Լավագույն բնական միջոցները գրիպի և մրսածության բուժման ու կանխարգելման համար

11:23 • 28.10.17

Գրիպը սուր շնչառական հիվանդություն է, որն ուղեկցվում է ընդհանուր ինտոքսիկացիային բնորոշ ախտանշաններով՝ գլխացավով, թուլությամբ, սրտխառնոցով, մարմնի բարձր ջերմաստիճանով և այլ ախտանշաններով: Գրիպի հարուցիչներն են A և B վիրուսները, որոնք փոխանցվում են հիվանդ մարդուց: Վարակումը տեղի է ունենում օդակաթիլային ճանապարհով:

Գրիպի բուժման համար կարելի է օգտագործել դեղաբույսերի հետևյալ խառնուրդը.

· 15 գրամ խնկածաղիկ,

· 15 գրամ ուրց,

· 12 գրամ կղմուխի (девясил) արմատ,

· 5 գրամ կատվախոտի արմատ,

· 4 գրամ խնկեղեգի արմատ,

· 10 գրամ անանուխ,

· 10 գրամ էվկալիպտի տերևներ,

· 5 գրամ սոխի կեղև,

· 5 գրամ սխտորի կեղև,

· 10 գրամ մատուտակի արմատ,

· 30 գրամ շագանակագույն մասուր,

· 40 գրամ դաշտային ձիաձետ,

· 50 գրամ եգիպտացորենի մազիկներ,

· 30 գրամ կտավատի սերմեր,

· 40 գրամ մեղր,

· 30 մլ կիտրոնի հյութ:

Բոլոր բաղադրիչները լավ մանրացնել, ավելացնել 15 գրամ էխինացեա (փոշիացրած) և 20 գրամ զոպա (иссоп), լավ խառնել, այնուհետև ստացված խառնուրդի 4 ճաշի գդալին ավելացնել 400 մլ ջուր ու թրմել 2 ժամ: Ստացված թուրմն ընդունել օրական 4-5 անգամ ուտելուց մեկ ժամ առաջ 50-ական մլ:

Այս միջոցը ոչնչացնում է վնասակար ու ախտածին մանրէները, բակտերիաներն ու սնկերը, իսկ շնչառական օրգանների լորձաթաղանթը մաքրվում է տուբերկուլյոզի ցուպիկից:

Սուր շնչառական վարակիչ հիվանդությունների բուժման համար շատ արդյունավետ կարող է լինել հետևյալ միջոցը:

Հարկավոր է 3 մլ էխինացեայի թուրմը խառնել մատուտակի արմատի եփուկին (2 ճաշի գդալը թրմել 200 մլ եռման ջրում), ավելացնել1 ճաշի գդալ հալվեի հյութ և ընդունել ստացված դեղամիջոցը յուրաքանչյուր 2-3 ժամը մեկ՝ մեկական ճաշի գդալ:

Գրիպի կանխարգելման համար ժողովրդական բժշկությունը խորհուրդ է տալիս օրակամ 3 անգամ ուտելուց առաջ ընդունել 20 կաթիլ էխինացեայի թուրմ՝ խառնած մեկ գդալ ջրին: Ցանկության դեպքում թուրմի չափաբաժինը կարելի է ավելացնել (մինչև 1 թեյի գդալ):

Նյութի աղբյուրը՝ healthinfo.ua