Ինչպես սովորեցնել երեխային ինքնուրույն հագնվել. 10 արդյունավետ խորհուրդ

1.      Հագուստը հարկավոր է դնել երեխայի համար հասանելի վայրում: Սկզնական շրջանում փոքրիկը դուրս կհանի դրանք, կփորձի թաքնվել դրանց մեջ և պարզապես կզվարճանա, սակայն մոտ 1,5 տարեկանում, օրինակ վերցնելով ծնողներից, կսկսի հագնել սկզբում գլխարկն ու գուլպաները, այնուհետև նաև հագուստի մյուս պարագաները:

2.      Եթե երեխան փորձում է ինքնուրույն որևէ բան հագնել, պետք չէ խանգարել, նույնիսկ եթե նա սխալ է դա անում: Հարկավոր է սպասել, մինչև երեխան ինքն օգնություն կխնդրի:

3.       Հաճախ առաջին իրը, որը երեխան ինքն է հագնում, լինում է հայրիկի շապիկը կամ մայրիկի գուլպաները: Հարկ է հիշել, որ այս հագուստն, առաջին հերթին, ավելի հեշտ է հագնել և շատ ավելի հետաքրքիր է երեխայի համար: Բացի այդ, այս կերպ նա փորձում է նմանվել ծնողներին, ուստի պետք չէ խանգարել նրա փորձերին: Փոխարենը կարելի է զգեստապահարանից որևէ բան տրամադրել երեխային՝ խաղերի համար:

4.      Երեխայի հագուստը պետք է հարմարավետ լինի: Կոշիկները պետք է ամրացվեն հատուկ կպչուն ճարմանդով, սվիտրերն ունենան լայց բացվածք, գուլպաներն ու ներքնազգեստը լինեն ազատ:

5.      Հագուստ հագնելու գործընթացը կարելի է խաղի վերածել: Օրինակ՝ տաբատը կարելի է համեմատել թունելների հետ, իսկ ոտքերը՝ գնացքների:

6.      Եթե երեխան ինքնուրույն է հագնվել, ապա ոչ մի դեպքում պետք չէ քննադատել նրան, նույնիսկ եթե նա ոչինչ շիտակ չի հագել: Հնարավորության դեպքում լավ կլինի նրան այդպես էլ թողնել և անպայման գովել: Մի փոքր ավելի մեծ տարիքի երեխայի համար հարկավոր է հագուստի վրա հատուկ նշաններ անել, որպեսզի հաջորդ անգամ նա ավելի քիչ սխալ թույլ տա:

7.      Հագնվելու հետ կապված վարժություններն ու խաղերը հարկավոր է սկսել մինչ երեխայի երկու տարին լրանալը՝ երեխայի «Ես ինքս» շրջանն օգտագործելու համար:

8.      Ներկայումս կան բազմաթիվ զարգացնող խաղեր, սակայն եթե երեխան չի ցանկանում դրանցով զբաղվել, ապա պետք չէ ստիպել նրան: Պարզապես կարելի զարգացնել նրա շարժումները այլ եղանակով: Ժամանակի ընթացքում նա առանց վարժությունների կսովորի ճիշտ կոճկել կոճակներն ու կայծակաճարմանդը:

9.      Երեխային հագցնելիս անհրաժեշտ է կենտրոնացնել նրա ուշադրությունն այդ գործընթացի վրա: Պատմեք նրան ձեր գործողությունների մասին, խնդրեք բռնել որևէ իր կամ ինքնուրույն կատարել որևիցե պարզ գործողություն:

10.  Նույնիսկ, եթե ձեզ թվում է, թե երեխան արդեն կարողանում է ինքնուրույն հագնվել, պատք չէ զրկել նրան ուշադրությունից ու օգնությունից: Դասավորեք հագուստը և հուշեք թե ինչպես է պետք հագնվել: Կարելի հագնվել երեխայի հետ՝ առաջարկելով նրան մրցել ձեզ հետ:

Նյութի աղբյուրը՝ «Искусство быть счастливой мамой» ֆեյսբուքյան էջ