Լավագույն բնական միջոցները՝ լսողությունը վերականգնելու և խլությունը կանխելու համար

Խլությունը շատ լուրջ հիվանդություն է, որը բուժման ենթական չէ: Լսողությունը կարող է վատանալ մրսածության ժամանակ՝ հարբուխի հետևանքով: Այդ դեպքում հարկավոր է օգտագործել այնպիսի դեղամիջոցներ, որոնք կօգնեն ազատվել ականջի բորբոքումից և կբուժեն լսողության ժամանակավոր թուլացումը:

Լինում են նաև դեպքեր, երբ լսողության վատացման պատճառ է դառնում վատ հիգիենան: Հարկ է հիշել, որ ականջները մաքրելը շատ կարևոր է, քանի որ ականջի ծծմբախցանները կարող են խիստ վտանգավոր լինել:

Լսողության վատացման ևս մի տարածված պատճառ է ծերացումը. տարիքի հետ լսողությունը սկսում է թուլանալ:

Ինչպես բարելավել լսողությունը

Լսողությունը կարելի է բարելավել ժողովրդական բժկության օգնությամբ: Ընդամենը մեկ դար առաջ այս բաղադրատոմսերն օգտագործվում էին լսողությունը վերականգնելու, ականջի բորբոքումն ու ականջների տարբեր վարակները բուժելու համար: Ձեր ուշադրությանն ենք ներկայացնում դրանցից մի քանիսը:

Մեղր ու դարչին

Խառնել մեղրն ու դարչինը (1:1 հարաբերակցությամբ) և ստացված խառնուրդն ուտել ամեն օր՝ օրական 3 ճաշի գդալ: Այս միջոցը բարելավում է լսողությունն ու խթանում է օրգանիզմի՝ ախտածին բակտերիաների դեմ պայքարելու հատկությունը:

Կարմիր գինի ու կանաչ թեյ

Այս ըմպելիքները պարունակում են մեծ քանակությամբ հակաօքսիդանտներ, որոնք պաշտպանում են ներքին ականջում եղած մազիկները: Այդ մազիկները շատ կարևոր գործառույթ են կատարում. դրանք պատնեշ են հանդիսանում լսողության կորուստ առաջացնող բակտերիաների համար:

Սխտոր

Լսողության բարելավման համար հարկավոր է սխտորի մի քանի պճեղից քամել հյութը, խառնել նույն քանակությամբ ձիթայուղին, այնուհետև ստացված խառնուրդը մառլյայի օգնությամբ քամել և օրական երկու անգամ 3-4 կաթիլ կաթեցնել ականջների մեջ: Պրոցեդուրան ավեարտելուց հետո ականջները հարկավոր է փակել բամբակյա տամպոնի օգնությամբ:

Կարմիր սոխի հյութ և սխտորի հյութ

Հարկավոր է խառնել 30 մլ սոխի հյութն ու 30 մլ սխտորի հյութը և ստացված խառնուրդը խմել օրական մի քանի անգամ: Այս ըմպելիքն օժտված է հզոր հակաբակտերիալ հատկություններով, ինչի շնորհիվ արդյուքը շատ արագ ակնհայտ է դառնում:

Նաև շատ օգտակար են մերսումները՝ հատկապես ականջների հատվածում տհաճ զգացողությունների առկայության դեպքում: Տհաճ ձայներ կամ շատ բարձր երաժշտություն լսելու դեպքում ականջներին կարելի է տոնուս հաղորդել շփելով կամ մի փոքր տրորելով: Բացի այդ, հարկավոր է միշտ հիշել ականջների հիգիենայի մասին և չանտեսել նույնիսկ ամենաչնչին խնդիրները:

Նյութի աղբյուրը՝ takprosto.cc