Ինչու է երեխաներին կարևոր ու անհրաժեշտ կարդալ հեքիաթներ

Ինչու են հեքիաթները հանդիսանում մանկական գրականության անփոխարինելի ձևաչափ և ինչպես են դրանք ընկալում երեխաները:

Եվ տատիկները և ծնողները երեխաների համար կարդում են հեքիաթներ և բացի այդ երեխաներին ավելի շատ դուր են գալիս հեքիաթային պատկերացումները: Ավելին, նրանց բոլորի մանկությունը ուղեկցում են հեքիաթային հերոսները:

«Կլեվեր» հրատարակչության փորձագետները ներկայացրել են, թե ինչու է երեխայի համար կարևոր կարդալ հենց հեքիաթներ և ինչու այդ ձևաչափին չեն կարող փոխարինել հասուն լսարանի համար նախատեսված ոչ մի գրականություն, ծնողների կողմից ներկայացված պատմություններն ու պատմվածքներ :

Ինչու են հենց հեքիաթները այդքան կարևոր ու անհրաժեշտ

1.    Հեքիաթը երեխայի համար կյանքը հասկանալու ու նրա հետ «վարվելու» ամենահասկանալի տարբերակն է:

2.    Հենց հեքիաթներում են ներկայացված մարդկանց ու կյանքի իրավիճակների միջև առկա հարաբերությունները, այսինքն սերը, ընկերությունը, սուտը, ուրախությունը, տխրությունը և այլն….

3.    Հեքիաթային կերպարները շատ միատեսակ են՝ բարի- չար, լավ- վատ, գծուծ-առատաձեռն, խելացի ու անխելք, որտեղ առկա չեն երեխայի համար ոչ մի անհասկանալի կերպարներ:

4.    Հեքիաթներում միշտ հաղթում է բարին: Իսկ դա հարկավոր է երեխային նրա համար, որպեսզի չվախենա, քանի որ երբ մարդը վստահ է, որ բարին հաղթելու է, նա համարձակ առաջ է գնում:

5.    Հեքիաթներում գերակշռում են լավ գործերը՝ աշխատասիրությունը, խելքը, առատաձեռնությունը: Երեխան հեշտորեն հասկանում է, թե ինչպիսին պետք է լինեն, որպեսզի իրենց մոտ ամեն ինչ լավ ստացվի:

6.    Հեքիաթներում շատ են իրավիճակները կրկնվում, իսկ երեխաները սիրում են կրկնությունը: Նախ կրկնվելն օգնում է մտապահել հեքիաթը, իսկ 2-րդ հերթին երեխաներին դուր է գալիս իմանալ այն ինչ նրանք արդեն գիտեն: Դա խոսում է կայունության ու կանխատեսելիության մասին, որը շատ լավ հանգստացնում է երեխաներին:

7.    Այն երեխան, ով հավատում է հեքիաթներին, հավատում է լավին, իսկ դա օգնում է նրան ուրախանալ ու ոչինչից չվախենալ:

8.    Հեքիաթներում դարերի իմաստություն կա, որը այդքան անհրաժեշտ է ժամանակակից նյութական աշխարհում:

Ինչ է հեքիաթներից սովորում աղջիկ երեխան

Աղջիկ երեխաները հեքիաթներից սովորում են, որ հարկավոր է լինել բարի ու աշխատասեր: Հարկավոր է սովորել հոգ տանել ու օգնել ուրիշներին, մարդկանց մաղթել երջանկություն, քանի որ ալարկոտներն ու նախանձները չար աղջիկներ են և հեքիաթի վերջում միշտ ստանում են իրենց «պատիժը» :

Հարկավոր է շնորհակալ լինել: ժամանակակից երեխաները ընտելանում են արդեն, որ կարող են ստանալ ամեն ինչ ու միանգամից, իսկ հեքիաթներում ոչինչ այդքան հեշտ չի տրվում և հարկավոր է ստացածի դիմաց սովորել ասել «շնորհակալություն»:

Փեսացուի համար հարկավոր է կազմակերպել փորձություն: Արդյոք կկարողանա «արքայազնը» հանուն «արքայադստեր» անցնել փորձությունների միջով(դա իհարկե չի վերաբերվում երեխաներին, սակայն երեխայի գլխում օգտակար մտքեր միևնույն է կուտակվում են):

Ինչ է հեքիաթներից սովորում տղա երեխան

Հարկավոր է պատվավոր մարդ լինել, օգնել թույլերին, հոգ տանել նրանց մասին:

Հեքիաթները տղաներին սովորեցնում են չվախենալ դժվարություններից: Նրանք սովորում են հաղթահարել բոլոր դժվարությունները, անգամ ռիսկի գնալ: Հենց այդպիսի որակներն են օգնում երեխային ապագայում իրեն տղամարդ զգալ:

Հեքիաթները տղաներին սովորեցնում են «ստուգել» իրենց հարսնացուներին: Հասկանալ արդյոք նրանք կկարողանան լինել խելացի ու հմուտ տնտեսուհիներ:

Որոշ խորհուրդներ ծնողներին

Ամեն օր 10-15 րոպե երեխաների համար հեքիաթ կարդացեք և պարտադիր չէ, որ դա լինի քնելուց առաջ: Լավ կլինի որ այդ պրոցեսը ձեզ մոտ սովորույթ դառնա:

Հեքիաթ կարդալուց հետո անպայման երեխային հարցեր տվեք, թե արդյոք ինչ եզրահանգումներ է նա կատարել, որ պահն է նրա դուր եկել, իսկ որը ոչ:

Առաջարկեք երեխաներին նկարել իրենց սիրելի հեքիաթային հերոսներին այնպես, ինչպես նրանք պատկերացնում են նրանց: Այդ վարժությունը զարգացնում է երեխայի երևակայությունը, օգնում է մտածել ոչ ստանդարտ ու կրեատիվ:

Աղբյուր` aif.ru