«Հենց սկզբում որոշել ենք, եթե Քրիստը նկարահանվի որևէ նախագծում, ապա միայն ինձ հետ». Գևորգ Մկրտչյանը՝ «Կույր աշխարհ» սերիալի և սիրելիի հետ նկարահանվելու մասին

Օրեր առաջ հեռուստաէկրաններին է բարձրացել Դիանա Գրիգորյանի «Կույր աշխարհ» հեռուստասերիալը, որը առաջին իսկ սերիայից դարձել է քննարկումների առիթ: Սերիալում գլխավոր և առանցքային կերպարները մի քանիսն են հեռուստասերիալում նաև նկարահանվում է դերասան և երգիչ Գևորգ Մկրտչյանը իր սիրելիի՝ Քրիստինեի հետ: Tert.am Life-ի հետ զրույցում Գևորգ Մկտրչյանը պատմել է իր կերպարի, սիրելիի հետ նկարահանվելու, չեղարկված մենահամերգների և այս շրջանի զբաղվածության մասին: 

«Տարին ինձ համար շատ ծանրաբեռնված էր, իսկ և այն շրջանը, որը նախատեսել էի հանգստի համար զբաղվում էի մենահամերգների պատրաստմամբ, հետևաբար հանգստի փոխարեն ևս աշխատում էի, բայց այդ շրջանում ՀՀ տարածում ռազմական գործողություններ էին և որոշում կայացվեց հետաձգել բոլոր համերգները: Աստծո կամոք գարնանը կվերսկսենք աշխատանքները։ Զուգահեռ նկարահանվում էի հեռուստասերիալում: Միգուցե շատ եմ ինձ ծանրաբեռնում, բայց ես չեմ սիրում ժամանակս անտեղի վատնել:Մտածում եմ՝ քանի հնարավորություն ունեմ աշխատելու, պետք է աշխատեմ»,- ասաց Գևորգ Մկրտչյանը:

Նախկինում դերասանը ևս նկարահանվել է Դիանա Գրիգորյանի հեռուստասերիալներում և ընդգծում է, որ սցենարիստի հետ աշխատանքը հեշտ է ստացվում:

«Ինչքան էլ դժվար է առանց դադարի նկարահանվելը, այնուամենայնիվ ես սիրում եմ իմ աշխատանքը ու մեծ սիրով եմ անում: Դիանա Գրիգորյանի հետ արդեն 3-րդ անգամ եմ համագործակցում, նա իր գործի վարպետն է ու իհարկե կարողանում է կերպարների ճիշտ բաշխում կատարել, ինչի արդյունքում ունենում ենք ստացված հերոսներ։ Ես շնորհակալ եմ Դիանային՝ ինձ կերպարները վստահելու համար»,- նշեց նա:

Առաջին անգամ դերասանուհու կարգավիճակով է նաև ներկայանում Գևորգի սիրելիի՝ Քրիստինեն: Նշենք, որ հեռուստասերիալում նրանք նույնպես մարմնավորում են սիրահար զույգի:

«Ավելի շատ պատասխանատվություն եմ զգում, եթե առաջ մտածում էի միայն իմ լավ ներկայանալու մասին, հիմա արդեն երկուսիս մասին եմ մտածում: Հիմա ավելի շատ եմ լինում նկարահանման հրապարակում, և՛ իմ նկարահանման օրերին, և՛ Քրիստի: Քրիստին նկարահանման հրապարակում արդեն հասցրել են շատ սիրել, ինչը փոխադարձ է: Ունենք շատ լավ թիմ, ոչւ միշտ պատրաստ է օգնել: Որպես խաղընկերներ հեշտ ենք միմյանց հետ աշխատում, իսկ արդյունքը իմ սպասելիքներից մի քանի անգամ ավելի շատ է՝ ելնելով մեկնաբանություններից, սոց հարթակներում վիդեոհոլովակների տարածումից և նաև հեռուստասերիալի բարձր դիտումներից»,- ասաց դերասանը:

Նա նաև հավելեց, որ իրենց համար սկզբունքային է եղել նկարահանվելը սիրահար զույգի կարգավիճակում: 

«Ես գիտեմ, որ ես միգուցե սխալ եմ մտածում, բայց այո, եթե Քրիստը լիներ դերասանուհի մինչ մեր հանդիպումը՝ գուցե ես այլ կերպ նայեի այս հարցին, բայց երկուսիս կածիքն էլ ի սկզբանե եղել է նույնը, եթե նա նկարահանվի որևէ նախագծում, ապա միայն ինձ հետ,- նշեց Գևորգը և հավելեց, որ սիրային տեսարաններում նա նույնն է: -Երևի թե սիրո հարցում է նմանությունը: Քանի որ և՜ իրական կյանքում, և՜ հեռուստասերիալում՝ նույն սրտով մարդն ես ու շատ տեսարաններում կարիք էլ չի լինում խաղալ, արտահայտում ես այն ինչ զգում ես իրական կյանքում»:

Գևորգը նաև պատմեց իր սիրելի տեսարանի մասին՝ ընդգծելով, որ բոլոր տեսարանները իր մասնակցությամբ հարազատ են և սիրելի:

«Իրականում ես իմ տեսարանները այնքան շատ եմ սիրում, որ բացի այն, որ սոց հարթակներում տարածում են վիդեոները՝ ամեն մեկը իր տարբերակով մոնտաժված, միևնույնն է ամեն անգամ, երբ ես ու Քրիստը ունենում ենք միասին տեսարան՝ միշտ ինքս մոնտաժում եմ իմ տարբերակը ու տեղադրում եմ սթորի բաժնում, բայց կա մի տեսարան, որը ամենից շատը տարածվեց, երբ ես ռեստորանում երգ եմ նվիրում Քրիստին, և կա հումորային տեսարան, որն ամենաշատն է ինձ դուր եկել, երբ կինոթատրոնում Քրիստը ինձ անվանում է «իշամեղու»»,- ասաց նա: