Ընդամենը մեկ ճիշտ ընտրված խոսքը կարող է երեխային հանճար դարձնել. 22 «նվեր», որոնք երեխաները կպահպանեն ամբողջ կյանքում

Ներկայումս երեխաների համար այնքան հետաքրքիր ու նոր բան կա, որ նրանց զարմացնելը պարզապես անհրանրին է: Սակայն ihappymama.ru կայքը ներկայացրել է 22 «նվեր», որոնք երեխաները կհիշեն մինչև կյանքի վերջ և նույնիսկ կնվիրեն իրենց երեխաներին:

·         Վստահություն իրենց ուժերի հանդեպ. երեխայի համար շատ կարևոր է իմանալ, որ իր ամենասիրելի մարդիկ վստահում են իր ուժերին: Հարկավոր է հասկացնել երեխային, որ նա ունի մեծ հնարավորություններ ու ունակություններ: Ընդամենը մեկ ճիշտ ընտրված խոսքը կարող է երեխային հանճար դարձնել:

·         Սիրո բոլոր դրսևորումները. գրկեք երեխային , համբուրեք նրան և միշտ ասեք, որ անկախ ամեն ինչից սիրում եք նրան: Նույնիսկ, եթե ձեր երեխան արդեն 30-ն անց է:

·         Ընտանեկան ընթրիքներ. ընտանեկան միասնության այս պահերը երեխաները հիշում են մինչև կյանքի վերջ: Սա հիանալի ավանդույթ է, որ միավորում է, հաշտեցնում է, ոգեշնչում ու հանգստացնում:

·         Ուրախություն. ուրախացեք կյանքով ու ձեր երեխայով: Մի ամաչեք ձեր զգացմունքներից և ծիծաղեք երեխայի հետ:

·         Ամուր և լիարժեք ընտանիք. աշխատեք պահպանել ընտանիքն ու լավ հարաբերությունները դրա անդամների հետ, քանի որ երեխայի համար ընտանիքն այն հիմքն է, հենարանը, որն օգնում է առաջ գնալ:

·         Ձեր ժամանակը. սա ամենաարժեքավոր նվերն է՝ հատկապես ժամանակակից երեխաների համար: Ամեն օր ազատ ժամանակ գտեք երեխայի հետ ժամանակ անցկացնելու, նրան գրկելու, միասին խաղալու, զբողնելու կամ պարզապես պառկելու համար:

·         Ուշադրություն. սա նույնպես այն «նվերներից» է, որի կարիքը երեխաները միշտ ունենում են: Բարի եղեք նրանց հանդեպ: Նրանք միշտ ել կհասցնեն տեսնել, թե ինչ դաժանությունն ու կոպիտությունը, ուստի միշտ ցույց տվեք նրանց, թե ինչ է իրական բարությունն ու կարեկցանքը:

·         Գնահատելու ունակություն. սովորեցրեք երեխային գնահատել այն, ինչ նա ունի, սակայն միևնույն ժամանակ բացատրեք, որ հարկավոր է ձգտել ավելիին:

·         Հետաքրքրություն. բոլոր երեխաներն էլ հետաքրքրասեր են, ուստի արեք ամեն բան՝ այդ հատկությունը նրանց մեջ պահպանելու համար:

·         Որոշումներ կայացնելու ունակություն. սովորեցրեք երեխային ինքնուրույն լինել: Օգնեք նրանց կայացնել որոշումներ ու ընդունել սեփական քայլերի հետևանքները: Ցույց տվեք նրան, թե որն է իրական քաջությունն ու վճռականությունը սեփական օրինակով:

·         Արգելքներ. երեխաների համար շատ դժվար է բացարձակ ազատության մեջ ապրելը: Նրանց պետք են որոշակի սահմաններ, որոնք կօգնեն ճիշտ կողմնորոշվել այս աշխարհում: Սակայն այդ սահմանափակումները չպետք է չափազանց շատ ու չափազանց խիստ լինեն, այլապես երեխան կդառնա անկառավարելի:

·         Ազատություն. հարկ է հիշել, որ երեխաներին հարկավոր է նաև ազատություն տալ, որպեսզի նա ինքնուրույն որոշումներ կայացնի, ընտություն կայացնի, գործի և սովորի իր սխալների վրա:

·         Գովասանքի խոսքեր. երեխայի համար շատ կարևոր է ծնողների գոհունակությունը զգալը, քանի որ դա դրդում է նրանց ինքնակատարելագործման:

·         Սերը ստեղծագործելու հանդեպ. թույլ տվեք երեխային ստեղծագործել այնքան, որքնա նա կցանկանա: Հնարավորինս խրախուսեք նրան և ստեղծեք հարմար պայմաններ: Բարձր տեխնոլոգիաների ժամանակաշարջանում սա շատ կարևոր ունակություն է, որը սովորեցնում է տեսնել գեղեցիկն ամեն ինչում, հաճույք ստանալ կյանքից և ելք գտնել ոչ ստանդարտ իրավիճակներից:

·         Առատաձեռնություն. սեփական փորձով ցույց տվեք, թե ինչ է առատաձեռնությունը, ինչպես է պետք կիսվել և սովորեցրեք հաճույք ստանալ սեփական առատաձեռնությունից:

·         Հոգևոր արժեքներ. բացատրեք երեխային, որ գոյություն ունի հոգի: Շատ լավ կլինի, եթե նա սկսի գործել ոչ միայն իր մարմնի պահանջները բավարարելու համար, այլ նաև հոգու:

·         Ճշմարտություն. անկեղծ եղեք երեխայի հետ: Այս կերպ դուք կսովորեցնեք նրան նույնպես անկեղծ լինել: Բացի այդ, ցույց տվեք նրան, որ ձեզ կարելի է վստահել և որ ձեզ հետ նա կարող է իրեն ապահով զգալ:

·         Հույս. հույսը կօգնի ամենածանր պահերին, կաջակցի և ուժ կհաղորդի:

·         Սերը գիտելիքի հանդեպ. ուսման հանդեպ տածած սերն ու դպրոցում ստացած բարձր գնահատականները երբեմն ոչ մի ընդհանուր բան չեն ունենում: Սովորեցրեք երեխային ճանաչել աշխարհը, հետաքրրքվել և հաճույք ստանալ այդ գործընթացից:

·         Լավատեսություն. սա այն է, ինչն օգնում է հասնել հաջողության և փոխել այս աշխարհը դեպի լավը:

·         Ձեր ծնկներին նստելը. երեխայի համար սա ամենահարմար ու ամենալավ վայրն է ամբողջ աշխարհում:

·         Հավատարմություն ընտանիքում ու հարաբերություններում. ամուսնուն հավատարիմ լինելը մեր գիտակցության, հոգու ու սրտի քայլն է, իսկ երեխաները դա շատ լավ են զգում: