Գիտնականները նշել են հայրության ամենաօպտիմալ տարիքը

Ջորջթաունի համալսարանի մասնագետները կարծում են, որ երեխայի ծնունդի համար կարևոր է ոչ միայն մոր, այլ նաև հոր տարիքը:  Այդ պատճառով շատ կարոև է, որպեսզի տղամարդը  հասցնի հայր դառնալ մինչև որոշակի տարիքը:

Գիտնականները  ուսումնասիրել են երեխաների առողջությունն ու հայրերի տարիքը, երբ երեխան բողմնավորվել է: Համաձայն ստացված տվյալների, երեխաները, ում հայրերը նրանց բեղմնավորել են ուշ տարիքում, այսինքն երբ նրանք  40 տարեկանից մեծ են եղել,  6 անգամ ավելի շատ են  տառապել աուտիզմով, համեմատած այն երեխաների, ում հայրերը ավելի փոքր են եղել:

Նաև պարզվել է, որ հոր տարիքը փոխկապակցված է  սերունդի մոտ շիզոֆրենիայի  բարձր մակարդակի ու բնածին դեֆեկտների հետ:

Հոր հոգեէմոցիոնալ  խախտումներն ու սթրեսը կապված են երեխաների մոտ վարքագծային պահվածքի դեֆեկտների հետ:

Իսկ ապագա հայրիկի կողմից ալկոհոլի օգտագործումը հանգեցնում է  նորածնի մոտ քաշի իջեցման: Մասնագետները նշել են նաև, որ նկատվել է երեխաների մոտ ընդհանուր ուղեղի չափերի  նվազում ու  կոնգիտիվ գործառույթների խանգարում, անգամ այն դեպքում, եթե մայրն առհասարակ չի օգտագործել ալկոհոլային ըմպելիքներ:

Հետազոտողները հայտարարել են,  որ պտղի ալկոհոլային սինդրոմի ախտորոշումով երեխաների 75 % -ը  ուժեղ սեռի ներկայացուցիչների կողմից բեղմնավորվել են  ալկոհոլի ազդեցության տակ:

Պարզվել  է նաև, որ հոր  ճարպակալումը կապված է երեխայի  մոտ ճարպակալման, նյութափոխանակության խանգարման, ուղեղի քաղցկեղի զարգացման  ռիսկի հետ:
Եվ հակառակը, խելամիտ, առողջ սնունդը համեմատաբար երիտասարդ տարիքում (մինչև 40 տարեկան) կապ ունի երեխաների ու թոռների մոտ սրտանոթային պատճառներով մահվան ռիսկի նվազման հետ։

Բոլորը լավ գիտեն, որ ապագա մայրիկի սննդակարգը, հորմոնալ ու հոգեկան վիճակը, զգալիորեն ազդում է ապագա երեխայի առողջության վրա, սակայն ինչպես նշում են հետազոտության  ղեկավարները, իրենց հետազոտության արդյունքները ցույց են տվել, որ այդ նույն  գործոնները վերաբերվում են նաև ապագա հայրերին: Նրանց կենսակերպը, տարիքը, սննդակարգը հետագայում ազդում է այն մոլեկուլների վրա, որոնք կառավարում են գեների  ֆունկցաները:

Բացի այդ մասնագետները ուշադրություն են դարձրել նաև այն փաստի վրա, որ ուշ բեղմնավորման հետևանքները կարող է  փոխանցվել անգամ սերնդե սերունդ: Այդ պատճառով տարեց հայրերը հանդիսանում են սպառնալիք ոչ միայն իրենց երեխաների, այլ նաև թոռների համար:

Կարևոր է

41  տարեկանից հետո, յուրաքանչյուր տարվա հետ ուժեղ սեռի մոտ սպերմատոզոիդների «որակը» 7%-ով իջնում է: 45- ից հետո այդ տոկոսը մեծանում է:

Գոյություն ունի նաև ևս մեկ բավականին լուրջ  փաստարկ:  Արտամարմնային բեղմնավորման  գնացող տղամարդու միջին տարիքը 41 է: Իսկ այն տղամարդկանց միջին տարիքը, ովքեր այդ ճանապարհով չեն կարողացել դառնալ հայր՝ կազմել է 45-ը: 41 տարեկանում հայր դառնալու հնարավորությունները կազմում են 60%, իսկ 45 տարեկանում այն իջնում է մինչև 35%-ի:

Ավելի վաղ, Ցյուրիխի համալսարանի գիտնականները որոշել էին   կնոջ համար հղիանալու օպտիմալ տարիքը: Ըստ նրանց երեխա ունենալու ամենալավ տարիքը 25- 35 տարեկանն է, ծայրահեղ դեպքում մինչև 40-ը: Մասնագետները բացատրել են, որ 25 տարեկանում, կանանց մոտ, ի տարբերություն տղամարդկանց, ձևավորվում է լայն կոնքեր: Գիտնականները կարծում են, որ դա կապված է բնության ու հորմոնների հետ, ինչը վկայում է որ երեխա ունենալու ժամանակն է:

Մոտավորապես 30 տարեկանից սկսած, կոնքերի լայնացումը լիովին դադարում է: Իսկ 40- 45 տարեկանում ոսկորները նորից սկսում են փոփոխվել և դառնում են ավելի տղամարդկանց ոսկորներին նման, այսինքն աստիճանաբար փոքրանում են  ծննդաբերական  ուղղիները:

Աղբյուր՝ gogetnews.info