Արդյունավետ ըմպելիք, որը կօգնի մաքրել օրգանիզմը վնասակար նյութերից և բարելավել առողջական վիճակը

Օրգանիզմը պարբերաբար մաքրելն ու վատ բջիջներից ազատվելն անչափ կարևոր է, քանի որ նման բջիջները կարող են դառնալ առողջական լուրջ խնդիրների առաջացման պատճառ: Ձեր ուշադրությանն ենք ներկայացնում մի արդյունավետ ըմպելիք, որը ոչ միայն կօգնի ազատվել վնասակար բջիջներից ու կբարելավի առողջական վիճակը, այլև չի առաջացնի կողմնակի բարդություններ, քանի որ պարունակում է միայն բնական բաղադրիչներ:

Այս ըմպելիքը պատրաստելու համար հարկավոր է.

·         ½ ճակնդեղ,

·         2 հատ գազար,

·         1 հատ խնձոր:

Պատրաստման եղանակը.

Առաջին հերթին՝ հարկավոր է մաքրել բոլոր բաղադրիչները և կտրատել դրանք: Այնուհետև անհրաժեշտ է հյութաքամիչի միջոցով քամել ճակնդեղի հյութը, լցնել այն բաժակի կամ ապակյա տարրայի մեջ և մեկ ժամ թողնել սառնարանում: Մեկ ժամ անց հարկավոր է քամել նաև մյուս բաղադրիչների հյութը և ավելացնել ճակնդեղի հյութին: Ստացված խառնուրդն անհրաժեշտ է խմել առավոտյան՝ նախաճաշից 30-40 րոպե առաջ: Բուժման կուրսը տևում է 3 ամիս:

Այս ըմպելիքը պատրաստելիս հարկ է հիշել, որ ոչ մի դեպքում չի կարելի խառնել հյութերը միանգամից: Անհրաժեշտ է նախ քամել ճակնդեղի հյութը, լցնել այն ապակյա տարրայի մեջ և թողնել սառնարանում: Այս կերպ կարելի է ազատվել դրանում պարունակվող տոքսիկ նյութերից, որոնք թթվածնի հետ շփման դեպքում կորցնում են իրենց հատկությունները և չեն առաջացնում կողմնակի բարդություններ: Հակառակ դեպքում կարող են նկատվել այնպիսի տհաճ ախտանշաններ, ինչպիսին են սրտխառնոցը, փսխումն ու գլխապտույտը:

Այս առողջարար ըմպելիքն արդյունավետ կերպով մաքրում է օրգանիզմը վնասական բջիջներից և դանդաղեցնում է դրանց աճը: Բացի այդ, այն օժտված է նաև մի շարք այլ օգտակար հատկություններով: Օրինակ՝

·         այս ըմպելիքն օգնում է կանխարգելել քաղցկեղի առաջացումը,

·         խոչընդոտում է երիկամների, լյարդի և ենթաստամոքսային գեղձի հիվանդությունների առաջացմանը,

·         օգնում է բուժել խոցերը,

·         ամրապնդում է իմունային համակարգը,

·         մաքրում է օրգանիզմը տոքսիններից,

·         բարելավում է աղիների աշխատանքը,

·         ազատում է բերանի խոռոչի տհաճ հոտից,

·         մեղմում է դաշտանային ցավերը,

·         կարգավորում է արյան մեջ էրիթրոցիտների մակարդակը,

·         նվազեցնում է արյան մեջ խոլեստերինի մակարդակը,

·         իջեցնում է զարկերակային ճնշումը,

·         կարգավորում է արյունատար անոթների վիճակը,

·         նպաստում է ավելորդ քաշի նվազմանը:

նյութի աղբյուրը՝ weeklyhealthylife.com