Մենք իրականացնում ենք նաև ռինոպլաստիկայի փակ վիրահատություն, որի ժամանակ կտրվածքներ և սպիներ չեն լինում․ վիրաբույժ Կարեն Սևտերտերյան

Վերջին տարիների ընթացքում Հայաստանում ամենապահանջված վիրահատություններից մեկը ռինոպլաստիկան է: Հայի վիզուալ «բաղկացուցիչ տարրերից» մեկը հենց արծվաքիթն է, որից շատերը փորձում են ձերբազատվել։

Tert.am Life-ի հետ զրույցում դիմածնոտային վիրաբույժ, Ani Esthetica բժշկական կենտրոնի հիմնադիր Կարեն Սևտերտերյանը ներկայացրել է պլաստիկ վիրաբուժության նոր հնարավորությունները, որոնք մատուցվում են հենց իրենց բժշկական կենտրոնում:

-Արծվաքիթը մեր արտաքինի բաղկացուցիչ մասն է, և կցանկանամ պարզաբանեք որպես վիրաբույժ, ինչո՞վ է պայմանավորված քթի նման ձևը:

-Դա մեր գենետիկան է, որը փաստագրական է․ հին մետաղադրամների վրա էլ տեսնում ենք Տիգրան Մեծի արտահայտիչ քիթը։ Այն մեր տեսքի առանձնահատկություններից է, որն, ըստ երևույթին, այժմ սկսել է աղջիկներին դուր չգալ: Արծվաքիթը տալիս է տղամարդկայնություն և առնականություն, բայց դա կանանց անհրաժեշտ չէ, չնայած փոքրիկ սապատը գուցե «համ ու հոտ» տա դեմքի արտահայտությանը:

-Բացի էսթետիկ անհարմարություններից, արծվաքիթը կարո՞ղ է ֆիզիկական անհարմարություններ առաջացնել:

-Հետաքրքիր փաստ եմ ուզում արձանագրել, երբ արտասահմանում վերապատրաստվում էի և աշխատում, զարմանքով հայտնաբերեցի, որ մեզ մոտ շատ տարածված է հենց արծվաքիթը և սապատությունը:

Ես դա պայմանավորում եմ մեր քարքարոտ երկրով, քանի որ տրավմատիզմը շատ է։ Ոսկրային արտահայտված քիթը ավելի հեշտ և շուտ է կոտրվում, իսկ փոքր քթերի կոտրվելն ավելի քիչ հավանական է:

-Շատերը պլաստիկ վիրաբույժներին դիմում են նաև միջնապատի ծռության խնդրի համար, բայց միջնապատն ուղղելուց զատ կատարում նաև էսթետիկ միջամտություն, այսինքն դա պատրվա՞կ է:

- Մեզ մոտ, հատկապես երիտասարդների շրջանում, բարդ է ինքնուրույն որոշումներ կայացնելը, քանի որ նմանօրինակ հարցերին, քննարկումներին, վիրահատվողից բացի մասնակցում են նաև ընտանիքի անդամները, և միակ «փրկությունը» դառնում է ֆունկցիոնալ թերությունները ներկայացնելը, դա նաև ծնողների համար «սրտի մխիթարանք» է դառնում։

-Քթի ծռությունը հետագայում ի՞նչ խնդիրների առաջացման պատճառ կարող է դառնալ։

- Միջնապատի ծռությունն իսկապես կարող է մի շարք խնդիրների հանգեցնել. քնի խանգարում, գլխացավ և այլն: Խնդիրների բացահայտումից հետո, պետք է լուծումներ տալ:

-Նկատելի է, որ վերջին տարիների ընթացքում ռինոպլաստիկան ունի մեծ պահանջարկ, ինչո՞վ է դա պայմանավորված:

-Իմ 27 տարիների աշխատանքային փորձից ելնելով կարող եմ ասել, որ ընդամենը 25 տարի առաջ քթի պլաստիկ վիրահատություն անում էին շատ քչերը, Հայաստանում ևս եզակի մասնագետներ էին կատարում նման վիրահատություն, մինչդեռ այժմ ռինոպլաստիկան մեծ պահանջարկ է վայելում: Վերջին 10 տարիների ընթացքում գրեթե յուրաքանչյուր միկրովիրաբույժ հիմնականում զբաղվում է պլաստիկ/ էսթետիկ վիրաբուժությամբ:

-Դուք նշեցիք, որ վերջին շրջանում այս ոլորտում պահանջարկն  աճել է, հետևաբար շատ է նաև առաջարկը: Ի՞նչ ծառայություններ է առաջարկում Ձեր բժշկական կենտրոնը և ի՞նչ առավելություններ կմատնանշեք:

-Մեզ մոտ իրականացվում է դիմածնոտային վիրաբուժության ամբողջական ծավալը և էսթետիկ վերականգնողական վիրաբուժությունը, այդ թվում՝ իմպլանտալոգիան: Ունենք նաև դեմքի խնամքի ծառայություն, մասնագետներ, որոնք զբաղվում են մաշկի էսթետիկ խնդիրների հարցերով։ Առաջարկները բավականին լայն են, ինչպես դեմքի վիրաբուժական ձգման, այնպես էլ այլ տիպի միջամտությունների, օրինակ՝ թելերով մաշկի ձգում:  Ամենամեծ պահանջարկը վայելում է ռինոպլաստիկան:

-Ես տեղյակ եմ, որ ռինոպլաստիկան կատարվում է մի քանի եղանակով: Կմանրամասնե՞ք, որ տարբերակներն են կիրառվում Ani Esthetica կենտրոնում:

-Ամենահայտնի ձևերից մեկը բաց ռինոպլաստիկան է, որը կատարվում է մաշկային կտրվածքներով՝ մերկացնելով քթի ամուր հյուսվածքները, կատարվում են համապատասխան փոփոխությունները, որոնց ավարտին կարվում է մաշկը։ Հետևաբար կան կտրվածքներ, վերքեր, որոնց համար անհրաժեշտ է լավացման երկար ժամանակ․ երկու շաբաթ անց դեռևս լինում են այտուցներ և կապտուկներ: Փակ ռինոպլաստիկայի ժամանակ գործընթացը իրականացվում է քթի ներսում և չկան կտրվածքներ, հետևաբար՝ նաև սպիներ: Հետվիրահատական շրջանը ևս համեմատաբար կարճատև է: Էսթետիկ վիրաբուժությունն իրենից ենթադրում է գործընթաց, որի ավարտին ցանկալի է, որ սպիներ չլինեն: Ես նախընտրում եմ վիրահատություններն իրականացնել փակ եղանակով: Կա տարածված միֆ, որ մի շարք պլաստիկ վիրահատություններ, ինչպիսիք են՝ քթի ծայրի ուղղումը, քթանցքի ուղղումը, փակ եղանակով իրականացնել հնարավոր չէ, բայց դա այդպես չէ: Փակ եղանակով այդ շտկումները հնարավոր է իրականացնել՝ պահպանելով քթի մաշկային փափուկ հյուսվածքների ամբողջականությունը:

-Կա՞ն տարիքային սահմանափակումներ վիրահատության համար:
 

- Մեծ պահանջարկ է վայելում հենց շրջանավարտների շրջանում, ովքեր նոր են ընդունվում համալսարան, փոխում են իրենց միջավայրը, պետք է նշեմ, որ դիմողների տարիքը հիմա երիտասարդացել է: Ուրախ եմ, որ դիմում են նաև տղաները:

-Լինում են դեպքեր երբ պացիենտը գալիս է հստակ պատկերացումներով, բայց պայմանավորված ֆիզիոլոգիական հատկանիշներով՝ պատկերացրածն իրականացնել հնարավոր չէ։ Նախքան վիրահատությունը կատարվու՞մ է մոդելավորում:

- Այո, մոդելավորում իրականացվում է, պացիենտը կարողանում է պատկերացնել՝ ինչ է իրեն սպասվում: Մենք միշտ տեղեկացնում ենք, որ անգամ փոքր միջամտությունների արդյունքում սպասվում են արտաքին փոփոխություններ։ Պացիենտները հոգեբանական տեսանկյունից հաճախ ավելի խոցելի են լինում։ Վիրահատության պետք է գալ հստակ պատկերացումներով՝ հասկանալով, ինչ է ուզում պացիենտը: Շատ հաճախ լինում են դեպքեր, երբ մերժում ենք այցելուներին՝ հասկանալով, որ նրանք պատրաստ չեն վիրահատության:

-Ի՞նչ արժե ռինոպլաստիկան Ձեր կենտրոնում: 
- Այս պահի դրությամբ արժեքը 550 հազար դրամ է: Մոնիթորինգ անելով ոլորտը՝ կարող եմ նշել, որ բավական մատչելի է: Նաև հնարավոր է վճարում ապառիկ եղանակով՝ 0% տոկոսադրույքով։