Հույզեր, արցունքներ․ «Միսս Տիեզերք Արմենիա» և «Միսս Աշխարհ Արմենիա» գեղեցկության մրցույթների բոլոր մրցանակակակիրներն ու ֆոտոշարքը

Երեկ կայացավ «Միսս Տիեզերք Արմենիա 2021» և «Միսս Աշխարհ Արմենիա 2021» գեղեցկության մրցույթների թագադրման արարողությունը։ Աղջիկներից 2–ի համար օրն ավարտվեց երջանկության արցունքներով ու հաղթանակով, մյուսներին մնացեին լավ հիշողություններ, քաղած դասեր, ինչու ոչ, նաև հիասթափությամբ, որ բաղձալի թագն իրենց բաժին չհասավ։

Tert.am Life–ը ներկա է եղել միջոցառմանն ու ներկայացնում է հետաքրքիր դրվագները։ Երեկոն վարեցին Չերենցն ու Թամարա Պետրոսյանը։

«Միսս Տիեզերք Արմենիա 2021»–ի լավագույն հնգյակում էին Մանան Հունանյանը, Նանե Ավետիսյանը, Վիվիանա Ասատուրին, Ալլա Կարապետյանը։  Առցանց քվեարկության առավելագույն ձայներով եզրափակիչ անցավ դերասանուհի Ադրիանա Գալստյանը։

«Միսս Տիեզերք Արմենիա 2021» ճանաչվեց 24-ամյա Նանե Ավետիսյանը։ Նանեն 24 տարեկան է, ծնվել և մեծացել է Երևանում, մասնագիտությամբ իրավաբան է, աշխատում է «Թովմասյան» բարեգործակամ հիմնադրամում՝ որպես գործառնությունների տնօրեն:

Դերասանուհի Ադրիանա Գալստյանը ճանաչվեց 1-ին  «Վիցե միսս Տիեզերք Արմենիա 2021»

2-րդ «Վիցե միսս Տիեզերք Արմենիա 2021»՝ Մանան Հունանյան

3-րդ «Վիցե միսս Տիեզերք Արմենիա 2021»՝ Վիվիանա Ասատուրի

4-րդ «Վիցե միսս Տիեզերք Արմենիա 2021»՝ Ալլա Կարապետյան

«Միսս Աշխարհ Արմենիա 2021»–ի լավագույն հնգյակ անցան Քրիստինա Անայանը, Միրնա Բզդիգյան, Փրեմի Դավթյանը, Վիկա Բալոյանը և առցանց քվերակությամբ երկրորդ տեղը զբաղեցրած Լիանա Եղիազարյանը։

«Միսս Աշխարհ Արմենիա 2021» ճանաչվեց 19–ամյա Միրնա Բզդիգյանը Սիրիայից։ Միրնան Սիրիայից է, երկու տարի է՝ ապրում է Հայաստանում, սովորում է Հայաստանի Ամերիկյան համալսարանում, ցանկանում է դառնալ իրավապաշտպան: Զբաղվում է սպորտով՝ պրոֆեսիոնալ լողորդ է:

1-ին «Վիցե միսս Աշխարհ Արմենիա 2021» Փրենի Դավթյան

2-րդ «Վիցե միսս Աշխարհ Արմենիա 2021» Վիկա Բալոյան

3-րդ «Վիցե միսս Աշխարհ Արմենիա 2021» Քրիստինա Անայան

4-րդ «Վիցե միսս Աշխարհ Արմենիա 2021»  Լիանա Եղիազարյանը

«Միսս Բիկինի» տիտղոսին արժանացավ Մարինա Կարապետյանը։

«Միսս Ֆոտոգենիկ» տիտղոսին արժանացավ Լիդիա Զադոյանը։

Աղջիկների փակ քվեարկությամբ «Միսս համերաշխություն» ճանաչվեց Նատալի Հարությունյանը:

Այս տարի մրցույթը կայացավ այլ ձևաչափով. 2 օր առաջ կայացավ ցուցադրությունը, որի ժամանակ ժյուրին կատարեց իր ընտրությունը։ Բուն թագադրման օրը ցուցադրվեց ֆիլմ աղջիկների մասին։ Ըստ «Միսս Արմենիա» համահայկական մշակութային հիմնադրամի նախագահ Գոհար Հարությունյանի՝ այսպիսի ձևաչափը հնարավորություն կտա ավելի լավ ճանաչելու աղջիկներին։

Լուսանկարները՝ Գրիգոր Հովսեփյանի