12 «մոգական» արտահայտություն, որ պետք է ասել երեխային քնելուց առաջ

Երեխայի ու մոր միջև կա յուրահատուկ կապ, որն այնքան ուժեղ է, որ կարող է նույնիսկ բուժել: Կյանքի առաջին տարիներին երեխան այնքան զգայուն է խոսքի հանդեպ, որ զգում է ամեն ինչ: Սա է պատճառը, որ երեխային քնացնելիս հարկավոր է միայն լավ բաներ ասել, քանի որ մոր սիրո խոսքերից ավելի ազդեցիկ բան չկա:

Գիտնականները նույնիսկ անցկացրել են մի գիտափորձ: Հիվանդ երեխաների մայրիկներին նրանք խորհուրդ են տվել ամեն գիշեր մի պարզ պրոցեդուրա կատարել: Հարկավոր է սպասել, մինչ երեխան մտնի ակտիվ քնի փուլ (քնելուց մոտ 15 րոպե հետո), այնուհետև ասել նրան. «Ես սիրում եմ քեզ: Ես հպարտանում եմ քեզնով: Ես շատ ուրախ եմ, որ դու իմ որդին ես: Ինձ համար դու լավագույն որդին ես»:

Պարզվել է, որ այն երեխաները, ում մայրիկները կատարել են բժիշկների խորհուրդ տված այս պրոցեդուրան, շատ ավելի արագ էին ապաքինվում, քան նույն ախտանշաննորով մյուս երեխաները:

Ինչ է սա տալիս

Երեխայի հետ մտերմության զգացողություն

Այս զգացողությունը հնարավոր չէ որևէ այլ զգացողության հետ շփոթել: Անկախ երեխայի տարիքից՝ քնած ժամանակ նրանք հրեշտակների են նման: Օրվա ընթացքում հաճախ նրանք այնքան զբաղված են լինում, որ հնարավոր չի լինում նրանց գրկել ու շփվել նրանց հետ: Գիշերվա ժամերին կարելի է գրկել նրանցից յուրաքանչյուրին և ասել թե որքան շատ է մայրիկը սիրում նրանց:

Անհատական ժամանակ բոլորի համար

Օրվա ընթացքում մայրիկները կարող են չհասցնել բոլոր երեխաներին ուշադրություն դարձնել ու ժամանակ տրամադրել: Հաճախ ընտանիքն ամեն ինչ անում է միասին, մի մեծ խմբով, իսկ այս մեթոդը հնարավորություն է տալիս ամեն երեխային ասել այն ինչի կարիք նրանք ունեն:

Կարելի է ասել այն, ինչը կարևոր է և օրվա ընթացքում հնարավոր է անտեսվել է

Օրերը տարբեր են լինում: Հաճախ երեխաները կարող են իրենց վատ պահել, ինչը բարդացնում է շփումը, սակայն երբ մայրիկը գիշերը նրանց ականջին ջերմ խոսքեր է շշնջում, բոլոր վեճերն ու զայրույթն անցյալում է մնում:

Երեխան զգում է մոր սերը

Երեխաների համար շատ կարոր է իմանալ, որ իրենք յուրահատուկ են ու սիրված, ուստի հարկավոր է հաճախ ասել նրանց այդ մասին:

Հարկավոր է միշտ ասել կարևոր արտահայտություններ

Փորձը ցույց է տվել, որ երեխաներին քնած ժամանակ կարևոր արտահայտություններ անելու դեպքում շատ խնդիրներ իրենք իրենց են լուծվում:

Ինչ արտահայտություններ ասել երեխային

«Ես քո մայրիկն եմ, իսկ դու իմ որդին»

Այս արտահայտությունը շատ հարմար է այն ժամանակ, երբ ծնողը չի զգում իր և երեխայի միջև հոգևոր կապը: Բացի այդ, այն օգնում է, երբ խախտված է ընտանիքի հիերարխիան:

«Ես մեծ եմ, իսկ դու փոքր»

Այս արտահայտությունը նույնպես կարելի է օգտագործել ընտանիքում ճիշտ հիերարխիա սահմանելու համար: Բացի այդ, այն օգնում է կարգավորել երեխաների հետ հարաբերությունները:

«Ինձ համար դու լավագույն որդին ես»

Այս դեպքում հարկավոր է նաև նշել թե նա որերորդն է, քանի որ հնարավոր է, որ տանը, նրանից բացի, այլ երեխաներ էլ կան:

«Դու հենց այն որդին ես, ում կարիքը մենք ունենք»

Այս արտահայտությունն օգնում է երեխային զգալ իր արժեքավորությունը:

«Պետք չէ ինձ համար որևէ բան անել: Ես սիրում եմ քեզ այնպիսին, ինչպիսին դու կաս»

Այս դեպքում խոսքը այն մասին չէ, որ երեխան կարող է ափսեները չլվանալ, այլ այն մասին, որ զոհողությունների գնալու կարիք չկա:

«Ես շատ ուրախ եմ, որ դու կաս»

Հատկապես օգնում է նրանց, ում համար երեխան այդքան էլ ցանկալի չէր:

«Ես ուրախ եմ, որ դու տղա ես»

Այս արտահայտությունն  այն դեպքերի համար է, երբ ծնողներն ուզում էին աղջիկ, սակայն երեխան տղա է ծնվել:

«Ես ու հայրիկդ քեզ շատ ենք սիրում: Դու մեր որդին ես»

Այստեղ առանցքային բառը «մեր»-ն է:

«Դու քո հայրիկի նման ես», «Քո հայրիկն ամենալավ հայրիկն է»

Այս արտահայտությունը հատկապես կարևոր է, եթե երեխայի ծնողները վիճել են և չեն շփվում, կամ եթե հայրը չի զբաղվում երեխայի դաստիարակությամբ:

«Ցավում եմ»

Այս արտահայտությունը շատ հարմար է, եթե օրվա ընթացքում դուք վիճել եք, չեք հասկացել միմյանց կամ պատժել եք երեխային: Սակայն հարկ է հիշել, որ անհրաժեշտ է ներողություն խնդրել, բայց չաղերսել:

«Ես հպարտանում եմ քեզնով»

Այս արտահայտությունը հատկապես կարևոր է այն երեխաների համար, ովքեր տարբերվում են մյուսներից:

«Ես սիրում եմ քեզ»

Սրանք կախարդական բառեր են, որ անհրաժեշտ է հաճախ ասել երեխային:

Ինչպես ընտրել համապատասխան արտահայտությունը

Անհրաժեշտ է փորձել տարբեր արտահայտություններ և որոշել, թե այդ պահին որն է առավել անհրաժեշտ ու կարևոր: Ծնողները միշտ գիտեն, թե երեխան ինչի կարիք ունի այս կամ այն պահին, ուստի հարկավոր է հետևել նաև երեխայի տրամադրվածությանն ու պահվածքին:

Բացի այդ, կախարդական խոսքերն ասելիս պետք է նախապես տրամադրվել: Դրանք պետք է բխեն հոգու խորքից և լինեն անկեղծ: Որպեսզի այդ խոսքերն ունենան մոգական ուժ, պետք դրանց այդ մոգական լիցքը հաղորդել:

Այս պրոցեդուրան չպետք է երկար տևի (5 րոպեն բավական կլինի), բայց պետք է լինի շատ էմոցիոնալ: Հարկավոր է այն անել պարբերաբար, բայց քիչ-քիչ:

Բացի այդ, նմնա արտահայտությունների մասին չպետք է մոռանալ նաև օրվա ընթացքում: Անհրաժեշտ է երեխային ավելի հաճախ գրկել, համբուրել ու ասել ջերմ խոսքեր:

Նյութի աղբյուրը ՝ you-journal.ru