Հաճախ հիվանդացող երեխա. ինչ պետք է անել նման դեպքում

«Հաճախ հիվանդացող երեխա». այս ախտորոշումն այժմ գրեթե բոլոր երեխաներին են տալիս։ Ինչո՞վ է պայմանավորված դա, և ինչպե՞ս պետք է բուժել:

Իմունիտետի խանգարումները, իրականում, չափազանց հազվադեպ են հանդիպում։ Եվ դրանք հաճախ չեն հանդիպում սուր շնչառական վարակների տեսքով, այլ ծանր վարակների՝ բարդություններով, որոնք դժվար են բուժվում, գրում է aif.ru-ն։

Բնածին իմունային անբավարարությունը մահացու վտանգավոր է և սովորական հարբուխի հետ ոչ մի կապ չունի։

Փակված քիթը կամ կարմիր կոկորդն աղետ չեն։ Պետք է վախենալ, եթե նման վարակներց հետո մշտապես բակտերիալ ինֆեկցիա է առաջանում՝ բարդություններ՝ կապված ականջների հետ, բրոնխիտ…

Մտածեք բժշկի հետ, թե ինչո՞ւ է ձեր երեխան հաճախ հիվանդանում։ Գուցե նրա մոտ, օրինակ, հերպեսի վարակ կա։ Գուցե ուրցագեղձն է մեծացել։ Գուցե շո՞ւտ եք նրան կտրել կրծքից ու սկսել եք կերակրել կաթնախառնուրդով։

Ստուգեք, գուցե երեխան դիսբակտերիոզ ունի, կամ ավիտամինոզ, ռախիտ.. Գուցե նա ծանր հիվանդացել է կամ վիրահատության ենթարկվել կամ էլ իմունիտետն ընկել է ոչ առողջ վիճակում արված պատվաստման հետևանքով։

Անկախ պատճառից՝ բժշկի հետ առողջացման տակտիկա մշակեք։ Սակայն դա չի նշանակում դեղեր տալ։ Դա նշանակում է այնպիսի պայմանների ապահովում, որ երեխայի օրգանիզմն արագ ու նվազագույն կորուստներով հաղթահարի վիրուսը։

Շատ մայրիկներ ու տատիկներ մի շարք սխալներ են անում։ Օրինակ՝ կարծում են, թե երեխաները հիվանդանում են, քանի որ վատ են ուտում։ Լավ սնվել, իհարկե, պետք է, սակայն հիվանդության պահին դա դժվար թե դրական արդյունք տա։

Եթե երեխայի ջերմությունն իջել է, մրսածությունն անցել, ապա հենց հաջորդ օրը նրան կարելի է դպրոց կամ մանկապարտեզ ուղարկել։

Սակայն ջերմության իջնելը բոլորովին չի նշանակում, որ նրա իմունիտետը վերականգնվել է։ Մանկական շրջապատում նա, հավանաբար, նոր վիրուսի կհանդիպի և կսկսի նոր հիվանդություն։

Իմունիտետն ամրապնդելու լավագույն միջոցը կեֆիր օգտագործելն է։

Իմունային բջիջների 30%-ն, այո՛, գտնվում են ստամոքսում, սակայն չպետք է մոռանալ, որ 30 տոկոսը գտնվում է շնչառական համակարգում և ևս 30-ը՝ մաշկում։ Այնպես որ կաթնաթթվային մթերքներն ու առողջ աղիները կարևոր են, սակայն բավարար չեն։

Տանը, որտեղ հաճախ հիվանդացող երեխաներ կան, պետք է իդեալական մաքուր լինի։

Մեզ շրջապատող միկրոօրգանիզմները զարգացնում են մեր իմունիտետը։ Այդ պատճառով բնակարանը մաքուր պահել, անշուշտ, պետք է, սակայն ախտահանող լուծույթը չարաշահել պետք չէ։