Առավոտյան կիտրոնաջուր օգտագործելու 10 օգտակար հատկություններն ու հակացուցումները

Շատերը իրենց օրը սկսում են 1 բաժակ ջրով ու կիտրոնահյութով, քանի որ  առավոտյան, սոված ժամանակ, այդ  ըմպելիքի օգտագործումը  հիանալի խոնավեցնում ու մաքրում է օրգանիզմը, այն հագեցնում  անհրաժեշտ վիտամիններով  ու հաղորդում  էներգիա:

Կիտրոնաջուրը սոված ժամանակ

Ըմպելիքի պատրաստման համար հարկավոր է պարզապես 2 ճ/գ  թարմ քամած կիտրոնահյութ և 1 բաժակ տաք ջուր: Համի հարստացման համար կարող եք ավելացնել 1 թ/գ մեղր:

Այսպիսով, գոյություն ունի ամենաքիչը 10 պատճառ, որոնց համար  կարելի է խմել կիտրոնաջուր:

1. Արագացնում է մարսողությունը

Կիտրոնն ունի    մարսողությանը նպաստող  լեղու արտազատումը խթանող հատկություններ: Այդ ամենի արդյունքում սննդամթերքը մարսվում է ավելի լավ, լավ է յուրացվում է, իսկ քայքայման հետևանքով առաջացած արգասիքների թիվն ավելի քիչ է լինում: Կիտրոնաթթուն արագացնում է նաև կղանքի զանգվածի դուրսբերումը:

2. Օգնում է նիհարել

Կիտրոնը պարունակում է մեծ քանակությամբ պեկտինային մանրաթելեր, իսկ դա նվազեցնում է ախորժակը և նպաստում է հագեցվածության  զգացողության ավելի երկար պահպանման:

3. Մաքրում է մաշկը

Կիտրոնաջուր 3 օր ընդունելուց հետո,  դուք կնկատեք, որ մաշկը դարձել է ավելի փայլուն, իսկ կորյակային ցանի արտահայտվածությունը նվազել է: Վիտամիններով ու թթվածնով հագեցած արյունը սնուցում է  յուրաքանչյուր բջիջ, արդյունքում օրգանիզմը երիտասարդանում է ոչ միայն ներքուստ այլ նաև արտաքուստ:

4. Խթանում է իմուննային համակարգը

Կիտրոնաջուրը ոչ միայն վիտամին С-ի աղբյուր է, որը պատասխանատու է հիվանդություններին դիմակայելու համար, այն նաև օգնում է ավելի լավ յուրացնել սննդի մեջ առկա երկաթն ու կալցիումը:

5. Բարձրացնում է էներգետիկան

Վիտամինները, եթերայուղերն ու հանքանյութերը օրգանիզմի վրա ազդում են որպես բնական հակադեպրեսանտներ: Բացի այդ, կիտրոնաջուրը կարգավորում է արյան մեջ գլյուկոզայի մակարդակն ու նպաստում է թարմության զգացողության առաջացմանը: Այս ըմպելիքը կարող է առավատյան լիովին փոխարինել սուրճին:

6. Թարմացնում է շնչառությունը

Հայտնի է, որ մարդու թուքը կարող է ոչնչացնել բերանի խոռոչում առկա հիվանդածին  մանրէները:Կիտրոնի հյութը  արագացնում է թքարտադրությունն ու օգնում է ազատվել բերանի տհաճ հոտից:

7. Կարգավորում է թթվայնությունը

Կիտրոնաթթուն օգնում է պահպանել рН բալանսը: Օգնում է միզաթթուների դուրսբերմանը, որոնք  նպաստում են անոթների  տարբեր հիվանդությունների առաջացման:

8. Օգնում է ազատվել կոկորդի վարակներից

Կիտրոնի հյութը հայտնի է իր հակաբակտերիալ հատկություններով: Առավոտյան, սնունդ օգտագործելուց առաջ, կիտրոնիաջրի օգտագործումը օգնում է  մաքրել բերանի խոռոչն ու կոկորդը և կանխում է վարակների առաջացումը:

9. Կարգավորում է ճնշումը

Այս ըմպելիքը օժտված է ավշային հանգույցները մաքրելու  ու ավիշների հոսքը բարելավելու հատկությամբ: Կիտրոնի մեջ առկա կալիումը կարգավորում է կենսաբանական հեղուկների քանակությունը, իսկ մագնեզումը՝ նպաստում է զարկերակների թուլացմանը:

Արդյունքում ստացվում է, որ կիտրոնով այս ըմպելիքը իր ազդեցությամբ նման է հիպերտոնիայի դեմ պայքարող դեղամիջոցներին: Այն նաև նվազեցնում է երիկամներում անգիոտենիզ հորմոնի  արտզատումը, որը նեղացնում է անոթներն ու  բարձրացնում է ճնշումը:

10. Միզուղիները մաքրող հիանալի միջոց

Կիտրոնաջուրը գործում է որպես փափուկ միզամուղ ու փոխում է մեզի рН-ը: Անցնելով միզուղիներով, նման մեզը արդյունավետ կերպով մաքրում է  քնի ժամանակ կուտակված բակտերիաներից:

Սակայն անգամ նման օգտակար ըմպելիքը ունի հակացուցումներ. այն հակացուցված է շաքարային դիաբետի, աղեստամոքսային տրակտի հիվանդությունների,  ցիտրուսներից ալերգիայի դեպքում:

Աղբյուրը՝   takprosto.cc