Ինչպես բանանի օգնությամբ պաշտպանվել քաղցկեղից.  համեղ  ու օգտակար բաղադրատոմսեր

Ճապոնացի գիտնականների հետազոտության համաձայն, մգացած կեղևով հասունացած  կամ դեղին կեղևով  ու սև կետիկներով բանանն  ակտիվացնում է իմունային համակարգի պաշտպանիչ բջիջները: Խոսքը վերաբերվում է նետրոֆիլներին ու մակրոֆագերին, որոնք պատասխանատու են   հակաբորբոքային (ուռուցքի նեկրոզի  գործոն-ալֆա) սպիտակուցի արտազատման համար, որն էլ և օգնում է պայքարել քաղցկեղի դեմ:

Բոլորին էլ հայտնի է, որ այս  միրգը դրական ազդեցություն է թողնում մեր օրգանիզմի վրա  ու ճարպեր գրեթե չի պարունակում:

Այդ պատճառով, մասնագետները խորհուրդ են տալիս ամեն օր սննդակարգում օգտագործել բանան, սակայն միաժամանակ խորհուրդ չի տրվում բանանը չարաշհել այն մարդկանց, ովքեր ունեն երիկամների հետ կապված խնդիրներ, քանի որ  այն պարունակում է մեծ քանակությամբ կալիում:

Բանանաը շատ սնուցող միրգ է: Այդ պատճառով, բանանը հաճախակի օգտագործվում  է որպես մարզիկների համար պատրաստվող էներգետիկ ըմպելիքների հումք: Անհրաժեշտության դեպքում բանանով հնարավոր է նաև շատ արագ հագեցնել քաղցը:

Կալիումը ևս կարևոր տարր է, որը հնարավոր է  ստանալ բանանից: Այն պայքարում է օրգանիզմում աղի բացասական ազդեցության դեմ, ինչի պատճառով հատկապես հասունացած բանանը շատ կարևոր է հիպերտոնիայով տառապող մարդկանց համար:

Բանանը նաև պարունակումէ  վիտամին A, C ու K, ցինկ, կալցիում, նատրիում, երկաթ ու մի շարք այլ հանքանյութեր:

Հարկավոր է  հիշել, որ հասունացած բանանը զգալիորեն բարձրացնում է  արյան մեջ շաքարի մակարդակը, ինչի պատճառով այն խորհուրդ չի տրվում օգտագործել դիաբետիկներին:

Քաղցկեղածին հիվանդությունների  նախազգուշացում

Համաձայն ճապոնացի գիտականների, քաղցկեղը կանխելու համար հարկավոր է ընտրել միայն մգացած կամ հասունացած ու սև կետիկներով բանան: Հասունացած մրգերը  խթանում են օրգանիզմում (ուռուցքի նեկրոզի ալֆա գործոն) սպիտակուցների բարձր պարունակությամբ բջիջների արտազատում, որոնք, ինչպես արդեն նշեցինք,  հանդիսանում են քաղցկեղածին հիվանդությունների դեմ պայքարող հզոր  բջիջներ: Այդ պրոցեսը   բարձրացնում է  քաղցկեղածին բջիջների դեմ պայքարելու իմունային համակարգի ունակությունները: Ապացուցված է,  որ  ինչքան շատ  է հասունացած բանանը, այնքան ավելի շատ է այն պարունակում ալկալային նյութեր, այսինքն բնական նյութեր, որոնք ակտիվացնում են արյան սպիտակ գնդիկների ազդեցությունը(լեյկոցիտներ), ինչը տեղի չի ունենում չհասունացած մրգերի օգտագործման դեպքում:

Եթե դուք չեք սիրում թարմ բանան, կարող եք այն փոխարինել բանանով պատրաստվող աղանդերներով կամ կոկտեյլով(այն պահպանում է իր օգտակար հատկությունները անգամ նման տեսքով):

Ձեզ ենք ներկայացնում  բանանով մի քանի պարզ բաղադրատոմսեր

1.  Բանանով ու ընկույզով տորթ

Այս ցածր կալորիականությամբ աղանդերը, կհաղորդի ձեզ էներգիա ու օրգանիզմի վրա կթողնի վերոներկայացված բուժիչ ազդեցությունը:

Բաղադրիչները՝

125 գրամ հաց առանց հացակեղևի
500 մլ անյուղ կաթ
4 ձու
2 հասած բանան
8 ընկուզեղեն (ցանկալի է պնդուկ)
5 գրամ սերուցքային կարագ

Պատրաստման եղանակը`

Տորթի կաղապարի վրա քսեք սերուցքային կարագ: Տարայի մեջ  մանրացրեք հացն ու վրան ավելացրեք կաթը, ապա լցրեք ձուն ու խառնեք ամբողջ խառնուրդն այնքն ժամանակ, մինչև որ ստացվի համասեռ խմոր, թողեք այն հագստանա 10 րոպե: Շերտերով կտրատեք բանանն ու շարեք այն կաղապարի մեջ, վրան լցրեք խմորն ու աղացած ընկուզեղենը: Այնուհետև այն թխեք 180 ºC տաքացած ջեռոցում՝ 25-30 րոպե:

2. Բանանով պաղպաղակ

Բաղադրիչները՝

4 հատ հասունացած բանան
250 մլ սերուցք
1/2կիտրոն
հալեցրած շոկոլադ (ցանկալի է այն պարունակի 90% կակաո)

Պատրաստման եղանակը՝

Օգտագործեք խմորեղենի հարիչ ու պատրաստեք  մաքրած բանանով ու կիտրոնի հյութի հավելմաբ խյուս: Աստիճանաբար խյուսի մեջ լցրեք արդեն կիսով չափ հարած սերուցքը: Արդյունքում պետք է  ստացվի քսուքանման զանգված:

Լցրեք ստացված խառնուրդը փոքր տարանների մեջ ու դրեք սառնարանում: Մատուցելուց առաջ վրան ավելացրեք հալեցրած շոկոլադը:

Աղբյուրը՝  budetezdorovy.ru