Որոնք են լավագույն դեղաբույսերը արյան շրջանառությունը կարգավորելու համար. 5 բուժիչ բաղադրատոմս

Արյան շրջանառության խանգարման դեպքում առողջ օրգանների մասին խոսք անգամ չի կարող լինել: Որպես կանոն՝ արյան շրջանառության հետ կապված խնդիրները պայմանավորված են լինում սխալ կենսակերպով, երբ մարմինն ունենում է ֆիզիկական ակտիվության կարիք կամ սխալ սննդակարգի հետևանքով օրգանիզմին անհրաժեշտ են լինում օգտակար նյութեր:

Իրենց ազդեցությունն են ունենում նաև վատ սովորությունները (ալկոհոլ, ծխախոտ, սթրես և այլն), գենետիկ հակվածությունն ու հորմոնալ փոփոխությունները: Այս ամենի հետևանքով արյունատար անոթները կորցնում են իրենց առաձգականությունը և դրանցում կուտակվում է ճարպ, որն էլ խանգարում է արյան նորմալ շրջանառությանը՝ նպաստելով այտույցների առաջացմանն ու երակների վարիկոզ լայնացմանը:

Նման խնդիրներից խուսափելու համար հարկավոր է վերանայել սննդակարգը և խուսափել սթրեսից:

Հիանալի օգնական կարող են լինել նաև դեղաբույսերը, որոնք ճիշտ սննդակարգի և ֆիզիկական ակտիվության հետ համատեղելու դեպքում կարելի է կարգավորել արյան շրջանառությունը:

Ձիաձետ (конский хвост). այս բույսը նվազեցնում արյան մեջ խոլեստերինի մակարդակը, կանխում է աթերոսկլերոզը և բարելավում է արյան շրջանառությունը: Հարկավոր է 1 թ.գ. մանրացրած ձիաձետին ավելացվել 1 բաժակ եռման ջուր, կես ժամ թրմել և ստացված թուրմը խմել օրական մեկ անգամ՝ ուտելուց առաջ:

Ալոճ. սա սրտի աշխատանքին նպաստող լավագույն բույսն է, որը բարելավում է արյան շրջանառությունն ու կանխում առիթմիաները: Պարզապես հարկավոր է 1 թ.գ. չորացրած ալոճը 5 րոպե թրմել մի բաժակ եռման ջրում, քամել և խմել փոքր կումերով: Այս թուրմը հարկավոր է ընդունել օրական 1-3 անգամ:

Տխլենի սովորական (лещина обыкновенная). լայնացած ու բորբոքված երակների, տրոֆիկ խոցերի, մազանոթային արյունազեղումների դեպքում հարկավոր է օրական 4 անգամ ուտելուց առաջ խմել տխլենու կեղևի եփուկ: Եփուկը պատրաստելու համար անհրաժեշտ է 1 ճ.գ. հումքին ավելացնել 500 մլ եռման ջուր և եռացնել 10 րոպե:

Մատնոցուկ ծիրանագույն (наперстянка пурпурная). քրոնիկ սրտային անբավարարությունների, ինչպես նաև տախիկարդիայի դեպքում խորհուրդ է տրվում խմել այս բույսի տերևների թուրմը: Հարկավոր է 0.5-1 գրամ հումքը թրմել 200 մլ եռման ջրում և ընդունել օրական 3-4 անգամ մեկական ճաշի գդալ: Կարելի է նաև ընդունել տերևների փոշին (0.05-0.1 գրամ օրական 3-4 անգամ): Ցանկալի արդյունքին հասնելուց հետո մատնոցուկը պետք է ընդունել այն չափաբաժնով, որը հարկավոր է արդյունքի պահպանման համար (յուրաքանչյուրի համար այս չափաբաժինն անհատական է): Սակայն հարկ է հիշել, որ մատնոցուկն անհրաժեշտ է ընդունել միայն բժշկի հսկողությամբ:

Էֆեդրա սովորական (хвойник двуколосковый). նյարդային համակարգը գրգռելու, արյան շրջանառությունը խթանելու, արյան ճնշումը կարգավորելու և բրոնխների մկանները թուլացնելու համար հարկավոր է խմել էֆեդրայի թեյ: Անհրաժեշտ է 1 թ.գ. էֆեդրային ավելացնել 2 բաժակ եռման ջուր, թրմել և ընդումել օրական 2-3 անգամ կես բաժակ:

Նյութի աղբյուրը՝ trental.ru