Որոնք են ձվարանների պոլիկիստոզային համախտանիշի հիմնական ախտանշանները և լավագույն դեղաբույսերն այս խնդրից ազատվելու համար

Առողջական խնդիրների դեպքում օրգանիզմը միշտ նախազգուշացնում է ախտանշանների միջոցով, սակայն մարդիկ ոչ միշտ են պատշաճ ուշադրություն դարձնում դրանց: Այնուամենայնիվ՝ տարբեր հիվանդությունների ախտանշաններն իմանալը շատ կարևոր է, քանի որ դա կօգնի ժամանակին հայտնաբերել ու բուժել հիվանդությունները՝ բարձրացնելով բերահաջող բուժման հավանականությունը:

Ձվարանների պոլիկիստոզային համախտանիշը շատ տարածված խնդիր է կանանց շրջանում: Այս հիվանդությունը հաճախ ի հայտ է գալիս դաշտանադադարից հետո և, ինչպես շատ այլ հիվանդություններ, դրսևորվում է բնորոշ ախտանշաններով:

Ձվարանների կիստայի մասին վկայող հիմնական ախտանշանների շարքին են դասվում.

·        փորափքանքը,

·        սեռական ակտի ժամանակ ի հայտ եկող ցավոտ զգացողությունները,

·        կոնքի հատվածի ցավը դաշտանից առաջ ու հետո,

·        աղիների ցավը,

·        մեջքի ստորին հատվածի կամ ազդրերի ցավը,

·        փսխումն ու սրտխառնոցը:

Հարկ է հիշել, որ ոչ մի դեպքում չի կարելի անտեսել այս ախտանշանները, իսկ կոնքի հատվածի սուր ցավերի, մարմնի ջերմաստիճանի բարձրացման, հևոցի, գլխապտույտի և գիտակցության կորստի դեպքում անհրաժեշտ է անհապաղ դիմել բժշկին:

Սակայն անգամ ախտորոշման հաստատման դեպքում պետք չէ հուսալքվել, քանի որ գոյություն ունեն բնական միջոցներ, որոնք կօգնեն պայքարել այս խնդրի դեմ: Ձեր ուշադրությանն ենք ներկայացնում լավագույն խոտաբույսերը ձվարանների կիստաներից ազատվելու համար:

Կուսածառ սովորական (витекс обыкновенный, vitex agnus-castus). այս բույսը կօգնի կարգավորել հորմոնալ ֆոնը, սակայն հարկավոր է հաշվի առնել, որ այն հակացուցված է հղի կանանց:

Տատաշ գետնատարած (якорцы стелющиеся, tribulus terrestris). այս բուժիչ բույսը շատ օգտակար է վերարտադրողական համակարգի համար, ինչպես նաև օգնում է կարգավորել ձվազատման գործընթացը:

Խատուտիկի արմատ. այս բույսը մաքրում է օրգանիզմը տոքսիններից և հանգստացնող ու բուժիչ ազդեցություն է ունենում ձվարանների վրա:

Քաղցրարմատ (корень солодки). այս բույսի արմատները բարենպաստ ազդեցություն են ունենում ներզատական (էնդրոկրին) համակարգի և մակերիկամների աշխատանքի վրա, ինչպես նաև արդյունավետ կերպով բուժում են ձվարանների կիստաները: Սակայն հարկ է հիշել, որ այս բույսը հակացուցված է զարկերակային գերճնշումից տառապողներին:

Կարմիր երեքնուկի ծաղիկներ. այս բույսը պարունակում է ֆիտոէստրոգեն, որը նման է էստրոգենին և օգնում է կարգավորել հորմոնալ ֆոնը՝ բուժելով նաև ձվարանների պոլիկիստոզային համախտանիշը:

Բացի նշված խոտաբույսերից, գոյություն ունի նաև մի հիանալի բաղադրատոմս, որը պարունակում է միայն բնական բաղադրիչներ, չի առաջացնում կողմնակի բարդություններ և օգնում է արդյունավետ կերպով ազատվել ձվարանների կիստաներից:

Բաղադրությունը.

·        1 թեյի գդալ բնական մեղր,

·        1 ճաշի գդալ թարմ քամած կիտրոնի հյութ,

·        1 ճաշի գդալ մեղվափոշի,

·        1 ճաշի գդալ հալվե վերայի գել,

·        1 բաժակ զտված գոլ ջուր:

Օգտագործման եղանակը.

Հարկավոր է բոլոր նշված բազադրիչները խառնել մինչև ստացվի համասեռ զանգված և խմել ստացված ըմպելիքն առավոտյան դատարկ ստամոքսին: Բուժման կուրսը տևում է 1 ամիս, սակայն անհրաժեշտության դեպքում կարելի է կրկնել կուրսը տարեկան 3 անգամ:

Նյութի աղբյուրը՝ budetezdorovy.ru