Սխտորով մածուկի բաղադրատոմս, որը կօգնի խուսափել գրիպից ու մրսածությունից

15:30 • 31.12.17

Սխտորն անչափ օգտակար մթերք է, որը կարելի է օգտագործել ոչ միայն խոհանոցում, այլ նաև բժշկության մեջ: Սակայն այն շատ արագ է չորանում՝ կորցնելով իր հյութեղությունն ու օգտակար հատկությունների մի մասը: Ձեր ուշադրությանն ենք ներկայացնում սխտորով մածուկների բաղադրատոմսեր, որոնք կլինեն միշտ ձեռքի տակ և որոնց շնորհիվ սխտորը կպահպանի իր օգտակարությունը:

Սխտորի մածուկ

Այս մածուկի պատրաստման համար 1 կգ սխտորի դիմաց անհրաժեշը է 250 մլ ձիթապտղի յուղ: Ցանկության դեպքում կարելի է ավելի քիչ սխտոր օգտագործել, իսկ ձիթապտղի յուղը փոխարինել որևէ այլ բուսայուղով:

Պատրաստման եղանակը.

Մածուկի պատրաստման համար հարկավոր է մաքրել սխտորը, լցնել կոտորակիչի մեջ, ավելացնել բուսայուղը և հարել, մինչև դառնա համասեռ զանգված: Ստացված զանգվածը լցնել տարրաների մեջ և պահել սառնարանում:

Կոճապղպեղով ու սխտորով մածուկ

Կոճապղպեղի օգտակարության մասին շատերը գիտեն, սակայն սխտորի հետ համադրելու դեպքում այն շատ ավելի օգտակար է դառնում:

Այս մածուկի պատրաստման համար անհրաժեշտ է 200 գրամ կոճապղպեղ և 300 գրամ սխտոր (կամ 2 մաս սխտոր և 3 մաս կոճապղպեղ): Ցանկության դեպքում կարելի է նաև ավելացնել չիլի պղպեղի 1 պատիճ:

Պատրաստման եղանակը.

Մաքրել սխտորն ու կեղևազրկել և մանր կտրատել կոճապղպեղը: Մանրացնել բաղադրիչները կոտորակիչի օգնությամբ, մինչև դառնա համասեռ զանգված, այնուհետև ստացված մածուկը լցնել ապակյա տարրայի մեջ և ամուր փակել կափարիչը:

Սխտորի մածուկի օգտագործման եղանակը

Սխտորի սիրահարներին այս մածուկները դուր կգան: Այս կերպ պատրաստված սխտորը պահպանում է իր թարմությունն ու օգտակար հատկությունները: Բացի այդ, այս դեպքում սխտորը շատ ավելի երկար է պահվում և կարող ՝ օգտագործվել նաև ձմռանը:

Այս մածուկը շատ հարմար է սենդվիչների համար: Այն նաև կարելի է օգտագործել որպես սոուս կամ ավելացնել արդեն պատրաստի սոուսներին:

Բացի այդ, այն կօգնի բուժել ու կանխել սեզոնային մրսածությունն ու գրիպը և պահպանել առողջությունը:

Նյութի աղբյուրը՝ pechagina.ru