Ինչպես ազատվել ավելորդ քաշից կոճապղպեղով թեյի օգնությամբ

Կոճապղպեղի արմատի օգտակար հատկությունների մասին մարդիկ վաղուց գիտեն: Այն կարելի է օգտագործել ինչպես հում վիճակում, այնպես էլ չորացրած կամ մարինացված: Այս մթերքն օգտագործվում է ոչ միայն խոհանոցում, այլև տարբեր հիվանդությունների բուժման համար ու որպես կոսմետիկ միջոց:

Կոճապղպեղի յուրահատուկ ազդեցությունը պայմանավորված է դրանում պարունակվող բազմաթիվ օգտակար բաղադրիչներով, որոնց շարքին են դասվում.

·        ջուրը,

·        օգտակար հանքանյութերը (ֆոսֆոր, նատրիում, մագնեզիում, կալցիում, երկաթ, կալիում, քրոմ, սիլիցիում, ցինկ, մանգան),

·        վիտամինները (A, B1, B2, C, E, K)

·        ճարպաթթուները,

·        սպիտակուցները,

·        գլուտամինաթթուն,

·        ամինաթթուները,

·        ասպարգինը,

·        ճարպերը,

·        ածխաջրերը,

·        եթերայուղերը:

Այս բույսը տարբերվում է իր յուրահատուկ կծու համով, ինչը պայմանավորված է դրանում պարունակվող նյութերով, որոնք օգնում են կանխարգելել հաստ աղիքի քաղցկեղը:

Կոճապղպեղի արմատը նաև շատ օգտակար է արգանդի հիվանդությունների ու մրսածության բուժման համար, ինչպես նաև օգնում է մեղմել դաշտանային ցավերը:

Բացի այդ, կոճապղպեղը վաղուց օգտագործվում է ավելորդ կիլոգրամներից ազատվելու համար: Այն բարելավում է թերմոգենեզի գործընթացը, ինչի շնորհիվ պահպանվում է օրգանիզմի մշտական ջերմաստիճանը:

Այն գործում է որպես լուծողական միջոց, ինչն օգնում է կարգավորել աղիների աշխատանքը: Այն նաև կանխում է փորափքանքն ու գազերի կուտակումը:

Այս բույսի օգնությամբ կարելի է կարգավորել արյան մեջ կորտիզոլի մակարդակը, իսկ այդ հորմոնի մեծ քանակությունը խանգարում է ճարպերի քայքայման գործընթացը:

Ինչպես պատրաստել կոճապղպեղով թեյ

Կոճապղպեղով թեյն անչափ օգտակար է օրգանիզմի համար: Այն ոչ միայն բուժում է տարբեր հիվանդությունները, այլև ազատում է ավելորդ քաշից ու բարելավում է մաշկի վիճակը: Սակայն հարկ է հիշել, որ դրական արդյունքի հասնելու համար, այս թեյը հարկավոր է խմել պարբերաբար:

Գոյություն ունեն կոճապղպեղով թեյի պատրաստման բազում եղանակներ: Ձեր ուշադրությանն ենք ներկայացնում դրանից մի քանիսը:

Կոճապղպեղով թեյ՝ ավելորդ քաշից ազատվելու համար.

Բաղադրությունը.

·        կոճապղպեղի արմատ,

·        մեղր (ըստ ցանկության),

·        դարչին (ըստ ցանկության):

Թեյը պատրաստելու համար հարկավոր է կոճապղպեղի արմատը բարակ շերտերով կտրատել, լցնել կաթսայի մեջ, ավելացնել սառը ջուր, այնուհետև դնել կրակին: Երբ ջուրը եռա, թուլացնել կրակը և եփել ևս 15-20 րոպե:

Մի փոքր սառելուց հետո կարելի է թուրմին ավելացնել նաև դարչին ու մեղր: Մեղրը ոչ մի դեպքում չի կարելի ավելացնել չափազանց տաք թուրմին, այլապես այն կկորցնի իր բոլոր բուժիչ հատկությունները:

Կոճապղպեղ ու սև թեյ

Այս ըմպելիքը ուժ ու էներգիա է հաղորդում: Դրա պատրաստման համար հարկավոր է.

·        թարմ կոճապղպեղի արմատ,

·        սև թեյ:

Թեյի պատրաստման համար կարկավոր է կոճապղպեղը քերիչով մանրացնել, ավելացնել սև թեյի չորացրած տերևներ ու եռման ջուր և թրմել մոտ կես ժամ:

Կոճապղպեղ ու կանաչ թեյ

Կոճապղպեղով ու կանաչ թեյով ըմպելիքը շատ օգտակար է բեռնաթափման օրերին օգտագործելու համար: Դրա պատրաստման համար հարկավոր է.

·        կանաչ թեյ,

·        կոճապղպեղի արմատ:

Թեյը պատրաստելիս բաղադրիչները հարկավոր է թրմել թերմոսի մեջ:

Չնայած, որ կոճապղեղն անչափ օգտակար մթերք է, այն ունի մի շարք հակացուցումներ, ուստի օգտագործելուց առաջ հարկավոր է շատ ուշադիր լինել և անհրաժեշտության դեպքում խորհրդակցել բժշկի հետ: Այս բույսը հակացուցված է.

·        հղիներին ու երեխային կրծքով կերակրող կանանց,

·        անոթային վեգետատիվ դիստոնիայից տառապողներին,

·        միզաքարային հիվանդությունից տառապողներին,

·        աղեստամոքսային տրակտի բորբոքումից տառապողներին,

·        զարկերակային գերճնշումից տառապողներին:

Նյութի աղբյուրը՝ lady-journal.info