Ինչով է վտանգավոր տնային փոշին

Գիտնականները պարզել են, որ տան փոշու մեջ առկա շների և կատուների մաշկի թեփուկները համարվում են ամենաուժեղ ալերգենները: Գիտնականները նշում են, որ 1 տարվա ընթացքում սենյակը չմաքրելու դեպքում, այնտեղ կարող է կուտակվել մոտ 6 կիլոգրամ փոշի:

Որպեսզի կարողանան մարդկաց ազատեն այդ խնդրից, գիտնակաները ստեղծել են թռչող ռոբոտ փոշեկուլներ, որոնք կարող են օրվա ամբող ընթացքում ճախրել սենյակում ու մաքրել այնտեղ կուտակված վնասակար նյութերն ու փոշին: Գիտնականները նշում են, որ աշխարհի փոշու  մոտ 2/3 մասը բնական ծագում ունի:

Իսկ ինչով է վտանգավոր փոշին, եթե այն կանոնավոր կերպով չմաքրել հատակից, կահույքից ու պատերի վրայից:

1. Մաշկի թեփուկներն ու փոշու տիզերն առաջացնում են ալերգիա

Կենցաղային փոշին տան ամենաուժեղ ալերգենն է: Սակայն ալերգիա առաջացնում է ոչ թե վերջինիս առկայությունը, այլ նրա մեջ առկա փոշու տիզերի արտաթորանքը:
Կանոնավոր զգայունացումը (սենսիբիլիզացիան) կարող է հանգեցնել դերմատիտի, պոլլինոզի, ալերգիկ կոնյունկտիվիտի, սննդային  ալերգիայի առաջացման: Ալերգիայի նկատմաբ ժառանգական հակվածությամբ տառապող երեխաների մոտ փոշին  կարող է հանգեցնել ասթմայի առաջացման: Իսկ տանն առկա կենդանիներն այդ խնդիրն ավելի են բարդացնում, քանի որ, ինչպես արդեն նշեցիք, շների ու կատուների մաշկի թեփուկները հանդիսանում են տան փոշու մեջ առկա ամենաուժեղ ալերգենը:

2. Սպորները կարող են դառնալ սնկային հիվանդության առաջացման պատճառ

Փոշու մեջ կան նաև մեծ քանակության սնկային սպորներ: Նրանք կարող են երկար տարիներ շարունակ չորացած վիճակում պահպանել իրենց կենսունակությունը: Սնկային սպորները հիմնականում առաջանում են ցածր իմունիտետի դեպքում: Սթրեսային կամ հիվանդությունից կազդուրվելու շրջանում մարդու մաշկը դառնում է շատ խոցելի: Առհասարակ  երեխայի մաշկի վրա սունկն ավելի արագ է տարածվում քան հասուն մարդու մոտ:

Հեշտոցային կանդիդոզ  մանկահասակ աղջիկների մոտ հիմնականում զարգանում է այն պատճառով, որ հաճախակի հատակից փոշին կարող է հայտնվել նրանց անկողնու մեջ: Իսկ եթե երեխան տանը պտտվում է մերկ, ապա այդ հավանակնությունն ավելի է բարձրանում:

3. Փողոցի աղբը կարող է պարունակել հելմինտների ձվեր

Փոշու մեջ կարող են  երկար ժամանակ պահպանվել նաև հելմինտների ձվեր, որոք կարող են տուն ներթափանցել կոշիկի միջոցով: Իսկ եթե դուք սովորություն չունեք  փողոցից  տուն գալուց հետո կոշիկները խոնավ շորով մաքրել կամ ամեն օր հավաքել սենյակի փոշին, ապա այդ հավանականությունն ավելի է բարձրանում: Այդ հավանականությունը բարձրանում է նաև այն դեպքում, եթե  տանը կա ընտանի կենդանիներ, որոնք կանոնավոր կերպով զբոսնում են դրսում:

4. Դեմքի վրա մնացած մազմզուկների մասնիկները կարող են հանգեցնել պզուկների առաջացման

Փոշուց է կախված նաև այն հանգամանքը, թե ձեր դեմքի վրա ինչքան պզուկներ կան(եթե մաշկը պրոբլեմատիկ է): Հաճախակի փոշու մասնիկները հաստատվում են դեմքի վրա ու միախառնվում են մաշկի յուղի հետ, որի արդյունքում էլ մաշկն ավելի շատ է կեղտոտվում: Այն կարող է նաև գրգռել մաշկը, որի հետևանքով էլ մարդը  սկսում է ավելի հաճախակի ձեռքերով դիպչել դեմքին` ճակատը կամ քիթը քորելու համար, որի արդյունքում էլ քթանցքներ է փոխանցում ինֆեկցիան:

5. Ինֆեկցիայի հարուցիչները կարող են առաջացնել աղիքային հիվանդություններ

Աղիքային ինֆեկցիաների որոշ հարուցիչներ, օրինակ սալմոնելի հարուցիչները կարող են  տան փոշու մեջ ապրել երկար ժամանակ: Այդ հարուցիչները հատկապես շատ վտանգավոր են երեխաների համար, քանի որ երեխաները խաղալիքները կարող ենք գցել հատակին, որից հետո այն վերցնել ու տանել իրենց բերանը: Եթե այնուամենայնիվ տանը աղիքային հիվանդությամբ տառապողներ կան, այդ դեպքում խորհուրդ է տրվում հատակը 2 օրը մեկ  լվանալ քլորակրի լուծույթով:

Աղբյուրը՝ med2.ru