Ապագա մայրիկի 11 «ընկերները»

17:02 • 27.04.16

Անգամ եթե ապագա մայրիկները ընդունում են վիտամիններ, հանքանյութեր ու հղիների համար նախատեսված մուլտիվիտամիննային կոմպլեքսներ, նրանք շարունակում են անհանգստանալ, թե արդյոք բավարար է նրանց սննդակարգում օգտակար նյութերը:

Այս 11 մթերքները կօգնեն ապագա մայրերին և նրանց երեխաների համլրել առողջության համար բոլոր անհրաժեշտ պաշարները: Դա հատկապես օգտակար կլինի այն մայրերին, ովքեր աչքի չեն ընկնում լավ ախորժակով:

1. Ավոկադու

Ավոկադոն հանդիսանաում է ֆոլաթթվի (պտուղի ուղեղի ու նյարադային համակարգի զարգացման համար կարևորագույն նյութ), կալիումի, վիտամին С և B6(որոնք օգտկար են ոչ միայն երեխայի համար, այլ նաև մարդկանց մոտ առավոտյան առաջացած տկարության համար) հիանալի աղբյուր, որը նաև շատ համեղ է: Ավոկադոյի փափկամիսը կարող եք քսել սենդվիչի վրա` մայոնեզի փոխարեն: Այն շատ յուղոտ ու կալորիականությամբ հարուստ մթերք է, ինչը նշանակում է, որ այն կարող է հանդիսանալ սննդակարգի հիանալի լրացում:

2. Բրոկկոլի

Այս կանաչ բանջարեղենը հարուստ է վիտամին A-ով ու C-ով, կալցիումով (օգնում է կառուցել երեխաների ոսկորները)ու ֆոլաթթվով: Բրոկկոլին կարող եք ավելացնել հավի մսից պատրաստվող ճաշատեսակների, մակարոնների ու ռագուի մեջ:

3. Գազար

Գազարը հանդիսանում է վիտամին А-ի աղբյուր, որը շատ կարևոր է ոսկուրների ձևավորման, աչքերի ու պտղի ատամների ձևավորման նախապատրաստման համար: Գազարը հնարավոր է համատեղել ցանկացած ճաշատեսակի հետ, լինի դա աղցան թե արգանակ:

4. Ձու

Ձուն հարուստ է սպիտակուցներով ու աչքի չի ընկնում շատ բարձր կալորիականությամբ: Այն հասանելի է այժմ նաև կատարելագործված բաղադրությամբ՝ հարստացված օգտակար DHA թթուներով, օմեգա 3 ճարպաթթուներով, որոնք անփոխարինելի են պտղի աչքերի ու ուղեղի զարգացման համար: Նման ձուն լիովին անվնաս է և սովորական ձվից համային որակով չի տարբերվում:

5. Կանաչ պատիճավոր լոբի

Կանաչ պատիճավոր սոյայի լոբին ունի շատ հաճելի համ: Այն հագեցած է սպիտակուցներով, կալցիումով, ֆոլաթթվով, А ու В վիտամիններով: Այն, ի տարբերություն մյուս լոբիների, չի առաջացնում ուժեղ գազակուտակում: Այնպես, որ այն կարող եք հանգիստ օգտագործել:

6. Ոսպ

Ոսպը հարուստ է ֆոլաթթվով, սպիտակուցներով, В6 վիտամինով ու երկաթով:Այն հանդիսանում է այն մթերքներից, որ շատ արագ ձեռք է բերում նրա հետ միասին պատրաստվող մթերքների ու համեմունքների համն ու բույրը:

7. Մանգո

Մանգոն պարունակում է ավելի շատ վիտամին А ու С, քան կանաչ բանջարեղենները: Այս արևադարձային միրգը պարունակում է մեծ քանակությամբ կալիոuմ: Այն կարող եք օգտագործել ինչպես կոկտեյլների, այնպես էլ սոուսների մեջ:

8. Ընկույզներ

Ընկույզները հարուստ են հանքանյութերով(պղինձ, մանգան, մագնեզիում, սելեն, ցինկ, կալիում, կալցիում) և վիտամին Е-ով: Այն պարունակում է նաև մեծ քանակությամբ «օգտակար» ճարպեր:

9. Վարսակ

Վարսակը պարունակում է մեծ քանակությամբ բջջանյութ, В խմբի վիտամիններ, երկաթ և մի շարք այլ հանքանյութեր:

10. Կարմիր բուլղարական պղպեղ

Այն հանդիսանում է վիտամին А-ի (չի զիջում գազարին) ու С-ի (գերազանցում է կիտրոնին ու սև հաղարջին)հիանալի աղբյուր:Այն կարող եք ուտել ինչպես թարմ վիճակում, այնպես էլ ավելացնել ճաշատեսակների մեջ:

11. Սպանախ

Սպանախը հարուստ է ֆոլաթթվով, երկաթով, վիտամին А-ով ու կալցիումով: Այն կարող եք ուտել նաև հում վիճակում:

Իհարկե սա օգտակար մթերքների ոչ լիարժեք ցուցակն է ապագա մայրերի համար: Նրանց խորհուրդ է տրվում օգտագործել նաև համեմունքներ ու շիլաներ, քաղցր կարտոֆիլ, նարիջ, կիվի, և այլն:

Աղբյուրը՝ zdorovie.com