Բնական ըմպելիք, որը խթանում է նյութափոխանակության գործընթացները և վահանաձև գեղձի աշխատանքը

Վահանաձև գեղձի հետ կապված խնդիրներից տառապողներից շատերը կարող են դադարել դեղորայք օգտագործել, քանի որ գոյություն ունի մի բնական միջոց, որը խթանում է վահանագեղձի աշխատանքն ու նյութափոխանակության գործընթացները: Առհասարակ՝ այս գեղձը շատ կարևոր է օրգանիզմի համար և դրա աշխատանքի խանգարումը կարող է դառնալ քաշի ավելացման և բազմաթիվ առողջական խնդիրների առաջացման պատճառ: Սա է պատճառը, որ վահանագեղձի հետ կապված խնդիրներից հարկավոր է ազատվել հնարավորինս շուտ՝ բարդություններից խուսափելու համար:

Ձեր ուշադրությանն ենք ներկայացնում մի ըմպելիք, որը կօգնի խթանել գեղձի աշխատանքը և ազատվել առաջացած խնդիրներից: Այս ըմպելիքը նաև հիանալի միջոց է հիպոթիրեոզի բուժման համար, իսկ այս հիվանդությունն առաջանում է, երբ վահանաձև գեղձը բավարար քանակությամբ հորմոններ չի արտադրում: Այս խնդիրը կարող է առաջանալ ցանկացածի մոտ, սակայն առավել հաճախ այն ի հայտ է գալիս 50 տարեկանից բարձր կանանց մոտ:

Ներկայացված ըմպելիքը հարուստ է վիտամիններով, հանքանյութերով ու հակաօքսիդանտներով: Բացի այդ, դրա համար անհրաժեշտ բաղադրիչները շատ հասանելի են, ուստի այն պատրաստելը շատ հեշտ է:

Բաղադրությունը.

·         1.5 լիտր զտած ջուր,

·         1 կտոր թարմ կորճապղպեղ (4-5 սմ),

·         1 թեյի գդալ աղացած դարչին,

·         1 ճաշի գդալ կոկոսյան ընկույզի յուղ,

·         ¼ բաժակ լոռամրգի հյութ,

·         1 պտղունց մշկընկույզ (քերիչով մանրացրած),

·         ½ բաժակ թարմ քամած նարնջի հյութ,

·         ½ բաժակ թարմ քամած կիտրոնի հյութ կամ 1 հատ կիվի:

Այս ըմպելիքի բաղադրության մեջ պարունակվող դարչինն օգնում է վերահսկել արյան մեջ գլյուկոզայի մակարդակը և խթանում է նյութափոխանակությունը: Շատ կարևոր բաղադրիչ է նաև մշկընկույզը, որը ոչ միայն խթանում է նյութափոխանակությունը, այլև նպաստում է բարձրացմանը տրամադրությունը:

Նարնջի հյութը հարուստ է վիտամին C-ով, որն անհրաժեշտ է օրգանիզմին բազմաթիվ գործընթացների համար, իսկ կիտրոնի հյութը հիմնայնացնում է արյունը և օգնում է մաքրել օրգանիզմը տոքսիններից:

Կոկոսյան ընկույզի յուղն անչափ օգտակար է վահանաձև գեղձի հիվանդություններից (հատկապես հիպոթիրեոզից) տառապողների համար, քանի որ բարելավում է այդ գեղձի աշխատանքը: Մասնագետները հաճախ նշում են, որ վահանաձև գեղձի հիվանդություններից տառապողներից շատերը կարող է դադարել դեղորայք ընդունել՝ պարզապես կոկոսյան ընկույզի յուղ օգտագործելով: Սակայն նման դեպքերում հարկ է հիշել, որ ոչ մի դեպքում չի կարելի զբաղվել ինքնաբուժությամբ ու դադարեցնել դեղամիջոցների ընդունումը՝ առանց բժշկի հետ նախապես խորհրդակցելու:

Ըմպելիքի պատրաստման եղանակը.

Ջուրը դնել կրակին և եռալուն պես ավելացնել համեմունքները (դարչին, կոճապղպեղ, մշկընկույզ): 2-3 րոպե թողնել թույլ կրակի վրա, այնուհետև վերցնել և թողնել, որ սառի:

Ավելացնել կիտրոնի հյութը (կամ կիվին), նարնջի հյութը, գոլ կոկոսյան ընկույզի յուղը և ջուրը, այնուհետև լավ խառնել:

Ստացված խառնուրդը խորհուրդ է տրվում օգտագործել օրվա ընթացքում գոլ վիճակում 150 մլ: Խառնուրդը կարելի է պահել սառնարանում:

Բուժման կուրսի տևողությունն է 15 օր, որից հետո հարկավոր է մեկ շաբաթ տևողությամբ դադար անել և կրկնեկ կուրսը:

Սակայն հարկ է հիշել, որ այս առողջարար ըմպելիքը հակացուցված է զարկերակային բարձր ճնշման դեպքում, ուստի անհրաժեշտ է շատ զգույշ լինել:

Նյութի աղբյուրը՝ fithacker.ru