե ինչպես է պատկերացնում իր որդուն, երգչուհին ասաց. «Կարծում եմ տղաս իր հայրիկին է նման լինելու։ Թող լինի աշխույժ և վերցնի իր հայրիկի բոլոր լավ հատկանիշները»։

Ինչպես նշեցինք երգչուհու փոքրիկը կծնվի դեկտեմբերին։ Նրա խոսքով. «Մենք նոր տարին կսկասենք մեր ընտանիքի համալրումով։ 2017 թվականը տղաիս հետ ենք դիմավորելու։ Երբ ծնվի փոքրիկս, մայրս կողքիս կլինի և միասին կխնամենք։ Մայրս իմ ամենալավ ընկերուհին է։ Նա միշտ կոխքիս է և օգնում է իր խորհրդներով»։

Արևիկը պատմեց նաև իր նոր ֆոտոշարքի մասին։

«Ֆոտոշարքիս մտահաղացումն իմն էր, վաղուց է ցանկանում էի այսպիսի նուրբ և եթերային ֆոտոշարք ունենալ։ Սա մի փոքր տարբերվող է, քանի որ սովորաբար ես այլ ոճ եմ նախընտրում, բայց չգիտես ինչու որոշեցի ավելի աղջկական գեղեցիկ ֆոտոշարք ունենալ։ Եվ ամեն ինչ փորձեցի ինքս կազմակերպել, ընտրել դետալներ և այլն։ Արդյունքն արդարացրեց սպասելիքներս»,- եզրափակեց Արևիկը։