«Աստղային» ոճ. ըստ հորոսկոպի՝ ինչ պետք է կրեն կենդանակերպի տարբեր նշանները

16:14 • 14.11.16

Աստղաբանության սիրահարները գիտեն, որ կենդանակերպի բոլոր նշաններն ունեն իրենց համապատասխան հագուստի տեսակները: otvetnavse.com-ը գրում է, որ հետևելով այս խորհուրդներին՝ դուք ոչ միայն կկատարելագործեք ձեր ոճն, այլ նաև կհամապատասխանեք հորոսկոպի կանոններին:

Խոյ: սպորտային հագուստ

Խոյերն ակտիվ կյանքի սիրահարներ են: Նրանք ամաչկոտ չեն ու սիրում են կյանքի ակտիվ ռիթմով ապրել, այս պատճառով էլ նրանց համապատասխանում է սպորտային հագուստը: Նորաձևության վերջին թրենդները թելադրում են, որ սպորտային հագուստը կարելի է համադրել ցանկացած այլ հագուստի հետ, այնպես որ խիզախ եղեք ու փորձարկումներ կատարեք:

Ցուլ: մետաքս և քաշմիր

Ցլերը շատ ինքնավստահ են ու այնպիսի հագուստ են ընտրում, որը համապատասխանում է իրենց բնավորությանը: Նրանց համար շատ կարևոր է զգայականությունը: Այն հագուստը, որը նրանք կրում են, պետք է հաճելի լինի իրենց մարմնի համար, այդ պատճառով էլ նրանց համապատասխանում են քաշմիրից ու մետաքսից պատրաստված իրերը:

Երկվորյակ: նորաձև ու յուրօրինակ

Երկվորյակները սիրում են ազատությունն ու անկաշկանդությունը: Նրանց համապատասխանում են նորաձև ու յուրօրինակ կերպարները: Նրանց համար կարևոր է, որ իրենց հագուստը նորաոճ լինի ու տարբերվի:

Խեցգետին: էլեգանտ յուրօրինակություն

Խեցգետինները բավականին հանգիստ են ու նրանց հագուստը ևս հանգստություն է խորհրդանշում: Նրանք սիրում են զգեստապահարանի հիմնական՝ բազային գույները՝ սև, սպիտակ, մոխրագույն: Նրանց նաև համապատասխանում են կապույտն ու արծաթագույնը:

Առյուծ: թանկարժեք ու ճաշակով

Առյուծներն ամենաինքնասիրահարվածն են: Նրանք սիրում են թանկարժեք հագուստ, նրանց սիրելի ոճը գլամուրն է: Առյուծները նախընտրում են դիզայներական հագուստ, բնական մորթիներ և այլ թանկարժեք իրեր: Չնայած թանկարժեքի հանդեպ իրենց ձգտումներին, նրանք նաև շատ ճաշակով են ու կարողանում են համադրել իրենց հագուստը:

Կույս: միշտ թրենդի մեջ

Կույսերը սիրում են թրենդները: Նրանք սիրում են այն ամենն, ինչ կապված է նորաձևության հետ: Նրանք սիրում են կրել այն, ինչ կրում են բոլորը:

Կշեռք: ոճի զգացողություն

Կշեռքները շատ հավասարակշռված են: Նրանց համար կարևոր է ոճի զգացողությունը: Նրանք զգուշությամբ են համադրում իրենց հագուստն ու ամեն ինչում փորձում են հնարավորինս համեստ լինել:

Կարիճ: էպոտաժ

Վառ ու կենսուրախ կարիճները չափազանց էպոտաժային են: Նրանք սիրում են այնպիսի հագուստ, որը կառանձնացնի նրանց, նրանց յուրատեսակ կդարձնի: Կարիճներին համապատասխանում են փայլփլուն ու տարօրինակ զգեստները:

Աղեղնավոր: չափազանց նորաձև

Աղեղնավորները նման են Կարիճներին: Նրանք սիրում են վառ ու տարբերվող հագուստ, սակայն, չեն կարողանում ճիշտ համադրել դրանք: Նրանք չափի զգացողություն չունեն և տարբերվող լինելու ցանկության պատճառով՝ հաճախ ծիծաղելի տեսք են ունենում:

Այծեղջյուր: դասականություն

Այծեղջյուրները նվիրված աշխատակիցներ են: Նրանք սիրում են դասական ոճը: Այս ոճում նրանք ավելի ինքնավստահ են զգում ու չեն վախենում փոփոխություններից: Նրանց համապատասխանում են դասական կոստյումներն ու զգեստները:

Ջրհոս: ոչ ավանդական կերպար

Ջրհոսները ստեղծարար ու օրիգինալ են: Նրանց չի հետաքրքրում նորաձևությունը և դիզայներական հագուստը: Նրանք ընտրում են իրենց ոճն ու տարբերվում են բոլորից:

Ձկներ: հեռու նորաձևության կարծրատիպերից

Ձկները չեն հետևում նորաձևությունը: Նրանց համար կարևոր չէ հագուստի տեսքը, նրանք գնահատում են հարմարությունը: Ձկներն արվեստասեր են ու իրենց հագուստի միջոցով արտահայտում են դա: