Գիտնականները  նշել են այն ժամնակահատվածը, երբ մարդիկ առավել շատ են մահանում ինֆարկտից

ԱՄՆ-ի կլինիկաներում ու հիվանդանոցներում կարդիոլոգիական  բազայի բազմամյա տվյալների համեմատության արդյունքում պարզվել է, որ այն մարդկանց մոտ, ովքեր սրտի նոպա են ունեցել  նոր տարվա տոների ու նախատոնական իրարանցումների շրջանում, ավելի բարձր է  մահվան հավանականությունը,  համեմատած այն մարդկանց, ովքեր ինֆարկտ են ստացել տարվա  այլ ժամանկահատվածում:

Արդյունքում բժիշկները հայտարարել են, որ դեկտեմբեր ամիսը սրտային հիվանդների համար ամենավտանգավոր ամիսն է: Հետազոտողները փորձել են հասկանալ, թե ինչու է հենց այս շրջանում ամենաբարձր ռիսկը: Արդյունքում նրանք նշել են հետևյալ պատճառները՝

·       Ձմռան շրջանում, ցուրտ եղանակը ազդում է սրտայիների ինքանզգացողության վրա

·       Տոնական օրերին կրճատվում է հիվանդանոցի սպասարկող անձնակազմն և մնացած բժիշկները չեն հասցնում բոլոր հիվանդներին օգնել

·       Բացի այդ, ավելանում է  դեպրեսիայի ու էմոցիոնալ սթրեսի արտահայտման քանակությունը, իսկ դրանք  ինֆարկտի հարցում կարևոր գործոններ են

·       Ձմռանը մարդիկ ավելի շատ են օգտագործում յուղոտ  սնունդ ու ալկոհոլ

·       Մեգապոլիսներում տոներից առաջ մեծանում է ավտոշարասյուներն ու առաջանում են բավականին երկար խցանումներ, որոնց պատճառով էլ շտապ օգնությունը հաճախակի  չի կարողանում ժամանակին հասնել հիվանդին:

Եվ սա միայն այդ պատճառների նվազագույն թիվն է, չանայած առաջին 2 գործոնները՝ ցրտերն ու  հիվանդանոցի անձնակազմի կրճատումն այդքան էական չէ, համեմատած օրինակ վնասակար սննդի հետ:

Այդ ամենի ապացույցը հանդիսանում է այն, որ տոնական օրերին  սրտի նոպայից մահվան բարձր ցուցանիշներ առկա են նաև  հարավային, ավելի տաք երկրներում:

Առավել ակնհայտ պատճառներից է հանդիսանում տոների ժամանակ դեպրեսիան: Այն առավել շատ հանդիպում է միայնակ տարեց մարդկանց մոտ: Նրանց մոտ ընտանեկան տոները, ինչպես օրինակ Նոր տարին, հաճախակի առաջացնում է կորստի զգացողություն:

Իսկ ինչ վերաբերվում է սննդակարգին, ձմեռային ուտեստները, որպես կանոն, ավելի յուղոտ ու ճարպոտ են և ավելի հարուստ են հագեցած ճարպերի մեծ քանակությամբ, որի հետևանքով էլ առաջացնում են անոթների խցանում, որոնք էլ և հանգեցնում են ինֆարկտի ու կաթվածի(ինսուլտ):

Իսկ  աղի մեծ պարունակությամբ սննդի չարաշահումը վնասակար է հիպերտոնիայով և սրտային անբավարարությամբ տառապող մարդկանց համար:

Բացի այդ գոյություն ունի նաև  «երջանիկ սրտի» համախտանիշ հասկացություն: Երբ ինֆարկտի առաջացման պատճառը դառնում  է ուրախալի իրադարձությունը, օրինակ Նոր տարվա տոնական խնջույքը և մի շարք այլ միջոցառումներ:

Բացի այդ, բժշկության մեջ գոյություն ունի նաև «անախտանիշ ինֆարկտ» կամ «աննկատ ինֆարկտ» հասկացություն: Դա նոպայի մի տեսակ է, որը ընթանում է առանց որևէ ախտանշանի կամ ունենում է այնքան չնչին դրսևորում, որ հիվանդը կարծում է, որ դա կարող է լինել հոգնածության, եղանակի ազդեցության հետևանք:

Վերջինիս հիմնական վտանգավորությունը կայանում է նրանում, որ հիվանդը տեղյակ չի լինում իր հիվանդության մասին և հետևաբար  չի ստանում համապատասխան բուժում: Իսկ նշված իրավիճակում բուժումն անհրաժեշտություն է, որովհետև   այն կարող է  օգնել կանխել ինֆարկտի առաջացումը: Բացի այդ,  «լուռ  ինֆարկտ» տարած մարդկանց սրտի մկանների վնասվածքները ավելի են զարգանում, քանի որ այդ խնդիրը չի  հայտնաբերվում ու չի բուժվում:


Տղամարդկանց մոտ ինֆարկտի այդ տեսակն ավելի հաճախակի է հանդիպում, իսկ կանաց մոտ «անախտանիշ ինֆարկտը» հաճախակի լինում է մահացու:

Այդ նույնը վերաբերվում է նաև մինի կաթվածին(ինսուլտ): Հաճախակի նոպայի կարճատևության պատճառով մարդիկ չեն էլ հասկանում, թե ինչ է կատարվում և իրենց  ինքանզգացողության վատացումը վերագրում են բարձր ճնշմանը կամ վատ եղանակին, և նորից վերադառնում  իրենց առօրյա գործերին:

Այնուամենայնիվ, դա  ապագայում կաթվածի (ինսուլտ) մասին  բավականին լուրջ նախազգուշացնող քայլ է (սովորաբար այն տեղի է ունենում 1-ին ճգնաժամից հետո 1 տարվա ընթացքում), այդ պատճառով էլ այն պահանջում է անհետաձգելի բժշկական օգնություն, ճիշտ այնպես ինչպես որ ինֆարկտի դեպքում:

Աղբյուրը՝ gogetnews.info