Ամենաարդյունավետ բուսական թուրմերը, որոնք կօգնեն բուժել գրիպն ու մրսածությունը

Գրիպի ու մրսածության, ինչպես նաև սուր շնչառական վարակիչ այլ հիվանդությունների դեպքում մասնագետները սովորաբար հատուկ դեղամիջոցներ են նշանակում, սակայն կան նաև բնական թեյեր, որոնք նույնքան արյունավետ են և չեն առաջացնում կողմնակի բարդություններ:

Նման բուսական թուրմերի առավելություններից մեկն այն է, որ դրանք ոչ միայն շատ օգտակար են ու արդյունավետ, այլև հարմար են ինչպես մեծահասակների, այնպես էլ երեխաների բուժման համար: Ձեր ուշադրությանն ենք ներկայացնում ամենաարդյունավետ թեյերը՝ գրիպի ու մրսածության բուժման համար:

1-ին բաղադրատոմսը.

Երիցուկի, լորենու, անանուխի, խնկածաղկի, սրոհունդի և տատրակի խառնուրդ

Պատրաստման եղանակը.

Հարկավոր է որևէ տարրայի մեջ խառնել նշված բույսերից մեկական թեյի գդալ, այնուհետև ստացված խառնուրդի մեկ ճաշի գդալին ավելացնել մեկ բաժակ եռման ջուր, 15-20 րոպե թրմել ու քամել: Ցանկության դեպքում կարելի է թեյին մի փոքր մեղր ավելացնել:

2-րդ բաղադրատոմսը.

Մասուրի ու արոսենու պտուղների խառնուրդ

Պատրաստման եղանակը.

Նշված հատապտուղներից երկուական ճաշի գդալ լցնել կաթսայի մեջ, ավելացնել երկու բաժակ եռման ջուր և 20-30 րոպե եփել թույլ կրակի վրա: Այնուհետև եփուկը լցնել թերմոսի մեջ և թողնել ամբողջ գիշեր: Ստացված թեյին հարկավոր է մի փոքր մեղր ավելացնել և խմել հաջորդ օրվա ընթացքում:

3-րդ բաղադրատոմսը.

Անանուխի ու գետնաելակի տերևներով թեյ

Պատրաստման եղանակը.

Մեկ ճաշի գդալ գետնաեկալի տերևներին ավելացնել մեկ թեյի գդալ անանուխի տերևներ, ստացված խառնուրդը 10-15 րոպե թրմել երեք բաժակ եռման ջրում, այնուհետև քամել ու խմել: Ցանկության դեպքում կարելի է նաև մի փոքր մեղր ավելացնել:

4-րդ բաղադրատոմսը.

Մասուրով, լորենու ծաղիկներով ու պատրինջով թեյ

Պատրաստման եղանակը.

Հարկավոր է երեք ճաշի գդալ մասուրը, մեկ ճաշի գդալ լորենու ծաղիկներն ու մեկ թեյի գդալ պատրինջը լցնել թերմոսի մեջ, ավելացնել մեկ լիտր եռման ջուր և թրմել: Թուրմը հարկավոր է խմել հաջորդ օրը: Ցանկության դեպքում կարելի է մի փոքր մեղր ավելացնել:

Այս թուրմերը շատ օգտակար են ու արդյունավետ, սակայն հարկ է հիշել, որ մինչ նման թուրմերի միջոցով իմունիտետը բարձրացնելը կամ գրիպն ու մրսածությունը բուժելն անհրաժեշտ է խորհրդակցել բժշկի հետ, քանի որ երբեմն դրանք պարունակում են բաղադրիչներ, որոնք կարող են ալերգիկ ռեակցիաներ առաջացնել: Ընդ որում՝ նման բաղադրիչների շարքին է դասվում անգամ երիցուկը:

Նյութի աղբյուրը՝ med2.ru