Աննա Դեմիրխանյանը կվերադառնա Հայաստան՝ «Վիցե միսիս Եվրոպա 2016» տիտղոսով և զվարճալի, ինչպես նաև լարված օրերի հիշողությունով

«Միսիս Եվրոպա 2016»-ին 30-ից ավելի գեղեցկուհիների հետ հայազգի մոդել Աննա Դեմիրխանյանը ներկայացրել է Կովկասը: Մրցույթի մեկնարկը տրվել է հեկտեմբերի 1-ին և ավարտվել է հեկտեմբերի 4-ին:

Tert.am Life-ի հետ զրույցում Աննան պատմեց, թե ինչպես են մրցույթում անցնում օրերը և «Վիցե միսիս Եվրոպա 2016» մրցանակի մասին և ոչ միայն:

«Ներկայացրել եմ ողջ Կովկասը, սակայն ինձ բոլորը «Արմենիա» էին անվանում: Ես ամեն անգամ պատմում էի նրանց մեր երկրի մասին: Բազմաբովանդակ է անցել գրեթե յուրաքանչյուր օր: Իհարկե, առաջին օրը սկսեցի կարոտել ընտանիքիս անդամներին: Երկրորդ օրը ադապտացվեցի միջավայրին ու ծանոթացա նոր մարդկանց հետ և ընկերացա ոմանց հետ, իսկ հետո սկսվեց ինտրիգաններ ստեղծվել, թե ով է հաղթելու և բոլորիս մոտ լարվածությունն էր տիրում»,- ասաց Աննան:

Ինչպես գիտենք գեղեցկության մցրույթներում ավանդույթ կա՝ մյուս մասնակիցներին պետք է հուշանվերներ տալ: Աննան որոշել է անմոռուկներ նվիրել:

«Ես ներկայացնում էի ողջ Կովկասը, ոչ թե Հայաստանը: Այդ պատճառով ցանկանում էի ևս մեկ անգամ նշել, որ ես Հայաստանից եմ ու պատմեի անմոռուկի խորհրդի մասին, որ ամբողջ աշխարհով ևս մեկ անգամ տարածվի»,- ասաց գեղցկուհին:

Ինչպես Աննան նշեց՝ մրցակցությունը շատ ուժեղ էր: Աղջիկների մեծամասնությունը սլավոնական ծագում ունեին, շատ գեղեցիկ էին: Մրցույթում ներկայացել են մի քանի զգեստներով՝ ազգային, սպորտային և երեկոյան: «Վիցե միսիս Եվրոպա 2016»-ի կոչմանը արժանացել է Աննան, իսկ գլխավոր «Գրան պրի» մրցանակին արժանացել է Ռուսաստանը ներկայացնող մասնակիցը, որը Սիբիրից էր:

Սովորաբար գեղեցկության մրցույթներին տարբեր երկրները ներկայացնող մասնակիցները սկսում են ընկերնալ: Աննան բացառություն չէ:

«Իմ կյանքի փորձը ցույց է տվել, որ աղջիկներ են եղել, որոնց հետ ծանոթացել եմ և ֆեյսբուքով ընկերանալուց հետո մինչ օրս էլ իրար հետ շփվում ենք: Անցած տարի, «Միսիս Գլոբ 2015»-ում ծանոթ աղջիկներ կան, որ այս անգամ ինձ մխիթարում ու խորհուրդներ էին տալիս: Մրցույթից առաջ միշտ էլ մտավախություն կա, թե ինչպես կանցնի, արդյոք ամեն ինչ արդար կլինի: Նույնիսկ եթե հիասթափություններ էին լինում այս մի քանի օրվա մեջ, որոնք իհարկե մանր, տհաճ բաներ էին, բայց միևնույն է  հուզվում էի: Նրանք զանգում էին և ինձ քաջալերում, ուժ տալիս: Վստահ եմ, որ այս մրցույթից հետո էլ , Անգլիայի, Բելառուսի, Ռուսատանի, Ֆրանսիայի, Նիդերլանդների աղջիկների հետ մենք շատ մտերիմ կլինենք»,- ասաց «Վիցե միսիս Եվրոպա 2016»-ը:

«Միսիս Եվրոպա 2016»-ին Աննան առաջինը ծանոթացել և մտերմացել է Անգլիան ներկայացնող մասնակցի հետ:

«Ես և Անգլիայի ներկայացուցիչը մնում էինք նույն համարում: Նա շատ լավ աղջիկ էր, նույնիսկ բաժանվելուց դժվար էր: Մրցույթում հիմնականում մենք միասին էինք: Նույնիսկ գնալուց նա ինձ նվիրեց իր տատիկի 125-ամյա վզնոցը, որն իր համար շատ թանկ էր, իհարկե, թանկ ասելով ի նկատի չունեմ գումարայինը: Ես որքան էլ համառում էի չէի վերցնում, բայց նա ասում էր՝ «դու ինձ համար դարձել ես քույր, դու միշտ իմ կողքն ես եղել, միշտ փրկել ես ինձ» »,- ավելացրեց Աննան:

Հարցազրույցներկից մեկի ժամանակ Աննան նշել էր, որ մի շարք խոչընդոտների միջով է անցել: Հարցին՝ ի՞նչի մասին է խոսքը, նա պատասխանեց. «Խոչընտոդներ չէ, բայց շատ դժվարությունների միջով եմ անցել: Այդ ընթացքում ամեն օր դու պետք է լինես ներկայանալի: Մազեր հարդարել, դիմահարդարվել և այդ ամենը օրը 2-ից 3 անգամ, իսկապես շատ դժվար էր, քանի որ ես միայնակ էի և այդ ամենը ինքս էի անում: Եթե ուրիշ աղջիկներ ունեին դիմահարդար և վարսահարդար, ապա չունեի»:

Մեզ հետաքրքրեց նաև, թե ինչպես են նրա ընտանիքի անդաները արձագանքել, երբ ստացել է մրցույթում մասնակցելու առաջարկը:

«Իսկզբանե, աղջիկս չէր ուզում ինձ թողնել, բայց հետո կարողացա համոզել իրեն, քանի որ ընդամենը հինգ օր էր դա տևելու: Հատկապես, որ ես շատ հաճախ չեմ ճամփորդում կամ մասնակցում մրցույթներին: Կարծում եմ ժամանակ առ ժամանակ կարող եմ թույլ տալ ինձ մրցույթների մասնակցել: Իսկ ամուսինս ամեն անգամ ասում է՝ «ի՞նչիդ է պետք այդ մրցույթները, չգիտես, որ դու ամենալավն ես»: Բայց իրականում ես մրցույթներին մասնակցում եմ, ոչ թե ինքնագնահատականս բարձրացնելու կամ ևս մեկ անգամ համոզվելու, որ գեղեցիկ եմ, այլ ծանոթանամ նոր մարդկանց հետ, որոնք ներկայացնում են նոր մշակույթ: Նրանցից ևս դու կարող ես շատ բան սովորել, նորը բացահայտել»:

Նշենք, որ մրցույթում Աննան գտել է իր թալիսմանը: Նա մեզ մի պատմություն պատմեց, որը զվարճալի է, բայց...

«Երբ Անգլիայի մասնակցի հետ պատրաստվում էինք մրցույթին, նա շատ մաշված ներքնազգեստ ցույց տվեց և ասաց, որ այս ներքնազգեստ միշտ իրեն հաջողություն է բերում: Մենք շատ ծիծաղացինք: Երբ մրցույթից վերադարձանք հաղթանակած նա լուրջ դեմքով ասաց՝ «այսօրվա քո ներքնազգեստը կլինի քո թալիսմանը» (ծիծաղում է)»,- պատմեց Աննան:

Վերջինս Հայաստան կվերադառնա հոկտեմբերի 7-ի առավոտյան:

Լիլիթ Բոշյան