Ինչպես բուժել ներաճած եղունգը. 4 արդյունավետ միջոց

20:43 • 16.11.17

Ոտքի մատի ներաճած եղունգը կարող է լուրջ խնդիր դառնալ մարդու համար, քանի որ սա ոչ միայն տգեղ երևույթ է, այլև շատ ցավոտ: Այս խնդրից հարկավոր է հնարավորինս շուտ ազատվել, քանի որ բուժումը հետաձգելը կարող է լուրջ հետևանքներ ունենալ (մատի բորբոքում ու թարախակալում):

Հիմնականում ախտահարվում է բութ մատը, սակայն մյուս մատների եղունգները նույնպես կարող են ներաճել: Սովորաբար եղունի ներաճումը պայմանավորված է լինում անհարմար կոշիկով, սնկային հիվանդությամբ, քաշի կտրուկ ավելացմամբ, վատ խնամքով ու տարատեսակ վնասվածքներով: Ամեն դեպքում այս թերությունից հարկավոր է ազատվել: Ձեր ուշադրությանն ենք ներկայացնում ներաճած եղունգից ազատվելու մի քանի արդյունավետ եղանակ:

Ինչպես բուժել ներաճած եղունգը

1. Հարկավոր է լավ փափկեցնել ողունգն ու մաշկը: Կարելի է ջրին ավելացնել մագնեզիումի սուլֆատ (վաճառվում է դեղատներում), խառնել և ոտքերը դնել այդ ջրի մեջ: Այս պրոցեդուրայից հետո կարելի է հեշտությամբ կտրել եղունգն ու դուրս բերել այն մաշկի մեջից: Եթե մատը շատ է ցավում, ապա կարելի է ոտքերը դնել կալիումի պերմանգանատի թույլ լուծույթի մեջ: Այն կօգնի մի քանի րոպեում ազատվել ցավից: Պրոցեդուրայից հետո հարկավոր է քսել փափկեցնող քսուք և հագնել բնական գործվածքից գուլպա:

2. Թարախակալման դեպքում անհրաժեշտ է մատին թեյի սունկ դնել: Այս միջոցը նաև շատ արդյունավետ է սնկային հիվանդության դեպքում: Հարկավոր է երեկոյան սունկը հաստ շերտով քսել մատին, վիրակապել, այնուհետև հագնել բրդյա գուլպաներ ու պառկել քնելու: Առավոտյան կարելի է պարզապես կտրել եղունգը:

3. Եթե ներաճած եղունգը անընդհատ է անհանգստացնում, ապա կարելի է դմել հետևյալ մեթոդի օգնությանը: Անհրաժեշտ է բամբակի փոքրիկ կտորով տամպոն պատրաստել և տեղադրել այն եղունգի ու մաշկի միջև: Սա բավական ցավոտ պրոցեդուրա է, ուստի հարկավոր է շատ զգույշ լինել: Տամպոնն անհրաժեշտ է փոխել օրական մի քանի անգամ: Այս մեթոդի շնորհիվ շատ շուտով ներաճած եղունգն այլևս չի անհանգստացնի:

4. Բացի այդ, կարելի է երեկոյան ներաճած եղունգին դնել կերակրի սոդայի, բուսայուղի և կիտրոնի կեղևի մանր քերուկի խառնուրդ: Այս պրոցեդուրայից առաջ ոտքը հարկավոր է նախապես թրջել: Արդյունքն ակնհայտ կլինի արդեն հաջորդ առավոտյան: Եղունգը կդառնա ավելի ճկուն և այն հնարավոր կլինի հեշտությամբ ուղղել և կտրել:

Նաև հարկ է հիշել, որ այս տհաճ խնդրի կանխարգելման համար հարկավոր է կրել շնչող կոշիկ և ճիշտ խնամել ոտքերը:

Նյութի աղբյուրը՝ takprosto.cc