Ջեքֆրուտը հանդիսանում է հզոր հակաքաղցկեղային միջոց. գիտնականներ

Քաղցկեղի Ազգային ինստիտուտի տվյալներով՝ 2013 թվականին ԱՄՆ-ում կար հաստ աղիքի քաղցկեղով հիվանդ ավելի քան 1,7 միլիոն մարդ: Սա քաղցկեղի շատ բարդ տեսակ է, որը շատ դժվար է բուժվում և կարող է առաջացնել մի շարք այլ բարդություններ:

Սակայն գիտնականները հայտնաբերել են, որ գոյություն ունի հաստ աղիքի քացկեղի դեմ պայքարի բնական միջոց՝ ջեքֆրուտը (հացի ծառի պտուղ), որը շատ տարածված է Հարավ-արևմտյան Ասիայում և համարվում է ուժգին հակաքաղցկեղային միջոց:

Հաստ աղիքի քաղցկեղի կանխարգելում

Ջեքֆրուտը շատ օգտակար է, սակայն դեռևս նրա ոչ բոլոր հատկություններն են բացահայտված: Նրա մեջ պարունակվում են հակաքաղցկեղային մի շարք օգտակար նյութեր, ինչպիսիք են իզոֆլավոնները, ֆիտոնուտրիենտները, լագնանները և սապոնինները:

Այս նյութերն օգնում են կանխել վտանգավոր ազատ ռադիկալների առաջացումը, որոնք հանգեցնում են քաղցկեղի և մի շարք այլ քրոնիկ հիվանդությունների առաջացման:

Ֆիտոնուտրիենտներ

Ֆիտոնուտրիենտները կանխում են քաղցկեղի բջիջների առաջացումը նախնական փուլում: Բացի այդ, ջեքֆրուտը նաև շատ օգտակար կլինի ստամոքսի խոցի դեպքում:

Ֆիտոնուտրիենտների յուրահատկությունը կայանում է նրանում, որ նրանք պարունակվում են միայն բույսերում, որոնք օգտագործվում են սննդի մեջ: Գիտնականները հայտնաբերել են տասնյակ հազարավոր ֆիտոնուտրիենտներ, որոնք բոլորն էլ շատ օգտակար են:

Սապոնիններ

Սապոնինները նույնպես շատ ուժեղ հակաքաղցկեղային ազդեցություն են ունենում: Ուսումնասիրությունների համաձայն՝ դրանք շատ արդյունավետ են հաստ աղիքի քաղցկեղի կանխարգելման համար:

Սապոնիններն ազդում են քաղցկեղի բջիջների արտաքին շերտի վրա և կանխում դրանց հետագա զարգացումն ու տարածումը:

Լիգնաններ և իզոֆլավոններ

Սրանք շատ սննդարար ֆիտոէստրոգեններ են, որոնք կապվում են էստրոգենների ընկալիչների հետ:

Ուսումնասիրությունները ցույց են տվել, որ այս նյութերն օգնում են նվազեցնել էնդոմետրիումի քաղցկեղի առաջացման վտանգը:

Ուսումնասիրությանը մասնակցել է 500 կին, որոնք ընտրվել են պատահականության սկզբունքով: Հետազոտությունների համաձայն՝ ջեքֆրուտից ստացվող նյութերի շնորհիվ քաղցկեղի առաջացման հավանականությունը զգալիորեն նվազում է:

Բջջի ԴՆԹ-ի պաշտպանություն

Ջեքֆրուտի մեջ պարունակվող հակաօքսիդանտները պաշտպանում են բջջի ԴՆԹ-ն թթվածնի մեջ պարունակվող ազատ ռադիկալների հասցրած վնասից: Սրանք, սակայն, ջեքֆրուտի միակ առավելությունները չեն: Այն նաև շատ հարուստ է մանրաթելերով և ունի յուրահատուկ կպչուն կառուցվածք: Այս հատկությունների շնորհիվ այն դառնում է աղիները մաքրող հիանալի միջոց և օգնում են հեռացնել տոքսինները աղեստամոքսային համակարգից:

Ամրապնդում է իմունային համակարգը

Հացենու պտուղները հարուստ են ոչ միայն վիտամին C-ով, այլև շաքարներով, որոնք օգնում են ամրապնդել իմունային համակարգը:

Մկների վրա իրականացված հետազոտությունները ցույց են տվել, որ այս միրգը հարուստ է իմունային համակարգի աշխատանքը խթանող պոլիսախարիդներով:

Ջեքֆրուտի սննդային արժեքը

Հաստ աղիքի քաղցկեղի վտանգը նվազեցնելու և մարսողությունը բարելավելու համար անհրաժեշտ է ներառել այս միրգը սննդակարգում: Կան մի շարք պատճառներ՝ ջեքֆրուտը պարբերաբար օգտագործելու համար.

·   Ջեքֆրուտի մեկ բաժակը պարունակում է 155 կալորիա և միայն 4 կալորիա ճարպ:

·   Պտուղը պարունակում է շատ քիչ քանակությամբ հագեցած ճարպեր, խոլեստերին և նատրիում:

·   Այն հարուստ է վիտամին C-ով, վիտամին A-ով, թիամինով, ռիբոֆլավինով, ֆոլատով և նիացինով:

·   Ջեքֆրուտը նաև պարունակում է մեծ քանակությամբ հանքանյութեր, այդ թվում՝ կալիում, մագնեզիում, երկաթ, մանգան, կալցիում, ցինկ, սելեն, պղինձ և ֆոսֆոր:

·   Ջեքֆրուտի մեկ բաժակը կարող է ապահովել օրգանիզմի մանրաթելերի օրական չափաբաժնի ավելի քան 11%-ը:

·   Բացի այդ, չինական բժշկության մեջ ջեկֆրուտն օգտագործվում է նաև ալկոհոլի ազդեցությունից ազատվելու համար:

Նյութի աղբյուրը՝ all-4-woman.ru