Ամենաարդյունավետ բնական միջոցները՝ կարճ ժամանակահատվածում հազը բուժելու համար

19:30 • 09.01.18

Հազը շատ տհաճ խնդիր է, որը ժամանակին չբուժելը կարող է լուրջ հետևանքներ առաջացնել: Սովորաբար հազի դեմ բժիշկները նշանակում են համապատասխան օշարակներ, սառնաշաքարներ կամ դեղահաբեր, սակայն կան նաև բազմաթիվ բնական միջոցներ, որոնք նույնքան արդյունավետ են, սակայն շատ ավելի անվնաս ու օգտակար:

Ձեր ուշադրությանն ենք ներկայացնում ամենաարդյունավետ ու օգտակար բնական միջոցները, որոնք կօգնեն կարճ ժամանակահատվածում բուժել հազը:

1. Երեխաների մոտ առաջացած հազը բուժելու համար հարկավոր է քերիչով մանրացնել 1 հատ խնձորը, 1 հատ սոխը և 1 հատ գազարը (պետք է լինեն մոտավորապես նույն քաշի), այնուհետև ավելացնել 2 ճաշի գդալ մեղր և լավ խառնել: Այս խառնուրդը հարկավոր է տալ երեխային օրական 4-5 անգամ՝ մեկական թեյի գդալ գոլ վիճակում:

2. 30 գրամ չամիչը 45 րոպե թրմել եռացրած, սակայն արդեն սառը ջրում, այնուհետև քամել և ուտել չամիչները քնելուց առաջ: Չամիչներն ուտելուց հետո հարկավոր է տաք կաթ խմել: Այս միջոցն օգնում է անգամ ուժեղ հազի դեպքում:

3. 10 հատ սոխը մանր կտրատել, մաքրել ու մանրացնել 1 գլուխ սխտորը, այնուհետև ստացված խառնուրդին ավելացնել 500 մլ կաթ և եփել, մինչև սոխը փափկի: Խառնուրդին ավելացնել նաև լորենու մեղր և անանուխ, թրմել 1 ժամ, այնուհետև քամել: Դեղամիջոցը հարկավոր է ընդունել օրական մի քանի անգամ՝ մեկական ճաշի գդալ:

4. Խնձորը քերիչով մանրացնել, այնուհետև ստացված զանգվածի 2 ճաշի գդալին ավելացնել 2 ճաշի գդալ մեղր ու 1 ճաշի գդալ քերիչով մանրացրած սոխ և լավ խառնել: Ընդունել խառնուրդը գոլ վիճակում օրական 4-7 անգամ մեկական թեյի գդալ:

5. 2 հատ հասած բանանը մանրացնել, ավելացնել 200 մլ տաք ջուր և եռացնել 10 րոպե: Այնուհետև խառնուրդը քամել, ավելացնել մեղր և խմել ստացված ըմպելիքը գոլ վիճակում:

Նյութի աղբյուրը՝ fithacker.ru