Պարզ ու արդյունավետ միջոցներ՝ անոթները մաքրելու համար

Հայտնի է, որ ականջներում զրնգոցի և աղմուկ առաջացման պատճառներից մեկն անոթային հիվանդություններն են, ուստի անոթները հարկավոր է պարբերաբար մաքրել և չսպասել նման խնդիրների առաջացմանը: Սակայն շատ քչերն են մտածում հնարավոր խնդիրների մասին, ուստի ոչ միշտ են հետևում մասնագետների խորհուրդներին:

Անոթների մաքրման համար կարելի է կիրառել Մարկ Ժոլոնձի մեթոդը: Ըստ Ժոլոնձի՝ կալիումի որոշ աղեր իոնների բաժանվելիս դուրս են մղում այլ աղերի մետաղները՝ առաջացնելով լուծվող միացություններ, որոնք էլ հեշտությամբ դուրս են բերվում օրգանիզմից: Այսպիսով՝ անոթները մաքրելու համար Ժոլոնձը խորհուրդ է տալիս հագեցնել օրգանիզմը հնարավորինս շատ կալիումով (օրական առնվազն 8 անգամ՝ յուրաքանչյուր 1.5 ժամը մեկ):

Օրինակ՝ եթե սննդի ընդունման առաջին ժամը 10:30-ն է, ապա վերջինը պետք է լինի 21:00-ը: Անոթների մաքրման համար սովորաբար մեկ օրը բավական է լինում: Երբեմն հարկավոր է լինում կրկնել պրոցեդուրան ևս մեկ օր, իսկ հազվադեպ դեպքերում՝ 3 օր: Սակայն երեք օրից ավել այս պրոցեդուրաները կատարելը կարող է վնասակար լինել, քանի որ օրգանիզմը կորցնում է նաև անհրաժեշտ աղերը: Անհրաժեշտության դեպքում անոթների մաքրման պրոցեդուրան կարելի է կրկնել 1 ամիս անց:

Որպես կալիումի աղբյուր կարելի է օգտագործել բույսերի և բանջարեղենի եփուկներ (օրինակ՝ մաղադանոս, կոտեմ, կարտոֆիլ, ճակնդեղ, գազար և այլն): Հարկավոր է հիշել, որ ամեն անգամ եփուկն ընդունելիս օրգանիզմը պետք է ստանա առնվազն 40 մգ կալիում:

Օրինակ՝ մաղադանոսի թուրմը պատրաստելու համար հարկավոր է երեկոյան թերմոսի մեջ (տարողությունը նշանակություն չունի) թրմել 40 գրամ մաղադանոս, թողնել ամբողջ գիշեր, իսկ հաջորդ օրը ստացված թուրմը բաժանել 8 հավասար մասի և ընդունել յուրաքանչյուր 1.5 ժամը մեկ:

Նույն կերպ կարելի է ընդունել նաև ասպարկամ (պանանգին) դեղամիջոցը, որի մեկ դեղահաբը պարունակում է 40 մգ կալիում: Անհրաժեշտ է դեղահաբը մանրացնել, լուծել կես բաժակ եռացրած գոլ ջրում և խմել: Այս պրոցեդուրան հարկավոր է կրկնել օրական 8 անգամ՝ յուրաքանչյուր 1.5 ժամը մեկ:

Սակայն հարկ է հիշել, որ և՛ մաղադանոսի թուրմը, և՛ ասպարկամի լուծույթն անհրաժեշտ է խմել կոկտեյլի ձողիկի միջոցով, որպեսզի ատամների էմալը չվնասվի:

Առհասարակ՝ անոթներն աղտոտվածությունից պաշտպանելու համար հարկավոր է ժամանակ առ ժամանակ օգտագործել կալիումով հարուստ սննդամթերք և տարեկան 1-2 անգամ մաքրել անոթները ներկայացված մեթոդներից որևէ մեկով:

Կալիումով ամենահարուստ սննդամթերքն է համարվում խնձորի քացախն ու մեղրը, սակայն կալիումի հիանալի աղբյուր կարող են լինել նաև սպանախը, վարունգը, կարտոֆիլը, գազարը, հազարը, մաղադանոսը, ծնեբեկը, ծովաբողկը, խատուտիկը, սխտորը, սև հաղարջը, բանանը, կաղամբը, թուրինջը, բողկը, լոբազգիները, տարեկանի հացը, վարսակը, կիվին, ավոկադոն, բրոկոլին, լյարդը, կաթը, ընկույզի յուղը, ցիտրուսային մրգերն ու խաղողը: Բացի այդ, մեծ քանակությամբ կալիում է պարունակվում նաև ձկան ու կաթնամթերքի մեջ:

Սակայն հարկ է հիշել, որ ինքնաբուժությունը կարող է վտանգավոր լինել կյանքի համար, ուստի ցանկացած դեղամիջոց կամ բուժման այլ միջոց կիրառելուց առաջ անհրաժեշտ է անպայման խորհրդակցել բժշկի հետ:

Նյութի աղբյուրը՝ xochu-vse-znat.ru