Որ հիվանդությունների դեպքում է օգնում կակտուսը

Կակտուսների սիրահարները հաճախ են իրենց համակարգչի կամ հեռուստացույցի էկրանի մոտ կակտուս դնում: Գիտնականները պարզել են, որ այս բույսն օգնում է արգելակել տեխնիկական սարքերի արձակած էլեկտրոմագնիսական իմպուլսները և նվազեցնել դրանց բացասական ազդեցությունը մարդու օրգանիզմի վրա:

Սակայն այս բույսն օգտագործվել նույնիսկ այն ժամանակ, երբ չկային տեխնիկական վտանգավոր սարքեր: Այն դարեր շարունակ օգտագործվել ոչ միայն որպես սննդամթերք, այլև որպես դեղաբույս, փայտանյութ և նույնիսկ կրոնակած ծիսակատարությունների ժամանակ անհրաժեշտ բաղադրիչ:

Սակայն սրանք կակտուսի ոչ բոլոր օգտակար հատկություններն են: Ձեր ուշադրությանն ենք ներկայացնում, թե առողջական որ խնդիրների դեպքում է օգնում հասարակ կակտուսը:

Առհասարակ կակտուսի հյութը պարունակում է ալկալոիդներ, ինչի շնորհիվ այն օժտված է հզոր հակաբակտերիալ հատկություններով: Այն նաև օգնում է կանխել ախտածին բակտերիաների և սնկերի աճն ու զարգացումը:

Կակտուսի հյութն օգտագործվում է ռևմատիզմի բուժման համար: Այս հյութով կոմպրեսներն օգնում են նաև կոտրվածքների դեպքում:

Կակտուսի թուրմն ու ոգեթուրմն օգտագործվում են սրտանոթային հիվանդությունների ժամանակ: Այս բույսն օգնում է ազատվել որովայնային ցավից, կարգավորում է նյութափոխանակությունն ու ամրապնդում իմունային համակարգը: Բացի այդ, այն օժտված է նաև միզամուղ հատկությամբ, օգնում է ազատվել խումարից, մեղմում է գլխացավը և նպաստում վերքերի արագ ապաքինմանը:

Այս բույսն օգտագործվում է նաև տարբեր հիվանդությունների դեպքում.

·        Հազ, մրսածություն և տուբերկուլյոզ

Հարկավոր է խառնել մեկական թեյի գդալ կակտուսի հյութն ու տուղտի (алтей) հյութը, ավելացնել մեկ ճաշի գդալ մեղր և ընդունել բուժիչ խառնուրն օրական երեք անգամ՝ մեկական թեյի գդալ:

·        Քրոնիկ բրոնխաբորբ

2 ճ.գ. մարնացրած կակտուսին ավելացնել 1 լիտր կաթ, 12 ժամ թրմել և ընդունել օրական 3 անգամ կես բաժակ:

·        Թարախային վերքեր

Կակտուսի հյութն ու ծովաբողկի հյութը խառնել (2:1 հարաբերակցությամբ), մառլյան թրջել ստացված խառնուրդով և դնել վերքի վրա: Վիրակապը հարկավոր է փոխել յուրաքանչյուր 3 ժամը մեկ:

·        Ստամոքսի հետ կապված խնդիրներ

Կակտուսի պտղամիսը մանրացնել, 3 ճ.գ. պտղամիսը լցնել թերմոսի մեջ, ավելացնել մանդարինի կեղև և կես լիտր տաք կաթ: Թրմել 14 ժամ, այնուհետև քամել և ընդունել օրական 3 անգամ՝ ուտելուց առաջ, կես բաժակ:

·        Հոդացավեր, ռադիկուլիտ

Կակտուսի փշերը հեռացնել, մի կտոր պտղամիսը մանրացնել ու խյուս դարձնել, այնուհետև քսել ստացված խյուսը ախտահարված հատվածներին, փաթաթել տաք կտորով և մի քանի ժամ հանգիստ նստել:

Նյութի աղբյուրը՝ takprosto.cc