Մանկական «արգելված սնունդ». ինչու երեխաներին չի կարելի սունկ ու շոկոլադ

Երեխաները սիրում են ֆասթ-ֆուդ, սառնաշաքար, չիպսեր, գազավորված ընպելիքներ, և պատահում է, որ ծնողները չեն կարողանում մերժել նրանց ու  գնում են նրանց իրենց սիրելի քաղցրավենիքը: Սակայն բժիշկները խորհուրդ են տալիս դա չանել, քանի որ այդ կերպ նրանց մոտ ձևավորվում է սխալ  սննդային վարքագիծ:

АиФ.ru-ն ներկայացրել է, թե ինչպես է հարկավոր ճիշտ  կազմակերպել երեխայի սննդակարգն ու  ինչի կարող են հանգեցնել այդ վնասակար սովորությունները:

Յուրաքանչյուր տարիքի երեխայի սննդակարգը պետք է լինի առողջ ու համակարգված: Դա նշանակում է, որ նրանում պետք է ընդգրկված լինեն օպտիմալ ընտրված սպիտակուցներ, ճարպեր, ածխաջրեր, միկրոէլեմենտներ ու վիտամիններ: Եթե երեխան չի ստանում այդ միկրոէլեմենտներից որևէ մեկը, ապա բարձրանում է հավանականությունը որ կարող է  խախտվել յուրացման շղթա, իսկ դա հանգեցնում է  ընդհանուր զարգացման  խանգարման ու  առողջության հետ կապված խնդիրների առաջացման՝ քաշի կորստի,  ինքնազգոցողության ու ամբողջ օրգանիզմի վիճակի վատացման:

Մասնագետները նշում են, որ  ցանկացած տարիքի երեխայի սննդակարգը պետք է բազմազան լինի: Այն պետք է ընդգրկի շիլաներ, արգանակներ, միս, ձուկ, ձու, կաթնամթերքներ, կաթնաշոռ, կեֆիր, բանջարեղեններ ու մրգեր:

Սակայն ներկայումս ծնողները անտեսում են այդ հանգամանքն ու երեխաներին կերակրրում են կիսաֆաբրիկատներով և ֆասթ-ֆուդով:

Մասնագետները կազմել են ամբողջական մի ցուցակ, որտեղ ընդգրկված են «արգելված» մթերքները, որոնք ոչ մի դեպքում չի կարելի երեխաներին տալ, քանի որ դրանք կարող են փչացնել նրանց առողջությունը:

1.Յուղոտ ու ապխտած

Յուղոտ, ապխտած, տապակած, մարինացված, կծու ու աղի ճաշատեսակները, որոնք հանդիսանում են դասական վնասակար մթերքներ անգամ մեծահասակների համար,  կտրականապես հակացուցված են բոլոր տարիքի երեխաների համար: Նման սնունդը համեղ է, սակայն նրանց մեջ այդ համի ձեռքբերման համար ավելացվում են տարբեր տեսակի հավելումներ, որոնք շատ հաճախ դառնում են քաղցկեղածին ուռուցքների առաջացման պատճառ: Բացի այդ, փոքրիկների ստամոքսն ու ենթաստամոքսային գեղձը  շատ զգայուն է և այն այդպես պահպանվում է մինչև 5 տարեկանը, ինչը նշանակում է, որ նրանց համար շատ դժվար է հաղթահարել այդ ծանրությունը: Նման սննդի օգտագործման հետևանքով երեխայի ստամոքսում առաջանում են ցավեր, առաջանում են խնդիրներ լեղունիների ու լյարդի հետ:

2. Արագ սնունդ

Այն որ ֆասթ-ֆուդը շատ վնասակար է երեխաների համար, գիտեն բոլոր ծնողները, սակայն ծնողները շարունակում են թույլ տալ երեխաներին համտեսել այդ ամենը: Համբուրգերները, սենդվիչները սառը ուտեստներ են, որոնք երեխայի համար վնասակար են, քանի որ նրանց պատրաստման մեջ օգտագործվում են յուղի մեջ տապակած միս, առկա են կասկածելի սոուսներ, ինչպես նաև սոյա, որը չի կարող երեխայի սննդակարգի մեջ փոխարինել բնական մսին: Բացի այդ, գիտնականները պարզել են, որ նման սննդի հետ օրգանիզմ են ներթափանցում ֆտալատներ(քիմիական միացությունների հավաքածու, որոնք օգտագործվում են փաթեթների պատրաստման համար), որոնք առաջացնում են շոշափելի փոփոխություններ էնդոկրին համակարգի աշխատանքում: Նման սննդի օգտգործումը կարող է հանգեցնել նաև երեխայի մոտ ընտելացման և նա արդեն սկսում է հրաժարվել առողջ սննդից՝ մրգերից, բանջարեղեններից և  օգտագործում է  վնասակար սնունդ:

Մանկաբույժները կտրականապես արգելում են ֆասթ-ֆուդի ներառումը մինչև 5 տարեկան երեխաների սննդակարգի մեջ: Միայն առողջ երեխաներին կարելի է 3 ամիսը 1 անգամ օգտագործել նման սնունդ:

3. Նրբերշիկներ ու երշիկներ

Մանկական սննդի մեջ չի կարելի օգտագործել այնպիսի մսային կիսաֆաբրիկատներ, ինչպիսիք են նրբերշիկներն ու երշիկները:  Դա պայմանավորված է նրանով, որ նման մթերքների մեջ բավականին քիչ  են բանկան բաղադրիչները, սակայն դրա փոխարեն բավականին շատ են կոնսերվատները, գունանյութերն ու մի շարք այլ սինթետիկ հավելումներ, որոնք երկարացնում են սննդի պահպանման ժամկետն ու  պարունակում են մարդու ստամոքսը ախտահարող ու քաղցկեղածին հատկություններ պարունակող նյութեր: Այժմ մասնագետների կողմից մշակվել ու արտադրվում են  հատուկ երեխաների համար նրբերշիկներ, որոնք ավելի շատ միս են պարունակում և վնասակար նյութերի քանակությունը ավելի քիչ է:

4. Սնկեր

Սնկերը, հատկապես  ինքնուրույն հավաքած, խորհուրդ չի տրվում ընդգրկել մինչև 10 տարեկան  երեխաների սննդակարգում, քանի որ սնկերի պարագայում միշտ բավականին բարձր է թունավորման հավանակնությունը: Հասուն մարդու օրգանիզմը նման տոքսինների  դեմ կարող է պայքարել, իսկ ահա երեխայի օրգանիզմին այդ տոքսինների դեմ պայքարելու ուժեր ու միջոցներ չունի: Նման միջոցների օգտագործման դեպքում երեխաների մոտ լավագույն դեպքում կարող են առաջանալ ստամոքսի ցավեր ու գազեր:

5. Շոկոլադ

Երեխայի սննդակարգում հարկավոր է սահմանափակել նաև քաղցրավենիքի օգտագործումը: Կոնֆետները, տորթերը, թխվածքաբլիթները և նմանատիպ մի շարք այլ քաղցրավենիքներ կարող են հանգեցնել ալերգիայի, ատամների էմալի քայքայման, ենթաստամոքսային գեղձի ծանրաբեռման և այլն: Բացի այդ, մի շարք մթերքներ պարունակում են հավելումներ՝ գունանյութեր, կոնսերվատներ, համի ուժեղացուցիչներ: Այդ պատճառով ծնողները պետք է աշխատեն գտնել փոխարինող միջոցներ: Համարվում է, որ դառը շոկոլադը չի պարունակում հավելումներ, կամ որ գոյություն ունեն առանց շաքարի բնական մարմելադներ,  բնական հյութից սառնաշաքարներ ևայլն:

6. Գազավորված ըմպելիքներ

Երեխաների սննդակարգից հարկավոր է բացառել նաև գազավորված քաղցր ըմպելիքներն ու փաթեթավորված հյութերը: 1 բաժակ գազավորված ըմպելիքը պարունակում է  նվազագույնը 5 կտոր շաքար: Փաթեթավորված հյութերի մեջ բացի շաքարից առկա են նաև կոնսերվանտներ: Իսկ դա կարող է առաջացնել երեխաների ենթաստամոքսային գեղձի ավելորդ ծանրաբեռնվածություն: Ցանկալի է ընտրել այնպիսի մանկական հյութեր, որոնց մեջ շաքարի քանկություն  ու տարբեր տեսակի հավելումների քանակությունը բավականին ցածր է: Ինչպես նաև, որպես փոխարինող միջոց, ընտրել տանը պատրաստվող հյութերն ու կոմպոտները:

Երեխաներին խորհուրդ է տրվում սովորեցնել առողջ սննդակարգի 1 տարեկանից սկսած, երբ նրանք արդեն բոլորի հետ միասին սեղան են նստում: Ընդ որում, դա հարկավոր է անել ամբողջ ընտանիքով, որպեսզի նա տեսնի ճիշտ օրինակ:  Ըստ նորմայի, երեխայի սննդակարգը պետք է լինի 4-անգամյա:

Իսկ եթե երեխայի մոտ առաջանում են աղեստամոքսային տրակտի որևէ խնդիրներ կամ առաջանում եմ ճարպակալման հետքեր, ապա հարկավոր է դիմել մանկաբույժի: Այդ դեպքում կնշանակվի համապատասխան դիետա կամ կառաջարկվի քաշի կարգավորման  այլ տարբերակներ: