8 ամենահայտնի ու տարօրինակ մոդելները

19:22 • 27.10.16

Այս մոդելներին մուսայի ու ոգեշնչման աղբյուր են համարում: Նրանք նորաձևության աշխարհի ամենապահանջված ու տարօրինակ մարդիկ են:

onedio.ru-ն ներկայացնում է ամենայուրօրինակ մոդելներին:

1. Մելանի Գայդոս

Մելանին հազվադեպ հիվանդություն ունի, որը ազդում է մաշկի որակի, մազերի ու եղունգների աճի վրա: Իր հիվանդությունը ամենևին էլ չի խանգարում մոդելին հսկայական հաջողության հասնել: Աշխարհը ճանաչել է նրան Rammstein – Mein Herz Brennt տեսահոլովակից:

2. Մադելին Ստյուարտ

Մադելինը Դաունի սինդրոմ ունի, սակայն դա նրան չի խանգարում ամենաճանաչված մոդելներից մեկը լինել: Աշխարհը ճանաչել է նրան Daily Mail Australia-ում հրապարակված նյութից հետո, որում ներկայացվում էր, թե ինչպես է աղջիկը սպորտի ու առողջ ապրելակերպի միջոցով 20կգ նիհարել:

3. Շոն Ռոսս

Շոնը առաջին տղամարդ ալբինոս մոդելն է: Իր այս յուրահատուկ հիվանդության պատճառով՝ մանկության ընթացքում նրան հաճախ էին ճնշում: Այժմ նա աշխատում է մի շարք խոշոր մոդելային գործակալությունների հետ:

4. Քեյսի Լեգլեր

Քեյսի Լեգլերը առաջին կին մոդելն է, որը աշխատում է բացառապես նորաձևության տղամարդկանց ցուցադրությունների ժամանակ: Նրա արտաքին տվյալները թույլ են տալիս նրան երիտասարդ տղամարդուց չտարբերել:

5. Տես Հոլիդեյ

Տեսը մանկուց երազել է մոդել դառնալու մասին, սակայն ոչ ոք չէր հավատում նրա ուժերին: Մի քանի մոդելային գործակալության կողմից բացասական պատասխան ստանալուց հետո՝ նա սկսել է ակտիվորեն լուսանկարներ հրապարկել համացանցում և 2011 թվականին նրան հրավիրել են Heavy հեռուստաշոու: Այդ օրվանից նա սկսեց երևալ գովազդային հոլովակներում, այնուհետև մի քանի խոշոր պայմանագիր է կնքել: Այժմ 155կգ քաշ ունեցող Տեսը համար առաջին plus-size մոդելն է:

6. Էրիկա Իրվան

Էրիկան աշխարհի ամենաբարձրահասակ մոդելն է ու նույնիսկ Գինեսի ռեկորդների գրքում է գրանցված: Նրա հասակը 201 սմ է: 2014 թվականին մոդելը խոստովանել է, որ նախկինում տղամարդ է եղել: 2004 թվականին Էրիկան սեռափոխություն է արել ու թաքցրել է այդ փաստը՝ հանրության արձագանքից վախենալով:

7. Րիկ Ջենեստ (Զոմբի)

Զոմբին սկսել է դաջվածքներ անել 16 տարեկանից: Այժմ նրա ամբողջ մարմինը դաջվածքներով է պատված: 2011 թվականին նրան նկատել է Լեդի Գագայի դիզայները և նա սկսել է մոդելի կարիերան: Զոմբին նկարահանվել է Գագայի «Born This Way» երգի տեսահոլովակում ու գովազդել մի քանի հայտնի բրենդների հագուստ:

8. Վիննի Հարլոու

Մոդելի իրական անունը Շանտել Բրաուն-Յանգ է: Նա մաշկի պիգմենտների խախտման հիվանդություն ունի, սակայն այժմ ամենապահանջված մոդելներից մեկն է: Նա Desigual բրենդի դեմքն է: