Լավագույն բնական միջոցները՝ աչքերի շուրջն առաջացող կնճիռներից ազատվելու համար

Ժպիտը մարդու ամենագրավիչ կողմն է, սակայն, ցավոք, բոլոր էմոցիաները ժամանակի ընթացքում երևան են գալիս դեմքի կնճիռների տեսքով: Հատկապես արտահայտիչ են լինում աչքերի շուրջն առաջացող կնճիռները, քանի որ այդ հատվածի մաշկը շատ նուրբ է և բարակ:

Ձեզ ենք ներկայացնում լավագույն դիմակները՝ աչքերի շուրջն առաջացող կնճիռներից ազատվելու և մաշկը հարթեցնելու համար:

Ձիթապտղի յուղով դիմակ

Հարկավոր է մի ճաշի գդալ ձիթայուղին ավելացնել 3 կաթիլ վիտամին E կամ 5-6 կաթիլ կիտրոնի հյութ, ստացված խառնուրդը քսել աչքերի շուրջը և թողնել 10 րոպե: Այնուհետև անձեռոցիկով մաքրել դիմակի մնացորդները և թեթև մերսել մաշկը: Մերսումից հետո հարկավոր է մաշկը սառույցով տրորել (աչքի արտաքին անյունից դեպի ներքինը) և քսել ամենօրյա նրբաքսուք:

Այս դիմակը հարմար է ցանկացած տարիքի կանանց համար: Այն սնուցում է մաշկը, հարթեցնում ու սպիտակեցնում, իսկ սառույցն օգնում է ազատվել ուռածությունից: Բացի այդ, շատ օգտակար են նաև յուղերը (օր.՝ ժոժոբայի յուղը), ուստի՝ գիշերային նրբաքսուքը կարելի է փոխարինել որևէ բուսայուղով:

Կարտոֆիլով ու մաղադանոսով դիմակ

Նախևառաջ հարկավոր է պատրաստել մաղադանոսի եփուկ: Անհրաժեշտ է 1 ճ.գ. մանրացրած մաղադանոսին ավելացնել 0.5 լիտր եռման ջուր, թրմել 15 րոպե և քամել:Ստացված եփուկի 2 ճ.գ. խառնել 1 ճ.գ. հում քերած կարտոֆիլին և 1 ճ.գ. բուսական յուղին:

Ստացված խառնուրդն անհրաժեշտ է լցնել մառլյայի վրա և այն 15 րոպեով դնել աչքերի շուրջը եղած մաշկին: Դիմակն օգտագործելուց հետո կարելի է չլվացվել:

Այս դիմակը ոչ միայն ազատում է կնճիռներից, այլև պայքարում է մաշկի տարիքային փոփոխությունների դեմ և շատ հարմար է 35 տարեկանից բարձր կանան համար:

Կաթնաշոռով ու գազարով դիմակ

1 ճ.գ. կաթնաշոռին ավելացնել 1 ճ.գ. յուղոտ սերուցք և 1 ճ.գ. թարմ գազարի հյութ, ստացված խառնուրդը քսել մաշկին, թողնել կես ժամ, այնուհետև լվանալ գոլ ջրով: Այնուհետև տրորել մաշկը սառույցի կտոով և նրբորեն սրբել սրբիչով: Այս պրոցեդուրան սնուցում ու խոնավեցնում է մաշկը և պաշտպանում այտույցներից ու կապտուկներից:

30-ամյա կանայք այս դիմակը կարող են օգտագործել 7-10 օրը մեկ, իսկ 40-ից բարձրները՝ շաբաթական 2-3 անգամ:

Կեչու տերևներով դիմակ

Թարմ կեչու տերևներին ավելացնել 1 բաժակ սառը ջուր, 8 ժամ թրմել և քամել: Ստացված թուրմով թրջել բամբակյա սկավառակներն ու 15 րոպեով դնել դրանք աչքերին: Այս դիմակը խոնավեցնում է մաշկը՝ դարձնելով այն ավելի ձիգ ու առողջ:  Այն նաև հրաշալի տոնուս հաղորդող միջոց է և շատ հարմար է առավոտյան պրոցեդուրաների համար:

Այս դիմակը կարելի է սկսել օգտագործել 20 տարեկանում՝ հետագայում աչքերի շուրջը կնճիռների առաջացումը կանխելու և մաշկի առողջությունը պահպանելու համար:

Նյութի աղբյուրը՝ takprosto.cc