Կայացել է «Պոլլի» գեղարվեստական ֆիլմի փակ ցուցադրությունը. (լուսանկարներ)

12:32 • 29.04.22

Շոուբիզնես

Երեկ կայացել է Ռեժիսոր Արտյոմ Հարությունյանը նոր գեղարվեստական ֆիլմի՝ «Պոլլի»-ի փակ ցուցադրությունը, Արտյոմ Հարությունյանը հանդիսանում է նաև ֆիլմի պրոդյուսերը, իսկ ֆիլմը դրամա, դետեկտիվ, արկածային ժանրերում է:

Նա մեզ հետ զրույցում նշել է, որ նման ֆիլմ նկարահանելու միտքը ծագել է իր և իր որդու մոտ 1 տարի առաջ, ապա արդեն գրվել է սցենարը:

« «Պոլլի» ֆիլմի հերոսը՝ Նարեկը, ամեն ինչից ավելի երազում է, որ իր ծնողները միավորվեն ու է՛լ երբեք չբաժանվեն։ Տեխնոլոգիաներով տարված խելացի տղան գտնում է մի իսկական շուն՝ ոտքը վիրավոր: Նա վախից փախչում է: Երեկոյան Նարեկը նկատում է, որ շունն իրենց տան մոտ է: Նա խղճում է շանը, ոտքը վիրակապում ու մորից թաքուն պահում նկուղում: Տղան ու շունն ընկերանում են: Սակայն այս ամենից հետո գյուղում սկսում են տարօրինակ դեպքեր կատարվել... »,-ասաց ռեժիսորը:

Ըստ Արտյոմ Հարությունյանի՝ սցենարը գրելիս արդեն պատկերացրել է, թե ովքեր են խաղալու ֆիլմում:

Ֆիլմում ներգրավված են դերասանուհի Լուիզա Ներսիսյանը, դերասաններ Սոս Ջանիբեկյանը, Բաբկեն Չոբանյանն ու Արամ Կարախանյանը: Առանցքային դերակատարում ունեն 12-ամյա Նարեկն ու իր «Պոլլի» անունով շունը: Ի դեպ, ֆիլմը հենց տղայի ու իր հավատարիմ ընկերոջ՝ «Պոլլի»-ի մասին է:

«Պոլլի» ֆիլմի հերոսը՝ Նարեկը, ամեն ինչից ավելի երազում է, որ իր ծնողները միավորվեն ու է՛լ երբեք չբաժանվեն, իսկ բուժքրոջ կերպարը մարմնավորում է դերասանուհի Լուիզա Ներսիսյանը, ով հանդիսանում է գլխավոր հերոսի՝ Նորեկի մայրը:

Ի դեպ, ֆիլմում ներգրաված է իսկական աստղային կազմ. նկարահանվել են Լուիզա Ներսիսյանը, Սոս Ջանիբեկյանը, Բաբկեն Չոբանյանը, Արամ Կարախանյանը և այլք:

Ռեժիսորի խոսքով՝ գլխավոր դերակատարին ընտրել է անմիջապես, երբ տեսել է նրան:

Չնայած ֆիլմը դեռահաս տղայի և նրա շան մասին է, ըստ ռեժիսորի՝ այն նախատեսված է ինչպես փոքրերի, այնպես էլ մեծերի համար:

«Հայաստանում դեռ նման բան չի նկարահանվել: Հատուկ ժանր էլ չեմ կարող առանձնացրել, այն մի քանի ժանրերի համաձուլում է: Ֆիլմում նաև արծարծել ենք Հայաստանի բնապահպանության ու որսագողության խնդիրները: Քննադատել ենք Հայաստանում իրականացվող որսագողությունը՝ շեշտելով Կարմիր գրքում հայտնված կենդանիների պահպանման կարեւորությունը»,-եզրափակեց Արտյում Հարությունյանը: