5 խորհուրդ անքնությունից ազատվելու համար

Շատերը տառապում են քնի պակասից  կամ  անքնությունից: Իսկ առողջ քունը հանդիսանում է այն հիմնական բաղադրիչներից մեկը, որն ազդում է մարդու առողջության, ինքնազգացողության ու արտաքին տեսքի վրա:

Ինչպես ազատվել անքնությունից:

Այսօր այդ թեման բավակին ակտուալ է: Շատերին է հետաքրքրում, թե ինչպես կարելի է ազատվել անքնությունից, ինչն է ազդում քնի վրա և ինչպես կարելի է բարելավել վերջինիս որակը:

Վերջերս գիտնականները պարզել են, որ անգամ մեկ անքուն գիշերը շատ վտանգավոր է մարդու առողջության համար: Պարզվում է, որ  այն կարող է տարբեր տեսակի առողջական խնդիրների, այդ թվում նաև շաքարային դիաբետի առաջացման պատճառ դառնալ: Այդ պատճառով էլ հարկավոր է պայքարել անքնության դեմ:

Մասնագետները առաջարկում են հետևել հետևյալ պարզ կանոներին, որոնք կօգնեն ձեռք բերել առողջ, խոր  ու լիարժեք քուն:

1.Խուսափեք ուշ ժամին սնվելուց

Ուշ ընթրելը(19.00-ից հետո) կարող ե դառնալ անքնության պատճառ: Հատկապես վնասակար է այդ ժամին շատ ուտելը: Նման դեպքում օրգանիզմը չի կարողանում հանգստանալ, քանի որ մարսողական  համակարգն ու լյարդը շարունակում են ակտիվ աշխատել գիշերվա ընթացքում: Իսկ ինչպես գիտենք, գիշերվա ընթացքում ենթաստամոքսային գեղձի ֆերմենտներն ու մաղձն արդյունավետ կերպով չեն արտազատվում, որի արդյունքում էլ օգտագործված մթերքը օրգանիզմին միայն վնաս է պատճառում:

Ւնչ անել

Եթե ամեն դեպքում քաղցի զգացողությունը թույլ չի տալիս  ձեզ քնել, կարող եք խմել 1 բաժակ կեֆիր 1 գդալ բնական մեղրի հետ:

2. Հրաժարվեք սուրճից

Եթե ձեզ մոտ քնի հետ կապված խնդիրներ կան, այդ դեպքում ցանկալի է օրվա 2-րդ կեսից հետո  հրաժարվեք  թունդ թեյից, սուրճից և առհասարակ առույգացնող ըմպելիքներից: Նման ըմպելիքները  բարձրացնում են նյարդային համակարգի տոնուսն ու թույլ չեն տալիս քնել: Իսկ քնելու դեպքում էլ քունը լինում է բավականին կարճ ու մակերեսային:

Ինչ անել

Այդ պատճառով խորհուրդ է տրվում օրվա ընթացքում  չօգտագործել էներգետիկ ըմպելիքներ, այլ խմել հյութեր,  խոտաբույսերով թեյեր և սովորական ջուր:

3. Մի լարվեք քնելուց առաջ

Քնելուց 2-ից 3 ժամ առաջ  դադարեք  ֆիզիկական ծանր գործեր կատարել, մի նյարդայնացեք ու ներշնչեք: Քնելուց առաջ մի դիտեք սրտաճմլիկ դրամաներ,  դա կարող է վատ անդրադառնալ նյարդային համակարգի վրա:

Ինչ անել

Քնելուց առաջ ցանկալի է զբաղվել պասիվ գործունեությամբ. կարող եք օդափոխել նջասենյակը, լոգանք ընդունել ու տմադրվել քնելուն: Դա թույլ կտա  ձեր օրգանիզմին  ու ուղեղին թուլանալ  ու հանգիստ  քնել:

4. Աշխատեք թուլանալ

Հաճախակի լիարժեք չթուլանալու հնարավորությունը թույլ չի տալիս մեզ քնել:Աշխատանքային խնդիրները, լարվածությունը և մի շարք այլ մտահոգիչ մտքեր թույլ չեն տալիս մեզ թուլանալ, իսկ եթե օրգանիզմը լարված է, ուրեմն  ուղեղը ևս  լարված է, որի արդյունքում էլ և  բնականաբար առաջանում է անքնություն:

Ինչ անել

Փորձեք ամեն կերպ ձեր ուշադրությունը կենտրոնացնել մկանների թուլացման վրա(հերթականությամբ, սկսել դեմքի մկաններից ու շարունակել): Շնչեք խորը ու հավասար, մաքսիմալ կերպով ձգելով շնչելն ու արտաշնչելը: Եթե ամեն ինչ  ճիշտ կատարեք,  կկարողանաք շատ շուտ թուլանալ ու քնել խոր ու հանգիստ քնով:

5. Ընդունեք բուսական դեղամիջոցներ

Բուսական դեղամիջոցները շատ լավ հանգստացնում են, կարգավորում ու ազատում են սթրեսից: Շատ օգտակար են նաև տարբեր տեսակի բուսական խառնուրդները, թուրմերն ու դեղաբույսերով  եփուկները:

Աղբյուրը՝   healthinfo.ua