Բնական ըմպելիք, որն ակտիվացնում է նյութափոխանակությունն ու նպաստում է ճարպերի այրմանը

12:23 • 07.02.18

Բնությունը մարդկությանը տվել է բոլոր անհրաժեշտ սննդարար նյութերը տարբեր հիվանդություններից ու առողջական խնդիրներից ազատվելու համար և հենց սա է պատճառը, որ մարդիկ հաճախ նախապատվությունը տալիս են բուժման բնական միջոցներին, որոնք նույնքան արդյունավետ են, որքան դեղամիջոցները, սակայն շատ ավելի անվնաս են ու չեն առաջացնում կողմնակի բարդություններ:

Ձեր ուշադրությնն ենք ներկայացնում մի բնական ըմպելիք, որը կիրառվում է գրիպը բուժելու և կանխարգելելու, ինչպես նաև օրգանիզմը մաքրելու և ավելորդ քաշից ազատվելու համար: Այս ըմպելիքի պատրաստման համար անհրաժեշտ բաղադրիչներն են կիտրոնն ու չիայի սերմերը:

Պատրաստման եղանակը.

Առաջին հերթին հարկավոր է չիայի սերմերին ավելացնել ջուր և թողնել առնվազն 1 ժամ: Երբ սերմերը կլանեն ջուրն ու ուռչեն, հարկավոր է ավելացնել դրանց նաև կիտրոնն ու բոլոր բաղադրիչները մանրացնել կոտորակիչով մինչև ստացվի համասեռ զանգված:

Ստացված համեղ հյութը հարկավոր է օգտագործել ամեն օր: Այն կօգնի ոչ միայն կանխարգելել գրիպն ու մաքրել օրգանիզմը, այլև կակտիվացնի նյութափոխանակության գործընթացներն ու կնպաստի ճարպերի այրմանը:

Կիտրոնը պարունակում է մեծ քանակությամբ վիտամիններ (B, C, P) ու հանքանյութեր (կալիում, ֆոսֆոր, ֆտոր, նատրիում, մագնեզիում, երկաթ, կալցում), որոնք շատ օգտակար են օրգանիզմի համար: Սա օրգանիզմը մաքրող հիանալի միջոց է, որն ունի շատ ցածր կալորիականություն և պարունակում է մանրաթելեր, որոնք օգնում են դուրս բերել տոքսիններն օրգանիզմից:

Չիայի սերմերը հզոր բնական հակաօքսիդանտ են, որոնք հարուստ են օգտակար ճարպաթթուներով (օրինակ՝ օմեգա-3), մանրաթելերով, կալցիումով ու սպիտակուցներով: Այս սերմերը հագեցնում են ու ազատում են քաղցի զգացումից: Բացի այդ, դրանք նվազեցնում են արյան մեջ շաքարի մակարդակը, ուստի շատ օգտակար են անգամ շաքարային դիաբետի դեպքում:

Սակայն հարկ է հիշել, որ միայն այս արդյունավետ ըմպելիքն օգտագործելով հնարավոր չէ հասնել ցանկալի արդյունքին, ուստի առավել լավ արդյունքի հասնելու համար խորհուրդ է տրվում կարգավորել սննդակարգը և լինել ֆիզիկապես ակտիվ:

Նյութի աղբյուրը՝ healthyfoodvision.com