8 արդյունավետ ժողովրդական միջոց՝ երակների վարիկոզ լայնացումը բուժելու համար

Երակների վարիկոզ լայնացումը շատ տարածված հիվանդություն է, որի դեպքում սովորաբար նշանակվում են տարբեր դեղամիջոցներ: Սակայն այս խնդրից կարելի է ազատվել նաև ժողովրդական միջոցներով:

Ձեր ուշադրությանն ենք ներկայացնում այդ մեթոդներից ամենաարդյունավետները:

Կանաչ լոլիկ

Կանաչ լոլիկի օգնությամբ երակների վարիկոզ լայնացման բուժումը շատ պարզ է: Պարզապես հարկավոր է լոլիկը երկու մասի բաժանել, մի կեսը կտրած կողմով դնել բորբոքված երակին և պահել մինչև նկատվի մաշկի այրոց: Այնուհետև լոլիկը դեն նետել, լվանալ մաշկը սառը ջրով և կրկնել պրոցեդուրան՝ դնելով լոլիկի մյուս կեսը: Այս պրոցեդուրան ցանկալի է կրկնել 4 անգամ: 3 շաբաթ անց երակային հանգույցները կգունատվել և կփափկեն:

Կավ

Կապույտ կավով երակների վարիկոզ լայնացման բուժման պրոցեդուրան տևում է 2 ժամ: Նախ հարկավոր է կավի փոշուն ջուր ավելացնել, որպեսզի ստացվի թթվասերի թանձրության մածուկ: Այնուհետև ստացված մածուկը 2 սմ հաստությամբ շերտով քսել ախտահարված հատվածներին, փաթաթել ոտքերը փափուկ տաք սրբիչով և պրոցեդուրան ավարտելուց հետո լվանալ մաշկը ջրով: Այս պրոցեդուրան հարկավոր է կրկնել ամեն օր: Բուժման կուրսը տևում է 1.5 ամիս:

Մեղր

Հարկավոր է ոտքերը դնել գոլ ջրի մեջ, այնուհետև ախտահարված երակներին մեղր քսել: Ընդամենը մեկ շաբաթ անց մանր անոթային «աստղիկները» կսկսեն անհետանալ:

Գայլուկ (хмель)

Գայլուկն օրգանիզմին տոնուս հաղորդող հիանալի միջոց է: Այն հարկավոր է թրմել և խմել որպես թեյ: Նաև շատ արդյունավետ են գայլուկի թուրմով կոմպրեսները:

Ձիակասկ (конский каштан)

Շատ արդյունավետ միջոց է նաև ձիակասկի ոգեթուրմը: Հարկավոր է շագանակները կեղևազրկել, ավելացնել 200 մլ օղի և 2 շաբաթ թրմել մութ վայրում: Թուրմը հարկավոր է ընդունել ուտելուց առաջ 30 կաթիլ: Բուժման կուրսը տևում է 1 ամիս:

Անանուխ

Որպես երակների վարիկոզ լայնացման բուժման համալիր թերապիայի մաս շատ արդյունավետ է նաև անանուխը: Հարկավոր է 1 թ.գ. անանուխին ավելացնել 100 մլ եռման ջուր, 20 րոպե թրմել, այնուհետև քամել, ավելացնել 100 մլ կաթնային շիճուկ և լավ խառնել: Դեղամիջոցը հարկավոր է խմել օրական 3 անգամ՝ ուտելուց կես ժամ առաջ: Բուժման կուրսի տևողությունն է 2 շաբաթ:

Մեղրամոմ

Երակների վարիկոզ լայնացումը կարելի է բուժել նաև մեղրամոմով քսուքի միջոցով: Հարկավոր է խառնել մեղրամոմը, ակնամոմն ու ձիթայուղը (2:1:1 հարաբերակցությամբ) և ստացված քսուքն օրական երկու անգամ՝ առավոտյան ու երեկոյան, քսել սրունքներին:

Հատուկ քսուք

Գոյություն ունի նաև մի շատ տարածված քսուք, որը կարելի է պատրաստել տնային պայմաններում: Քսուքի պատրաստման համար անհրաժեշտ է հալած խոզի ճարպ, հալվեի (алоэ) հյութ, մեղր, բալասանային լինիմենտ (ըստ Վիշնևսկու), իխտիոլային քսուք, տնտեսական հեղուկ օճառ և սոխի հյութ: Հարկավոր է բոլոր բաղադրիչներից մեկական գդալ լցնել փոքրիկ կաթսայի մեջ, այնուհետև, պարբերաբար խառնելով, տաքացնել, մինչև եռման ջերմաստիճանի հասնելը, սակայն չեռացնել:

Սառելուց հետո քսուքը պատրաստ կլինի օգտագործման: Այն խորհուրդ է տրվում օգտագործել օրական երեք անգամ:

Սակայն հարկ է հիշել, որ այս մեթոդներն անմիջապես չեն ազդում և լավ արդյունքի համար ժամանակ է հարկավոր: Բացի այդ, բուժման այս տարբերակները հարկավոր է կիրառել միայն համալիր բուժման շրջանակներում, ուստի անհրաժեշտ է անպայման նախապես խորհրդակցել բժշկի հետ:

Նյութի աղբյուրը՝ takprosto.cc