«Կենդանու չեմ կրակի, հուսով եմ՝ երբեք պատճառ չի լինի, որ մարդու կրակեմ». Անի Երանյանի նոր ֆոտոշարքն ու կրակելու համար ստացած դիպլոմը

Դերասանուհի Անի Երանյանը նոր ֆոտոշարք ունի, որը տրամադրել է Tert.am Life-ին ու պատմել ինչպես նոր աշխատանքի, այնպես էլ վարսերի հետ կապված փոքրիկ ոճափոխության և անկանխատեսելի մարդ լինելու մասին։

Անիի նոր ֆոտոշարքը տրամագծորեն տարբերվում է նրա մյուս աշխատանքներից. «Ժամանակի մեջ հետ ենք գնացել։ Քանի որ լավ ստացվեց, ես էլ հավանեցի արդյունքը, թիմն էլ, ուզում ենք շարունակական գիծ պահել և սերիաներով ներկակացնել այս նախագիծը՝ կերպարները կմնան նույնը, իրավիճակները կփոխվեն»։

Անին պատմեց, որ առաջին անգամ էր աշխատում այս թիմի հետ։ «Լուսանկարիչ Լիդիա Վիրաբյանը Վրաստանում է ապրում, եկել էր Երևան, առաջարկեց նման ֆոտոշարք անել։ Ինձ հետաքրքրեց, որովհետև չեմ տեսել նման ֆոտոշարք։ Կարծում եմ՝ հետաքրքիր և տարբերվող է»։

Վերջին շրջանում Անին փորձում է ավելի հաճախ նորովի ներկայանալ։ Ասում է՝ որպես դերասանուհի էլ իրեն հետաքրքիր է ֆոտոշարքերում լինել տարբեր կերպարներում։

«Իմ մասնագիտությունն ինձ թույլ է տալիս իրարից կտրուկ տարբերվող կերպարներում լինել։ Իմպրովիզներն ինձ համար շատ հետաքրքիր են։ Բոլորին թվում էր՝ ֆիլմից կադրեր են, բայց ոչ։ Շատ եմ հավանել այս աշխատանքը»,- ասաց դերասանուհին։

Ֆոտոշարքում Անին ներկայանում է զենքով։ Դերասանուհին կրակելու փորձ վաղուց ունի, զենք կիրառել է նաև մինչև ֆոտոշարքը։

«Անգամ Վազգեն Սարգսյանի անվան դիպլոմ ունեմ կրակելու համար։ Ես սիրում եմ կրակել, էմոցիաներս դուրս են գալիս, բայց երբեք կենդանու չեմ կրակի։ Ժամանակին շատ էի սիրում որս, երբ փոքր էի, որսի գնալիս ինձ էլ էին տանում, հետո մեծացա, հասկացա, որ ես դեմ եմ այդ ամենին։ Երբեք չեմ կարող կենդանու վրա կրակել, հուսով եմ՝ երբեք պատճառ չի լինի, որ մարդու կրակեմ»,- ասաց նա ու հավելեց, որ ժամանակին ավելի հաճախ էի գնում, քան հիմա։ Վերջին անգամ Մոսկվայում է գնացել կրակելու։

Վերջին շրջանում Անին կրկին փոխել է ոճը՝ ներկայանում է մազերի մուգ երանգով։ «Շեկ մազերից հատուկ չեմ հրաժարվել։ Ծայրերը կտրեցի, մնաց մուգ երանգը։ «Շիրազի Վարդը» պրոյեկտի պրոդյուսեր Ելենա Արշակյանն ուզում է հիմա սև երանգի մազերով լինեմ, այսպես մնացի»։

Հարցին, թե իրեն որ երանգի մեջ է ավելի լավ զգում, Անին պատասխանեց. «Էս պահին էսպես ինձ դուր է գալիս, բայց շատ փոփոխական է. մոտ մեկ ամիս առաջ ինձ միայն շեկ երանգի մեջ էի պատկերացնում, որովհետև տրամադրությունս բացում էր, բայց հիմա դա էլ ինձ չի խանգարում»։

Դերասանուհին նկատեց, որ գարնանային եղանակն էլ ազդում է տրամադրությսն վրա, բայց դա էլ միանշանակ չէ. մռայլ եղանակից երբեմն իրեն լավ է զգում, երբեմն՝ վատ։
«Անկանխատեսելի մարդ»,- իրեն բնորոշեց Անին ու հավելեց, որ շատ է սիրում այդպիսին լինել։ «Այն, ինչ գիտես, հետաքրքիր չէ»,- նկատեց նա։

Լուսանկարները՝ Լիդիա Վիրաբյանի
Արտ-տնօրեն՝ Լիյա Մարուխյան