Ինչն է բարձրացնում մանուկ հասակում երեխայի դիմադրողականությունը

18:44 • 03.11.15

Սեզոնային ալերգիան կարող է առաջացնել քոր և արցունքահոսություն, հազ, փռշտոց, հարբուխ և կոկորդի ցավ։ Բայց մանուկ հասակում երեխաներին ալերգիաներին և մանրէներին ընտելացնելը կարող է բարձրացնել իմունիտետը և չափահաս տարիքում պաշտպանել օրգանիզմը վնասակար ալերգիաներից, ցույց է տվել Allergy and Clinical Immunology ամսագրում հրապարակված նոր հետազոտությունը:

Ալերգիայի սկզբնական ազդեցության ժամկետը կարող է մեծ նշանակություն ունենալ, քանի որ երեք տարեկանից ցածր երեխաների 50%-ը տառապում է շնչառական հիվանդություններով, ինչը ամբուլատոր այցելությունների և հոսպիտալացումների հիմնական պատճառն է։ Դրա համար շատ կարևոր է գնահատել ռիսկի գործոնները, որոնք նպաստում են ալերգիկ և շնչառական զգայունության զարգացումներին՝ բուժման նոր մեթոդներ մշակելու համար։ Ջոնս Հոփկինսի հիվանդանոցի մանկական կենտրոնի ալերգիայի և իմունոլոգիայի բաժանմունքի ղեկավար դոկտոր Ռոբերտ Վուդը և իր գործընկերները ասել են, որ ժամանակակից հասարակության մաքրության մոլուցքը խանգարում է իրենց շփվել մանրէների հետ, որը կարող էր նպաստել իմունային համակարգի բնականոն աշխատանքին։

Քաղաքային միջավայրում հիվանդությունների տարածվածության հետ կապված ընդհանուր բնապահպանական գործոնները հետազոտելու համար Ջոնս Հոփկինսի հիվանդանոցի մանկական կենտրոնի և այլ հաստատությունների գիտնականները երեք տարի ուսումնասիրել են Բալթիմորում, Բոսթոնում, Նյու Յորքում և Սենտ Լուիսում ապրող, ասթմայի առաջացման բարձր հավանականություն ունեցող 450 երեխաների շրջանում անցկացված Urban Environment and Childhood Asthma հետազոտության տվյալները։

Բոլոր մասնակիցները բնակվել են մի վայրում, որտեղ բնակիչների 20 տոկոսն ապրում է բավականին հարմարավետ պայմաններում, և նրանց բոլորի կամ հայրիկի կամ մայրիկի մոտ եղել է ռինիտ, էկզեմա կամ ասթմա։ Ամեն տարի չափվել են ալերգենահատուկ իմունոգլոբուլինները կաթի, ձվի, ընկույզի և խավարասերների հանդեպ, իսկ երկու և երեք տարի անց՝ փոշեհատիկների, շների, կատուների, մկների և տարբեր սնկային ալերգիաների հանդեպ։

Արդյունքները ցույց են տվել, որ կյանքի առաջին տարում մկների, կատվի մազի և խավարասերների միջավայրում մեծացած երեխաները 3 տարեկանից հետո ավելի քիչ են հիվանդանում ալերգիայի տարածված հիվանդություններով, քան ալերգիաների ազդեցությանը չընտելացած և չենթարկված երեխաները։

Հետազոտողները ապշել են, որ իրենց կյանքի առաջին օրերից կեղտի, մազերի ու թեփի, մանրէների հետ շփված երեխաները չեն տառապում ասթմայիով և ալերգիաներով. ընդհակառակը, սա անգամ նրանց համար օգտակար է։ «Այս ամենը մեզ հուշում է, որ մեր իմունային շատ պատասխաններ ձևավորվում են հենց մեր կյանքի առաջին իսկ օրերին, իսկ որոշ մանրէներ և ալրեգեններ անգամ կարևոր դեր են խաղում մեր իմունային համակարգը խթանելու և մարզելու գործում»,-ասել է Վուդը, գրում է med.news.am-ը։